சென்னையில் உள்ள 3 சேவை மையங்களில் 5 மாதங்களில் 11/2 லட்சம் பாஸ்போர்ட்டுகள் வினியோகம் மண்டல பாஸ்போர்ட் அதிகாரி செந்தில்பாண்டியன் தகவல்

**ராஜா** · **ராஜா** Sat May 26, 2012 10:41 am

சென்னையில் உள்ள 3 சேவை மையங்களில்
5 மாதங்களில் 11/2 லட்சம் பாஸ்போர்ட்டுகள் வினியோகம்
மண்டல பாஸ்போர்ட் அதிகாரி செந்தில்பாண்டியன் தகவல்

சென்னை, மே. 26-

"சென்னையில், 3 சிறப்பு சேவை மையங்கள் மூலம் கடந்த 5 மாதங்களில் ஒரு லட்சத்து 59 ஆயிரத்து 317 பாஸ்போர்ட்டுகள் வழங்கப்பட்டுள்ளன'' என்று, சென்னை மண்டல பாஸ்போர்ட் அதிகாரி சி.செந்தில்பாண்டியன் தெரிவித்தார்.

சாஸ்திரி பவனில் கூட்ட நெரிசல்

சமீப காலமாக, இந்தியாவில் இருந்து வேலைக்காக, வெளிநாடுகளுக்கு அதிகம் செல்வதால் புதிதாக பாஸ்போர்ட் கோருவோரின் எண்ணிக்கை நாளுக்கு நாள் அதிகரித்து வருகிறது.

சென்னை நுங்கம்பாக்கம் சாஸ்திரி பவனில் உள்ள சென்னை மண்டல பாஸ்போர்ட் அலுவலகத்தில், சென்னை, காஞ்சிபுரம், திருவள்ளூர், வேலூர், கடலூர், விழுப்புரம், திருவண்ணாமலை, தர்மபுரி, கிருஷ்ணகிரி ஆகிய 9 மாவட்டங்களைச்சேர்ந்தவர்களும், புதுச்சேரி மாநிலத்தில் உள்ளவர்களும் புதிய பாஸ்போர்ட் பெறுகின்றனர்.

ஒரே இடத்தில் அன்றாடம் பல்லாயிரக்கணக்கானோர் சாஸ்திரிபவனுக்கு வந்து செல்வதால், பாஸ்போர்ட் அலுவலகத்துக்கு உள்ளே செல்லமுடியாத அளவுக்கு கூட்டம் அலைமோதும் நிலை ஏற்பட்டது.

மாற்று ஏற்பாடு

இதைக்கருத்தில் கொண்டு, விரைவாக பாஸ்போர்ட் வழங்குவதற்கு மத்திய வெளியுறவுத்துறை சிறப்பு ஏற்பாடு செய்தது. அதன்படி, மத்திய அரசின் முழு கட்டுப்பாட்டின் கீழ் செயல்படும் வகையில், தனியார் நிறுவனம் மூலம் பாஸ்போர்ட் வழங்குவதற்காக, சென்னை சாலிகிராமம், அமைந்தகரை மற்றும் தாம்பரம் ஆகிய 3 இடங்களில் சிறப்பு சேவைமையங்கள் கடந்த செப்டம்பர் மாதம் தொடங்கப்பட்டன.

சென்னை மண்டல பாஸ்போர்ட் அதிகாரி சி.செந்தில்பாண்டியனின் நேரடி கட்டுப்பாட்டில் இவை செயல்படுகின்றன. இவை திறக்கப்பட்டதன் மூலம் பாஸ்போர்ட்டுக்கு மனு செய்வோர் ஒரே இடத்தில் கூடும் நிலை தவிர்க்கப்பட்டுள்ளது. அத்துடன், புதிய பாஸ்போர்ட்டுக்கு மனு செய்து, போலீஸ் சரிபார்ப்பு சான்று கிடைத்ததும், ஒரே மாதத்தில் சாதாரண பாஸ்போர்ட்டு கிடைப்பதற்கும் வகை செய்யப்பட்டுள்ளது. இதனால், மிக மிக அவசரத்தேவைக்கு மட்டுமே `தட்கல்` சேவையை பயன்படுத்தும் நிலையும் உருவாகி உள்ளது.

தனியார் மையங்கள் மூலம் பாஸ்போர்ட் வழங்குவதால் முன்பைவிட விரைவாகவும், குழப்பமின்றியும் பாஸ்போர்ட் வழங்கப்படுவதாகவும், மிக முக்கியமாக ஒரே இடத்தில் பல்லாயிரக்கணக்கானோர் கூடும் நிலை தவிர்க்கப்பட்டுள்ளதாகவும் சென்னை அமைந்த கரை நெல்சன் மாணிக்கம் சாலை மற்றும் சாலிகிராமம் மையங்களில், பாஸ்போர்ட்டுக்கு மனு செய்ய வந்திருந்த பொதுமக்கள் தெரிவித்தனர்.

முன்பைவிட விரைவாக...

இது குறித்து, மண்டல பாஸ்போர்ட் அதிகாரி சி.செந்தில்பாண்டியன் கூறியதாவது:-

புதிய ஏற்பாட்டினால், முன்பை விட விரைவாக பாஸ்போர்ட் வழங்கப்படுகிறது. கடந்த 2010-ம் ஆண்டு சென்னை மண்டல பாஸ்போர்ட் அலுவலகத்தில் (சாஸ்திரிபவனில் செயல்பட்டபோது) 2 லட்சத்து 18 ஆயிரத்து 994 பாஸ்போர்ட்டுகள் வழங்கப்பட்டன.

கடந்த ஆண்டு ஆகஸ்டு மாதம் முடிய 2 லட்சத்து 17 ஆயிரத்து 918 பாஸ்போர்ட்டுகள் வழங்கப்பட்டன.

5 மாதங்களில் 11/2 லட்சம் பாஸ்போர்ட்

கடந்த ஆண்டு செப்டம்பர் மாதம் சென்னையில் 3 சிறப்பு மையங்கள் திறக்கப்பட்டபின், 4 மாதங்களில் 39 ஆயிரத்து 818 பாஸ்போர்ட்டுகள் வழங்கப்பட்டுள்ளன. இந்த ஆண்டு இதுவரையில் (கடந்த 5 மாதங்களில்) ஒரு லட்சத்து 59 ஆயிரத்து 317 பாஸ்போர்ட்டுகள் வழங்கப்பட்டுள்ளன.

இவ்வாறு சி.செந்தில்பாண்டியன் கூறினார்.

யினியவன் · யினியவன் Sat May 26, 2012 2:10 pm

நானும் ரொம்ப நாளா எடுக்கனூன்னு நெனச்சிட்டே இருக்கேன் - எடுக்க முடியல இன்னும்.

எப்ப எடுத்து எங்க மாமியார் நாகம்மாவ பார்க்கப் போறேனோ தெரியல?

**ராஜா** · **ராஜா** Sat May 26, 2012 2:58 pm

யினியவன் wrote:நானும் ரொம்ப நாளா எடுக்கனூன்னு நெனச்சிட்டே இருக்கேன் - எடுக்க முடியல இன்னும்.எப்ப எடுத்து எங்க மாமியார் நாகம்மாவ பார்க்கப் போறேனோ தெரியல?

அபிஷேக் பச்சனை கேளுங்கள் அவர் சொல்லுவார் Idea ஜி என்று ,

ஹர்ஷித் · ஹர்ஷித் Sat May 26, 2012 4:19 pm

நல்லதொரு விஷயம்.,இதிலும் இடை தரகர்களின் அட்டுழியம் தலைத்தோங்குது

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக