அத்வானி-கட்கரி மோதல் வலுக்கிறது.!

**பிரசன்னா** · **பிரசன்னா** Fri May 25, 2012 4:22 pm

அத்வானி-கட்கரி மோதல் வலுக்கிறது.!

Posted Date : 15:05 (25/05/2012)Last updated : 16:05 (25/05/2012)

அத்வானி-கட்கரி மோதல் வலுக்கிறது.! Advani_katkari

மும்பை: பா.ஜனதா தலைவராக நிதின் கட்கரி மீண்டும் நியமிக்கப்பட்டதற்கு தனது எதிர்ப்பை வெளிப்படுத்தும் விதமாக,மும்பையில் நடைபெறும் கட்சியின் பேரணியில் கலந்துகொள்ளாமல் அக்கட்சியின் மூத்த தலைவரான எல்.கே.அத்வானி புறக்கணித்துள்ளார்.

அடுத்த நாடாளுமன்ற தேர்தலின்போது,பா.ஜனதாவின் பிரதமர் வேட்பாளராக குஜராத் முதல்வர் நரேந்திர மோடியை நிறுத்த வேண்டும் என்று அக்கட்சியில் ஒரு பிரிவினர் வலியுறுத்தி வருவதும்,மோடியும் அதற்கேற்ப காய் நகர்த்தி வருவதும் அத்வானி மற்றும் அவரது ஆதரவாளர்களை ஏற்கனவே அதிருப்தியடைய செய்திருந்தது.

இந்த விவகாரம் ஒருபக்கம் புகைந்துகொண்டிருக்கையிலேயே,பா.ஜனதா தலைவராக நிதின் கட்கரி,தொடர்ந்து இரண்டாவது முறையாக நியமிக்கப்பட்டுள்ளார்.இதுவும் அத்வானியை அதிருப்தியடைய வைத்ததாக கூறப்பட்டது.

இந்நிலையில் மும்பையில் பா.ஜனதா கட்சியின் இரண்டு நாள் உயர்மட்ட செயற்குழு கூட்டம் நேற்று தொடங்கியது.இதனையொட்டி செய்தியாளர்களிடம் பேசிய கர்நாடக முன்னாள் முதல்வர் எடியூரப்பா,பிரதமர் பதவிக்கு மோடி தகுதியான்வர் என்று கூறியது அத்வானியை மேலும் வெறுப்படைய வைத்ததாக தெரிகிறது.

இந்நிலையில் மும்பையில் நடைபெற்றுக் கொண்டிருக்கும் பா.ஜனதாவின் உயர்மட்ட செயற்குழுவின் நேற்றைய முதல் நாள் கூட்டத்தில் கலந்துகொண்ட அத்வானி,இன்றைய இரண்டாவது நாள் கூட்ட முடிவில், அனைத்து பா.ஜனதா தலைவர்களும் தங்களது ஒற்றுமையை வெளிக்காட்ட ஏற்பாடு செய்யப்பட்டிருக்கும் பேரணியில் கலந்துகொள்ளமாட்டார் என்று தெரிவிக்கப்பட்டுள்ளது.

ஏற்கனவே ஒப்புக்கொண்ட வேறு நிகழ்ச்சியில் கலந்துகொள்ள வேண்டியதிருப்பதால்,அத்வானி இதில் கலந்துகொள்ளமாட்டார் என்று பா.ஜனதா செய்தி தொடர்பாளர் ஒருவர் தெரிவித்தார் என்றாலும் கட்கரி,மோடி மற்றும் எடியூரப்பா என அனைவர் மீதான தனது அதிருப்தியை வெளிப்படுத்தும் விதத்திலேயே அத்வானி இக்கூட்டத்தை புறக்கணித்ததாக கூறப்படுகிறது.

இதனிடையே அத்வானி மட்டுமல்லாது,அத்வானியின் ஆதரவாளர்களில் ஒருவரும்,மூத்த தலைவர்களில் ஒருவருமான சுஷ்மா ஸ்வராஜும் இக்கூட்டத்தில் கலந்துகொள்ளமாட்டார் என்று தகவல்கள் தெரிவிக்கின்றன.

விகடன்.com

**பிரசன்னா** · **பிரசன்னா** Fri May 25, 2012 4:24 pm

அத்வானி மட்டுமல்லாது,அத்வானியின் ஆதரவாளர்களில் ஒருவரும்,மூத்த தலைவர்களில் ஒருவருமான சுஷ்மா ஸ்வராஜும் இக்கூட்டத்தில் கலந்துகொள்ளமாட்டார் என்று தகவல்கள் தெரிவிக்கின்றன.

இது ரெண்டும் பா.ஜனதாவை விட்டு ஒதுகினாலே ... BJPக்கு பிரகாசமான எதிர்காலம் இருக்கிறது சூப்பருங்க

அத்வானி-கட்கரி மோதல் வலுக்கிறது.!

அத்வானி-கட்கரி மோதல் வலுக்கிறது.!

Re: அத்வானி-கட்கரி மோதல் வலுக்கிறது.!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக