7-வது பிரெஞ்சு ஓபன் பட்டம்: நடாலுக்கு ரூ.8 1/2 கோடி பரிசு

பாரீஸ், ஜூன். 12-


டென்னிஸ் விளையாட்டில்
மிகவும் பிரபலம் பெற்றது கிராண்ட்சிலாம் போட்டிகள் ஆகும். ஒவ்வொரு ஆண்டும்
ஆஸ்திரேலிய ஓபன், பிரெஞ்சு ஓபன், விம்பிள்டன், அமெரிக்க ஓபன் ஆகிய 4
கிராண்ட்சிலாம் போட்டிகள் நடைபெறும்.

இதில் ஆஸ்திரேலிய ஓபன், அமெரிக்க ஓபன் ஹார்ட்கோர்ட் ஆடுகளத்தில்
(கடுமையான தரை) நடைபெறும். பிரெஞ்சு ஓபன் களிமண் தரை ஆடுகளத்திலும்,
விம்பிள்டன் புல்தரை ஆடுகளத்தில் நடைபெறும்.

இதில்
களிமண் தரை ஆடுகளத்தில் விளையாடுவதில் 'கிங்' என்பதை ஸ்பெயின் வீரர் ரபெல்
நடால் நிரூபித்து உள்ளார். நேற்று நடந்த பிரெஞ்சு ஓபன் இறுதிப்போட்டியில்
உலகின் இரண்டாம் நிலை வீரரான அவர் 6-4, 6-3, 2-6, 7-5 என்ற கணக்கில் முதல்
நிலை வீரரான ஜோகோவிச்சை (செர்பியா) தோற்கடித்தார்.

இதன்மூலம்
நடால் 7-வது முறையாக பிரெஞ்சு ஓபன் பட்டத்தை கைப்பற்றி புதிய வரலாறு
படைத்தார். 2005, 2006, 2007, 2008, 2010, 2011 ஆகிய ஆண்டுகளில் பிரெஞ்சு
ஓபன் பட்டத்தை வென்று இருந்தார். இதற்கு முன்பு சுவீடன் வீரர் பிஜோரன்
போர்க் 6 முறை (1974, 1975, 1978, 1979, 1980, 1981) பிரெஞ்சு ஓபன்
பட்டத்தை கைப்பற்றி இருந்ததே சாதனையாகும்.

பிரெஞ்சு
ஓபன் போட்டியில் நடால் இதுவரை 52 ஆட்டத்தில் வெற்றி பெற்றுள்ளார். ஒரே ஒரு
ஆட்டத்தில் மட்டுமே தோற்றுள்ளார். 2009-ம் ஆண்டு 4-வது சுற்றில் அவர்
சோடர்லிங்கிடம் தோற்றார். அந்த ஆண்டில் பெடரர் பிரெஞ்சு ஓபன் பட்டத்தை
வென்றார்.

நடால் வென்ற 11-வது கிராண்ட்சிலாம் பட்டம்
இதுவாகும். இதன்மூலம் அவர் பிஜோரன் போர்க் (சுவீடன்), ராட்லால்வா
(ஆஸ்திரேலியா) ஆகியோரை சமன் செய்தார். இவர்களும் 11 கிராண்ட்சிலாம் பட்டம்
பெற்று இருந்தனர்.

ரோஜர் பெடரர் (சுவிட்சர்லாந்து)
16 கிராண்ட்சிலாம் பட்டம் பெற்று முதலிடத்தில் உள்ளார். அவருக்கு அடுத்தப்
படியாக பீட்சாம்ராஸ் (14), ராயமெர்சன் (12) உள்ளனர்.

பிரெஞ்சு
ஓபன் பட்டத்தை கைப்பற்றிய நடாலுக்கு ரூ.8 1/2 கோடி பரிசு கிடைத்தது.
தோல்வி அடைந்த ஜோகோவிச்சுக்கு ரூ.4 1/2 கோடி கிடைத்தது. டென்னிஸ்
விளையாட்டு மூலம் நடால் இதுவரை ரூ.248 கோடி வரை சம்பாதித்து உள்ளார்.

-மாலைமலர்

தகவலுக்கு நன்றி! இந்த முறையும் நடால் தான் வருவார் என்று எதிர் பார்த்தது தான்~!

வாழ்த்துக்கள் நடால்