தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**பிஜிராமன்** · **பிஜிராமன்** Wed Aug 29, 2012 5:46 pm

ammulu wrote:தினம் ஒரு குறள் யாப்போம் மா அல்லது பார்ப்போமா புரியல அய்யா

இரா.பகவதி wrote:யாப்போம் தான் , அப்படி என்றால் படிப்போம் என்று பொருள் என்று நினைக்கிறேன் , அதற்கான பதிலை அய்யா தருவார்

தினம் ஒரு குறள் யாப்போம் என்றால், தினம் ஒரு குறள் இயற்றுவோம் அல்லது எழுதுவோம் என்று பொருள். .....இது வெண்பா இயற்ற தெரிந்தவர்களுக்கு........

வெண்பா பழகுபவர்களுக்கு, தினம் ஒரு பா எழுதி வெண்பா எழுத பயில்வோம் என்றும் கொள்ளலாம்.

**பிஜிராமன்** · **பிஜிராமன்** Wed Aug 29, 2012 5:51 pm

Dr.சுந்தரராஜ் தயாளன் wrote:கேம்ப் : நெடுமங்காடு, கேரளா

குறள் வெண்பா : ௦௮௮ (088)

ஏழைகளின் ஆட்டம் எளிமையின் சின்னம்காண்
கோழையிவர் ஆட்டம்.....கொழுப்பு

ஏ/ழைக/ளின் ஆட்/டம் எளி/மையின் சின்/னம்/காண்
கோ/ழையி/வர் ஆட்/டம் கொழுப்/பு

நேர்/நிரை/நேர் – நேர்/நேர் – நிரை/நிரை – நேர்/நேர்/நேர்
நேர்/நிரை/நேர் – நேர்/நேர் – நிரை/பு

கூவிளங்காய் – தேமா – கருவிளம் – தேமாங்காய்
கூவிளங்காய் – தேமா – பிறப்பு

1.வெண்சீர் வெண்டளை 2.இயற்ச்சீர் வெண்டளை 3.இயற்ச்சீர் வெண்டளை
4.வெண்சீர் வெண்டளை 5.வெண்சீர் வெண்டளை 6.இயற்ச்சீர் வெண்டளை

எதுகை : ஏழைகளின்; கோழையிவர்

மோனை : ஏழைகளின் – எளிமையின்; கோழையிவர் – கொழுப்பு

ஈற்றுச்சீர் : கூர்ந்து > நிரைபு -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக

அருமையான குறள் ஐயா........

இருப்பதை வைத்து இனிமையாய் இங்கு
இருப்போம் இதயம் இனித்து மகிழ்ச்சி

**Dr.சுந்தரராஜ் தயாளன்** · 03/09/2011

ammulu wrote:தகவலுக்கு நன்றி பகவதி அக்கா

அக்காவா

**நாகசுந்தரம்** · 27/12/2011

படமும் குறளும் மிகவும் அருமை ஐயா.

பிண்ணுகின்றார் இத்திரியில் பண்கள் பலபடியாய்
பின்னூட்டம் இட்டே பழகு

**Dr.சுந்தரராஜ் தயாளன்** · 03/09/2011

இரா.பகவதி wrote:அய்யா அருமையான படத்துடன் கூடிய குறள் , பகிர்விற்கு நன்றி ,உங்களுக்கு இனிய ஓணம் வாழ்த்துக்கள் அய்யா

மிகவும் நன்றி தம்பி பகவதி மகிழ்ச்சி

ஓணம் அன்று நான் கேரளாவில் தான் இருந்தேன். பூக்கோலம் எல்லாம் நன்றாகத்தான் இருந்தது, ஆனால் காப்பி, டீ கூட சரியாகக் கிடைக்கவில்லை. அப்பமும் கடலைக்கறியும் தின்று அலுத்துவிடாது. எப்படியோ ஒருவழியாக பெங்களூர் வந்து சேர்ந்து விட்டேன் தம்பி.

**Dr.சுந்தரராஜ் தயாளன்** · 03/09/2011

அருண் wrote:ஏழைகளின் ஆட்டம் எப்போதும் எளிமைதான்.!
குறளின் மூலம் எதுகை மோனையுடன் அறிய தந்தமைக்கு அய்யா.!

மிகவும் நன்றி அருண் மகிழ்ச்சி

**Dr.சுந்தரராஜ் தயாளன்** · 03/09/2011

ammulu wrote:தினம் ஒரு குறள் யாப்போம் மா அல்லது பார்ப்போமா புரியல அய்யா

வருகைக்கு நன்றி அமுலு...இராமன் அவர்களின் விளக்கம் சரியே. யாப்பிலக்கணத்தின் படி முறையாக ஒரு செய்யுளை கட்டுதல், கோர்த்தல் இயற்றுதல், யாத்தல் எனப்படும். "யாப்போம் வாருங்கள்" என்பதும் அத்தகையதே புன்னகை

**Dr.சுந்தரராஜ் தயாளன்** · 03/09/2011

பிஜிராமன் wrote:
அருமையான குறள் ஐயா........
இருப்பதை வைத்து இனிமையாய் இங்கு
இருப்போம் இதயம் இனித்து

மிகவும் அருமை இராமன்...உங்களின் குறளை பதிந்து வெகு நாட்கள் ஆகிவிட்டதே. முடிந்தால் அனுப்பி வையுங்கள். மகிழ்ச்சி

**Dr.சுந்தரராஜ் தயாளன்** · 03/09/2011

நாகசுந்தரம் wrote:படமும் குறளும் மிகவும் அருமை ஐயா.
பிண்ணுகின்றார் இத்திரியில் பண்கள் பலபடியாய்
பின்னூட்டம் இட்டே பழகு

மிகவும் நன்று நாக சுந்தரம் அவர்களே....நல்ல முயற்சி. எதுகை மோனை அமையுமாறு குறள் எழுதிப் பழகுங்கள். புன்னகை

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 60 Thaai

குறள் வெண்பா : ௦௮௯ (089)

அன்னையெனில் அன்பாம் அடைக்கலமாம் ஆதரவாய்
தன்னையே தான்தருவாள் தாய்

அன்/னையெ/னில் - அன்/பாம் - அடைக்/கல/மாம் - ஆ/தர/வாய்
தன்/னையே - தான்/தரு/வாள் - தாய்

நேர்/நிரை/நேர் – நேர்/நேர் – நிரை/நிரை/நேர் – நேர்/நிரை/நேர்
நேர்/நிரை – நேர்/நிரை/நேர் – நேர்

கூவிளங்காய் – தேமா – கருவிளங்காய் – கூவிளங்காய்
கூவிளம் – கூவிளங்காய் – நாள்

1.வெண்சீர் வெண்டளை 2.இயற்ச்சீர் வெண்டளை 3.வெண்சீர் வெண்டளை
4.வெண்சீர் வெண்டளை 5.இயற்ச்சீர் வெண்டளை 6.வெண்சீர் வெண்டளை

எதுகை : அன்னையெனில்; தன்னையே

மோனை : அன்னையெனில் – அன்பாம் – அடைக்கலமாம் - ஆதரவாய்;
தன்னையே – தான்தருவாள் – தாய்

ஈற்றுச்சீர் : தாய் > நேர் -> நாள், மலர், காசு, பிறப்பு

தாயை இழந்தும், தந்தையை மருத்துவ மனையில் வைத்து பராமரித்தும் இக்கட்டான நிலையில் தவிக்கும் நம் ஈகரை உறவு, தம்பி ஜேன் செல்வகுமார் அவர்களுக்கு ஆறுதல் சொல்வோமாக. இக்குறளை ஜேன் அவர்களின் தாய்க்கு அன்புக் காணிக்கையாக்குகிறேன். [நான் சென்னை வரும்போது நிச்சயமாக உங்களை வந்து சந்திக்கிறேன் தம்பி. தைரியமாக் இருங்கள்.]

:வணக்கம்:

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக