தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 52 Saveatree

குறள் வெண்பா : ௦௭௭(077)

ஓர்மரத்தை காப்பதற்காய் ஊர்சுற்று மோர்சாலை
சீர்செல்வம் சேர்வழியாம் செப்பு

ஓர்/மரத்/தை - காப்/பதற்/காய் - ஊர்/சுற்/று - மோர்/சா/லை
சீர்/செல்/வம் – சேர்/வழி/யாம் - செப்/பு

நேர்/நிரை/நேர் – நேர்/நிரை/நேர் – நேர்/நேர்/நேர் – நேர்/நேர்/நேர்
நேர்/நேர்/நேர் – நேர்/நிரை/நேர் – நேர்/பு

கூவிளங்காய் – கூவிளங்காய் – தேமாங்காய் – தேமாங்காய்
தேமாங்காய் – கூவிளங்காய் – காசு

1. வெண்சீர் வெண்டளை 2. வெண்சீர் வெண்டளை 3. வெண்சீர் வெண்டளை
4. வெண்சீர் வெண்டளை 5. வெண்சீர் வெண்டளை 6. வெண்சீர் வெண்டளை

எதுகை : ஓர்மரத்தை; சீர்செல்வம்

மோனை : ஓர்மரத்தை – ஊர்சுற்று; சீர்செல்வம் – சேர்வழியாம் - செப்பு

ஈற்றுச்சீர் : செப்பு > நேர்பு -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டுள்ளது. முகநூலுக்கும், முதலில் பதிவிட்டவருக்கும் என் நன்றிகளை உரித்தாக்குகிறேன்.
மகிழ்ச்சி

**நாகசுந்தரம்** · 27/12/2011

அன்புள்ள ஐயா, சாலைக்குறளும் படமும் மிகவும் அருமை. இக்குறள் திரியை தொடங்கி நடத்தி வருவது புதிய மரபுக்கவிதைகள் பல மலர்வதற்கு உதவுகிறது என்பதே உண்மை. தமிழுலகம் தங்களுக்கு நன்றிக்கடன் பட்டுள்ளது என்றே கூறலாம்.

(சுற்றி வளைத்திடும் செல்வோரை மேல்தாங்கும்
பற்றி நின்றிட்டால் போகும்வழி காட்டும் - நிற்காமல்
மாற்றுவழியில் மரம்நீக்கி ஊர்ந்திடும் மலைப்பாம்பும்
உற்றுநோக்க இச்சாலையும் ஒன்று)

சதாசிவம் · சதாசிவம் Thu Aug 16, 2012 6:07 pm

அழகான குறள்வெண்பாவும், நிழற்படமும் தந்தமைக்கு நன்றி அய்யா ....

மரம்வெட்டா நல்லுலகம் மண்ணுக்கு நன்மை
சிரம்தாழ்த்தி பார்க்கும் சிறப்பு

**Dr.சுந்தரராஜ் தயாளன்** · 03/09/2011

நாகசுந்தரம் wrote:அன்புள்ள ஐயா, சாலைக்குறளும் படமும் மிகவும் அருமை. இக்குறள் திரியை தொடங்கி நடத்தி வருவது புதிய மரபுக்கவிதைகள் பல மலர்வதற்கு உதவுகிறது என்பதே உண்மை. தமிழுலகம் தங்களுக்கு நன்றிக்கடன் பட்டுள்ளது என்றே கூறலாம்.

(சுற்றி வளைத்திடும் செல்வோரை மேல்தாங்கும்
பற்றி நின்றிட்டால் போகும்வழி காட்டும் - நிற்காமல்
மாற்றுவழியில் மரம்நீக்கி ஊர்ந்திடும் மலைப்பாம்பும்
உற்றுநோக்க இச்சாலையும் ஒன்று)

மிகவும் நன்றி நாகசுந்தரம் அவர்களே. புன்னகை

**Dr.சுந்தரராஜ் தயாளன்** · 03/09/2011

சதாசிவம் wrote:அழகான குறள்வெண்பாவும், நிழற்படமும் தந்தமைக்கு நன்றி அய்யா ....

மரம்வெட்டா நல்லுலகம் மண்ணுக்கு நன்மை
சிரம்தாழ்த்தி பார்க்கும் சிறப்பு

மிகவும் நன்று தம்பி சதாசிவம். அழகிய குறள் தந்துளீர்கள், பாராட்டுக்கள் மகிழ்ச்சி

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 52 Niththi

குறள் வெண்பா : ௦௭௮ (078)

ஏழுகமல் எட்டுசி வாஜி எனப்புடை
சூழமுகம் தோன்றுதுபார் நித்து

ஏ/ழுக/மல் - எட்/டுசி - வா/ஜி - எனப்/புடை
சூ/ழமு/கம் - தோன்/றுது/பார் - நித்/து

நேர்/நிரை/நேர் – நேர்/நிரை – நேர்/நேர் – நிரை/நிரை
நேர்/நிரை/நேர் – நேர்/நிரை/நேர் – நேர்/பு

கூவிளங்காய் – கூவிளம் – தேமா – கருவிளம்
கூவிளங்காய் – கூவிளங்காய் – காசு

1. வெண்சீர் வெண்டளை 2. இயற்ச்சீர் வெண்டளை 3. இயற்ச்சீர் வெண்டளை
4. இயற்ச்சீர் வெண்டளை 5. வெண்சீர் வெண்டளை 6. வெண்சீர் வெண்டளை

எதுகை : எழுகமல்; சூழமுகம்

மோனை : எழுகமல் – எட்டுசி – எனப்புடை; சூழமுகம் – தோன்றுதுபார்

ஈற்றுச்சீர் : நித்து > நேர்பு -> நாள், மலர், காசு, பிறப்பு

இப்படம் முகநூலில் இருந்தே எடுக்கப்பட்டது. முகநூலுக்கும் முதலில் பதிவிடவருக்கும், இப்படத்தை வெளியிட்டுள்ள வலைத்தளத்திற்கும் என் நன்றிகள் உரித்தாகுக.

வடமொழிச் சொற்கள், ஆங்கில மற்றும் பிறமொழிச் சொற்களையும் சேர்த்து தற்கால வழக்கிற்கு இயைந்து மரபுப்பாக்கள் அமைப்பதில் தவறில்லை. ஆயினும், அசை, சீர், தளை சிதையாமல் பார்த்துக்கொள்ள வேண்டும். அவ்வேளைகளில், ஒரு சொல்லை இரண்டாக உடைத்து சீர் பிரிக்கவேண்டிய நிலை உண்டாகும். (சிவாஜி என்ற பெயரைக் நோக்குக) இதற்கு ‘’வகையுளி” என்று பெயர். வகையுளி செய்யலாம் என்பதற்காக எல்லாச்சொல்லையும் உடைக்க முற்படக்கூடாது. பள்ளிப் பிள்ளைகளாய் இருந்த போது விளையாடுவோமே “இங்... குசாப்பா.... டுப்போ.... டப்ப.... டும்” என்று. இதுபோன்ற வகையுளி செய்து குறள் எழுதினால் எவ்வளவு தவறாக இருக்கும் என்பதை நினைவில் கொள்க. பெரும்பாலும் நான்கு சீர், ஐந்து சீர் உள்ள சொற்களை பிரித்து வெண்பா இலக்கணத்துள் கொண்டுவர வகையுளி பயன்படுத்தப்படுகிறது.

ஏழு கமல்ஹாசன்களையும் எட்டு நடிகர் திலகம் சிவாஜி கணேசன் அவர்களையும் தன் முகத்தில் ஒன்றுசேர காட்டுகிறார் பாருங்கள்
மகிழ்ச்சி

**பிஜிராமன்** · **பிஜிராமன்** Sat Aug 18, 2012 2:15 pm

ஹா ஹா ஹா அருமையான சிரிப்பு குறள் ஐயா.......

நித்துவே உன்னாலே நித்தமும் கொள்கிறோம்
சொத்தாக நற்சிரிப்பை பார்

**Dr.சுந்தரராஜ் தயாளன்** · 03/09/2011

பிஜிராமன் wrote:ஹா ஹா ஹா அருமையான சிரிப்பு குறள் ஐயா.......

நித்துவே உன்னாலே நித்தமும் கொள்கிறோம்
சொத்தாக நற்சிரிப்பை பார்

மிகவும் நன்றி தம்பி இராமன்...குறள் அருமை மகிழ்ச்சி

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 52 Ammaavinanpu

Uploaded with ImageShack.us

குறள் வெண்பா : ௦௭௯ (079)

அம்மாவின் அன்பில் அனைத்தும் அடக்கம்பார்
எம்மாம் இடரிருந்தால் என்?

அம்/மா/வின் - அன்/பில் - அனைத்/தும் - அடக்/கம்/பார்
எம்/மாம் - இட/ரிருந்/தால் - என்

நேர்/நேர்/நேர் – நேர்/நேர் – நிரை/நேர் – நிரை/நேர்/நேர்
நேர்/நேர் – நிரை/நிரை/நேர் – நேர்

தேமாங்காய் – தேமா – புளிமா – புளிமாங்காய்
தேமா – கருவிளங்காய் – நாள்

1.வெண்சீர் வெண்டளை 2.இயற்ச்சீர் வெண்டளை 3.இயற்ச்சீர் வெண்டளை
4.வெண்சீர் வெண்டளை 5.இயற்ச்சீர் வெண்டளை 6.வெண்சீர் வெண்டளை

எதுகை : அம்மாவின்; எம்மாம்

மோனை : அம்மாவின் – அன்பில் – அனைத்தும் – அடக்கம்பார்;
எம்மாம் – இடரிருந்தால் – என்

ஈற்றுச்சீர் : என் > நேர் -> நாள், மலர், காசு, பிறப்பு

இப்படமும் காணொளியும் முகநூலில் இருந்து எடுக்கப்பட்டு இணைக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகளை உரித்தாக்குகிறேன்

:வணக்கம்:

முரளிராஜா · முரளிராஜா Sat Aug 18, 2012 8:48 pm

அம்மாவின் அன்பில் அனைத்தும் அடக்கம்பார்
எம்மாம் இடரிருந்தால் என்?

மிகவும் அருமை அய்யா

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக