கலைஞரில் கமல்... சன்னில் ரஜினி!

மீனு · மீனு Tue Oct 06, 2009 3:21 am

தீபாவளி சிறப்பு நிகழ்ச்சிகள் என்றால் எப்போதுமே சன் டி.வி.தான் முன்னால் நிற்கும். இந்தமுறை கலைஞர் தொலைக்காட்சி சிறப்பு நிகழ்ச்சிகளுக்கான வேலைகளில் மும்முரமாக இறங்கியிருக்கிறதாம். அன்றைய ஸ்பெஷலாக என்ன படத்தைத் திரையிடலாம் என்று நீண்ட ஆலோசனை செய்த கலைஞர் குழு கடைசியில் கமல்ஹாசனின் தசாவதாரத்தைப் போட்டுத் தாக்குவது என்று முடிவு செய்திருக்கிறார்களாம்.

இதுதவிர ஸ்பெஷல் பட்டிமன்றத்தில் சாலமன் பாப்பையாவையும் ராஜாவையும் இந்தப் பக்கம் இழுத்துவிடலாமா என்ற யோசனையும் தீவிரமாக ஓடிக் கொண்டிருக்கிறதாம். இந்த தீபாவளிக்கு சிறப்பு நிகழ்ச்சிகளில் எல்லா சேனல்களையும் பின்னுக்குத் தள்ளிவிட வேண்டும் என்ற வேகத்தில் இருக்கிறது கலைஞர்.

கமல் என்னும் ஆயுதத்தை சமாளிக்க ரஜினி என்ற கேடயத்தை சன் கையில் எடுக்கும் என்று எதிர்பார்க்கலாம். அனேகமாக எந்திரன் ஸ்பெஷல் நிகழ்ச்சி ஏதாவது அந்த நேரத்தில் இருக்கும் என்கிறது சேனல் வட்டாரம்!

பார்க்கலாம், யார் பட்டாசு பலமாக வெடிக்கிறது என்று!