முடி வெடிப்பை தடுக்க இயற்கை வழிகள்!

ஆரோக்கியமான முடி என்றால் அடர்த்தியாக, பளபளவென்று, வெடிப்பு இல்லாமல் இருக்க வேண்டும். ஆனால் இப்போது அப்படிப்பட்ட முடியை காண்பது அரிதாகிவிட்டது. இதற்கு நாம் முடியை சரியாக பராமரிக்காததே காரணமாகும். அழகான முடியின் அழகை கெடுப்பதில் முடி வெடிப்பும் ஒன்றாகிவிட்டது. முடியை நாம் இயற்கை முறையில் பாதுகாக்கலாம் என்று அழகியல் நிபுணர்கள் கூறுகின்றனர். அதற்காக சில டிப்ஸையும் கூறுகின்றனர்.

முடியின் நுனி வெடித்திருந்தால் ட்ரிம் செய்து அகற்றுவதே சிறந்த வழி என்றும் கூறுகின்றனர். மேலும் அதை எப்படி செய்ய வேண்டும் என்றும் கூறியுள்ளனர்.

முதலில் சூரிய வெளிச்சம் உள்ள இடத்தில் உட்கார்ந்தால் முடி வெடித்துள்ளது நன்றாகத் தெரியும். ஆகவே அவ்விடத்தில் உட்கார்ந்து கொஞ்சமாக முடியை எடுத்து, அந்த முடியை முறுக்கினால் வெடித்துள்ள முடி நீட்டிக்கொண்டு இருக்கும். பின் ஒரு சிறிய கத்திரிக் கோலை எடுத்துக் கொண்டு, வெடித்துள்ள பகுதியை வெட்ட வேண்டும்.

இவ்வாறு கூந்தல் முழுவதும் செய்தால் முடியானது, வெடிப்பு இல்லாமல் அழகாக காணப்படும். இவ்வாறு செய்ய குறைந்தது 45 நிமிடமாவது ஆகும். இதை தொடர்ந்து ஆறு மாதத்திற்கு ஒரு முறை செய்தால் முடி நன்றாக இருக்கும் என்றும் கூறுகின்றனர் அழகியல் நிபுணர்கள்.

இயற்கை வழிகள்:

1. ஆமணக்கெண்ணெய், கடுகு எண்ணெய் அல்லது ஆலிவ் எண்ணெய்யை தலைக்கு தடவி ஒரு 30 நிமிடம் மசாஜ் செய்து, சுடு தண்ணீரில் நனைத்த துணியால் சிறிது நேரம் கட்டி, பின் தலைக்கு குளித்தால் வெடிப்பு வராது.

2. முட்டையின் மஞ்சள் கருவுடன் ஒரு ஸ்பூன் பாதம் எண்ணெய்யை விட்டு தலையில் தடவி ஒரு மணி நேரத்திற்குப் பிறகு குளித்தால் நல்லது.

3. வெண்ணைப் பழம் அல்லது மயோனைஸால் ஆன மாய்சுரைசர் மாஸ்க்கை தலைக்கு தடவி 15-30 நிமிடம் ஊற வைத்து குளித்து வந்தால் முடி வெடிப்பு வராது. வேண்டுமென்றால் ஆலிவ் ஆயிலை சூடேற்றி அதனுடன் சேர்த்து தடவி குளிக்கலாம். இதனை வாரத்திற்கு ஒரு முறை செய்தால் முடி அழகாக இருக்கும்.

இவ்வாறெல்லாம் செய்து பாருங்கள், முடியானது வெடிப்பு இல்லாமல் அழகாகவும் ஆரோக்கியமாகவும் இருக்கும் என்று நிபுணர்கள் கூறுகின்றனர்

நன்றி போல்டு ஸ்கை

பகிர்வுக்கு நன்றி

வீட்ல அவங்க முடி வெடுக்கரத தடுக்க இயற்கையா ஏதாவது வழி இருக்கா முரளி?

யினியவன் wrote:வீட்ல அவங்க முடி வெடுக்கரத தடுக்க இயற்கையா ஏதாவது வழி இருக்கா முரளி?

கேள்வி கேக்கும்பொழுதுகூட நம்மாள தடுக்க முடியுமானு கேக்காம இயற்க்கையா ஏதாவது
வழி இருக்கானு கேக்கறிங்களே
உங்க தைரியும் எனக்கு ரொம்ப புடிச்சிருக்கு யினியவன்