பெட்ரோல் விலை குறைய புதிய திட்டம்: கள் இயக்க ஒருங்கிணைப்பாளர் தரும் ஐடியா

https://fbcdn-sphotos-a.akamaihd.net/hphotos-ak-ash3/179584_421264111246545_100000888786399_1298863_71196747_n.jpg" alt="" />




பெட்ரோல் விலை குறைய புதிய திட்டம்: கள் இயக்க ஒருங்கிணைப்பாளர் தரும் ஐடியா


""நாட்டில் உள்ள சர்க்கரை ஆலைகளில் பாதியை, எத்தனால் உற்பத்தி ஆலையாக மாற்றினால், பெட்ரோல் இறக்குமதியும், அதன் விலையும் தானாக குறையும்,'' என, கள் இயக்க கள ஒருங்கிணைப்பாளர் நல்லசாமி கூறினார்.

ஈரோட்டில் அவர் நிருபர்களிடம் கூறியதாவது: பெட்ரோல் விலை நேற்று முன்தினம் இரவு 12 மணி முதல், 7.50 ரூபாய் உயர்த்தப்பட்டதால், லிட்டர், 80 ரூபாயை எட்டியுள்ளது. பெட்ரோல் அடக்க விலை, 40 ரூபாய் என்றால், மத்திய, மாநில அரசுகளின் வரி, 40 ரூபாயாக உள்ளது. இது, மக்களுக்கு பெரும் சுமையாக உள்ளது. பொருளாதார நெருக்கடி காரணமாக டாலருக்கு நிகரான, இந்திய ரூபாய் விலை வீழ்ச்சி அடைந்துள்ளது. அதை சரி செய்ய, பெட்ரோல் விலை உயர்த்தப்பட்டுள்ளது என கூறுவது நிரந்தர தீர்வு அல்ல. ராணுவத்துக்கு அரசு செலவிடும் தொகையை விட இரண்டு மடங்கு தொகை, அன்னிய செலவாணியாக பெட்ரோலுக்கு செலவிட வேண்டியுள்ளது. பிரேஸில் நாட்டில் இதுபோன்ற நெருக்கடி ஏற்பட்டபோது, அங்கிருந்த சர்க்கரை ஆலைகளில் பாதியை, எத்தனால் உற்பத்தி ஆலைகளாக மாற்றினர். வாகனங்களில் பெட்ரோலுக்கு பதில், எத்தனால் பயன்பாட்டை அதிகரித்தனர். நம் நாட்டில், 2000ம் ஆண்டுக்கு பின் உற்பத்தியான வாகனங்களின் இன்ஜின்களுக்கு, 25 சதவீதம் எத்தனால் கலந்த பெட்ரோல் பயன்படுத்தலாம். அமெரிக்காவில், "எத்தனால் 85' என்ற பெயரில் பெட்ரோல் பங்க்குகள் செயல்படுகின்றன. அவற்றில், 85 சதவீதம் எத்தனால், 15 சதவீதம் பெட்ரோல் கலந்து வாகனங்கள் ஓடுகின்றன. இதற்கு, வாகன இன்ஜின்களில் சில மாற்றங்களை செய்ய வேண்டும். எத்தனாலை பயன்படுத்தும் போது சுற்றுச்சூழலுக்கும் பாதிப்பு குறைவு.

இந்தியாவில், 560, தமிழகத்தில், 46 சர்க்கரை ஆலைகள் உள்ளன. குறைந்தது, 200 ஆலைகளை, எத்தனால் உற்பத்தி ஆலைகளாக மாற்றினால், பொருளாதார நெருக்கடியில் இருந்து இந்தியா தப்பிக்கும். எத்தனால் உற்பத்தி செய்ய ஒரு லிட்டருக்கு, 20 ரூபாய் மட்டுமே செலவாகிறது. பெட்ரோல் விலையுடன் ஒப்பிடும் போது, இது மிகவும் குறைவு. ஏற்கனவே ஐந்து சதவீதம் எத்தனால் கலந்த பெட்ரோல் ஆறு மாதம் மட்டுமே விற்பனை செய்யப்பட்டது. அதன்பிறகு நிறுத்தப்பட்டு விட்டது. "ரிலையன்ஸ்' போன்ற நிறுவனங்கள் பெட்ரோல் தயாரிப்பில் அதிக முதலீடு செய்துள்ளதால், அதற்கு எதிரான எந்த நடவடிக்கையும் எடுக்க அரசு தயங்குகிறது. கரும்பு சக்கையில் இருந்து கிடைக்கும் மொலாஸஸில் இருந்து தான் மதுபானங்கள் தயாரிக்கப்படுகின்றன. அந்த நிறுவனங்களின் லாபியும், சர்க்கரை ஆலைகளை எத்தனால் ஆலைகளாக மாற்ற விடாது. நாட்டுப்பற்று மிக்க, சுயநலமில்லாதவர் கையில் நாடு செல்ல வேண்டும். இவ்வாறு அவர் கூறினார்.


mukanuul

பண முதலைகளின் கையில் அரசிருக்கும் வரை இன்னல்கள் தான் மக்களுக்கு மிஞ்சும்.

பெட்ரோல் .....

பகிர்வுக்கு நன்றி பகவதி