தினம் ஒரு குறள் யாப்போம் வாருங்கள் !!

சந்திரகி wrote:பணியிட மாறுதல் காரணமாய், என்னால் முன்போலே ஈகரையில் இணைந்திருக்க இயலவில்லை.
கிடைக்கும் சிறு இடைவெளிகளில் வந்து வந்து செல்கிறேன்.
தாங்கள் தரும் குறள்களை அனுபவித்து, பதிவிட இயலாமைக்கு வருந்துகிறேன். ஐயா.
இனி, வாரமொருமுறையேனும், வர முயற்சிக்கிறேன்.
நன்றிகளும், வணக்கங்களும்.

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

Dr.சுந்தரராஜ் தயாளன் wrote:

குறள் வெண்பா : ௦௫௫(055)

காந்தியின் நற்சிரிப்பைக் காணாத ஏழையாம்
மாந்தர் மலிந்தநம் நாடு

காந்/தியின் நற்/சிரிப்/பைக் கா/ணா/த ஏ/ழையாம்
மாந்/தர் மலிந்/தநம் நா/டு

நேர்/நிரை – நேர்/நிரை/நேர் – நேர்/நேர்/நேர் – நேர்/நிரை
நேர்/நேர் – நிரை/நிரை – நேர்பு

கூவிளம் – கூவிளங்காய் – தேமாங்காய் – கூவிளம்
தேமா – கருவிளம் – காசு

1. இயற்சீர் வெண்டளை 2. வெண்சீர் வெண்டளை 3. வெண்சீர் வெண்டளை
4. இயற்சீர் வெண்டளை 5. இயற்சீர் வெண்டளை 6. இயற்சீர் வெண்டளை

எதுகை : காந்தியின்; மாந்தர்

மோனை : காந்தியின் – காணாத; மாந்தர் – மலிந்தநம்

ஈற்றுச்சீர் : நாடு > நேர்பு -> நாள், மலர், காசு, பிறப்பு

உறவுகளுக்கு வணக்கம், நான் தமிழ் நாட்டு பயணத்தை முடித்துக்கொண்டு இன்று மாலை ஆறு மணியளவில் ஊர் திரும்பினேன். எனவே இன்று காலை என்னால் இன்றைக்கான குறளை பதிய முடியவில்லை. இங்கு வந்தவுடன், தம்பி இராமனின் ஒரு குறளைப் பதிய தயாராக அசை பிரித்து வைத்திருந்தேன். அந்தப் கோப்பு எங்கே வைத்தேன் என்று என் கணினி முழுதும் தேடி அலுத்துவிட்டேன். எனவே அவசரத்திற்கு என்று தயாராய் வைத்துள்ள எனது ஒரு குறளை இங்கு பதிகிறேன். நாளை, தம்பி இராமனின் குறள்

இந்த பதிவைத் துவங்கியவர் நன்றி கூறியுள்ளார் பிஜிராமன்

பிஜிராமன் wrote:
ஏழ்மை நிலையென்றும் ஏழைக்கு உண்டென்றால்
வாழ்கை அவர்குயர்வ தென்று
நம் நாட்டில் மிக மலிவாக இருப்பது இது மட்டுமே...நன்றிகள் ஐயா.....அருமை ஐயா. ......தொடருங்கள்........

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

Dr.சுந்தரராஜ் தயாளன் wrote:

பிஜிராமன் wrote:
ஏழ்மை நிலையென்றும் ஏழைக்கே உண்டென்றால்
வாழ்வில் அவருயர்வ தென்று
நம் நாட்டில் மிக மலிவாக இருப்பது இது மட்டுமே...நன்றிகள் ஐயா.....அருமை ஐயா. ......தொடருங்கள்........

மிகவும் நன்றி தம்பி இராமன் ...இன்று உங்களின் குறள்

இந்த பதிவைத் துவங்கியவர் நன்றி கூறியுள்ளார் பிஜிராமன்

Dr.சுந்தரராஜ் தயாளன் wrote:




குறள் வெண்பா : ௦௫௬(056)

கர்வம் கருவறுந்தால் காலம்நம் கைக்குள்ளே
சர்வமும் சங்கமிக்கும் சார்ந்து
----- பி.ஜி. ராமன்

கர்/வம் - கரு/வறுந்/தால் - கா/லம்/நம் - கைக்/குள்/ளே
சர்/வமும் - சங்/கமிக்/கும் - சார்ந்/து

நேர்/நேர் – நிரை/நிரை/நேர் – நேர்/நேர்/நேர் – நேர்/நேர் நேர்
நேர்/நிரை – நேர்/நிரை/நேர் – நேர்/பு

தேமா – கருவிளங்காய் – தேமாங்காய் – தேமாங்காய்
கூவிளம் – கூவிளங்காய் – காசு

1.இயற்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.வெண்சீர் வெண்டளை 5.இயற்ச்சீர் வெண்டளை 6.வெண்சீர் வெண்டளை

எதுகை : கர்வம்; சர்வமும்

மோனை : கர்வம் – கருவறுந்தால் – காலம்நம் – கைக்குள்ளே;
சர்வமும் – சங்கமிக்கும் – சார்ந்து

ஈற்றுச்சீர் : சார்ந்து > நேர்பு -> நாள், மலர், காசு, பிறப்பு

இப்படம் கூகுள் "படங்கள்" பகுதியில் இருந்து எடுக்கப்பட்டு சிறிது மாற்றப்பட்டு உள்ளது. கூகுளுக்கு என் நன்றிகள் உரித்தாகுக

முற்று மோனையில் அழகிய இக்குறளை யாத்த அருமைத்தம்பி இராமனுக்கு என் வாழ்த்துகள். தொடர்ந்து இதுபோன்ற நல்ல, இனிய கருத்தாழம் உள்ள குறள்களை பகிரவேண்டும் என்பதே என் அவா.

இந்த பதிவைத் துவங்கியவர் நன்றி கூறியுள்ளார் பிஜிராமன்