சிங்கப்பூர் ஓபன் பேட்மிண்டன்: சாம்பியன் பட்டம் வென்றார் பி.வி.சிந்து

**T.N.Balasubramanian** · **T.N.Balasubramanian** Sun 17 Jul 2022 - 19:07

கடந்த சில நாட்களாக சிங்கப்பூர் ஓபன் பேட்மிண்டன் போட்டி நடைபெற்று வரும் இந்தப் போட்டியில் இந்திய வீராங்கனை பிவி சிந்து சிறப்பாக விளையாடி வருகிறார் என்பதை பார்த்து வருகிறோம்.
இந்த நிலையில் நேற்று சிங்கப்பூர் ஓபன் பேட்மிண்டன் போட்டியில் இறுதிப்போட்டிக்கு தகுதி பெற்ற நிலையில் இன்று அவர் சாம்பியன் பட்டம் பெற்று இந்தியாவுக்கு பெருமை தேடி தந்துள்ளார்.
இன்று நடைபெற்ற போட்டியில் பிவி சிந்து, சீனாவின் வாங்க் ஸிங் இ என்பவரை எதிர்த்து விளையாடினார். இந்த போட்டியில் பிவி சிந்து மிக அருமையாக விளையாடியதை அடைத்து 21-9,11-21,21-15 என்ற கணக்கில் சீன வீராங்கனையை வீழ்த்தி பிவி சிந்து சாம்பியன் பட்டம் வென்றார்
ஏற்கெனவே பி.வி.சிந்து சையத் மோடி பேட்மிண்டன் தொடர், ஸ்விஸ் ஓபன் பேட்மிண்டன் தொடர்களில் இந்த ஆண்டு சாம்பியன் பட்டம் வென்ற நிலையில் தற்போது அவர் சிங்கப்பூர் ஓபன் தொடரையும் வென்றுள்ளார் என்பது குறிப்பிடத்தக்கது.

நன்றி வெப்துனியா