தினம் ஒரு குறள் யாப்போம் வாருங்கள் !!

நாகசுந்தரம் wrote:படத்தில் உள்ள மழை போல குளிர் அடிக்கும் குறள் மழையில் நனைத்தேன். நன்றி.

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

சந்திரகி wrote:மழையின் துளி மண்ணுக்கு தேன்
குறளின் வழி மனதுக்கு தேன்
குறளும் படமும் மிக அருமை ஐயா.

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

பிஜிராமன் wrote:
மழையின் படமென் மனதில் நிறங்கள்
குழைத்து வரையும் குறள்
தங்களின் படங்களின் தேர்வும், தரும் விளக்கமும் என்றும் என் இமையை விரிக்க செய்கிறது ஐயா....தொடருங்கள் தங்களின் திருப்பணியை....நன்றிகள் ஐயா....என் குறளுக்கு அழகு சேர்த்தமைக்கு.....
எப்படி என்றெனை எப்பொழுதும் ஆச்சர்ய
மப்பில்ஆழ்த் தும்உம் செயல்

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

தமிழ்நேசன்1981 wrote:தாலாட்டுக் குறள்
-- அருமை நண்பர் அகரம் அமுதன் அவர்கள்

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்

Dr.சுந்தரராஜ் தயாளன் wrote:

குறள் வெண்பா : ௦௪௪(044)

சினிமாவின் மோகத்தால் சீர்கெட்டோர் பையன்
சனியாமித் தேர்வுத்தாள் சாற்று

சினி/மா/வின் மோ/கத்/தால் சீர்/கெட்/டோர் பை/யன்
சனி/யா/மித் தேர்/வுத்/தாள் சாற்/று

நிரை/நேர்/நேர் – நேர்/நேர்/நேர் –நேர்/நேர்/நேர் – நேர்/நேர்
நிரை/நேர்/நேர் – நேர்/நேர்/நேர் – நேர்/நேர்(நேர்பு)

புளிமாங்காய் – தேமாங்காய் – தேமாங்காய் – தேமா
புளிமாங்காய் – தேமா – காசு

எதுகை : சினிமாவின்; சனியாமித்

மோனை : சினிமாவின் – சீர்கெட்டோர்; சனியாமித் – சாற்று

ஈற்றுச்சீர் : சாற்று > நேர்பு -> நாள், மலர், காசு, பிறப்பு

இப்படம் முகநூலில் இருந்து எடுத்ததாகும். முதலில் பதிவிட்டவருக்கு நன்றி.

சினிமாவின் மோகத்தால் சீரழிந்து வரும் நம் இளைய சமுதாயத்தைப் பாருங்கள். இந்தச் சனியன் நம் சிறார்களை எந்த அளவுக்கு மனமாற்றம் செய்துள்ளது/செய்துவருகிறது என்பது வெள்ளிடைமலை.

இந்த பதிவைத் துவங்கியவர் நன்றி கூறியுள்ளார் பிஜிராமன்

Dr.சுந்தரராஜ் தயாளன் wrote:

தமிழ்நேசன்1981 wrote:தாலாட்டுக் குறள்
-- அருமை நண்பர் அகரம் அமுதன் அவர்கள்

தங்களின் வருகைக்கு நன்றி நண்பரே. தினமும் ஒரு புதிய குறள் எழுதி இங்கு பதிய வேண்டும். வேறு ஒருவர் எழுதிய குறளை இங்கு பதிதல் கூடாது. நீங்கள் ஏற்கனவே இதே குறள்களை "அமுதன் குறள்" என்று தலைப்பிட்டு "ரசித்த கவிதைகள்" பக்கத்தில் பதிந்து விட்டீர்கள். அதையே மீண்டும் இங்கு பதிவது சரியல்ல. நீங்கள் புதிய குறள் ஒன்று எழுதி இங்கு பதிய விரும்பினால் உங்களை வரவேற்கிறோம். நிற்க, அகரம் அமுதன் எனது நண்பர்தான். என்னை நன்றாக அறிவார். அவரின் வலைத் தளங்கள் எல்லாவற்றையுமே நான் பார்த்து வருகிறேன். அவரின் குறள்களும், நேரிசை வெண்பாக்களும் மிகவும் அருமையானவை. தேன்போல் இனிப்பவை.
சுந்தரராஜ் தயாளன்

இந்த பதிவைத் துவங்கியவர் நன்றி கூறியுள்ளார் தமிழ்நேசன்1981