அரசியல் ஞானம் சிறிதும் இல்லாத சரத் பொன்சேக்கா?

சிறையிலிருந்த முன்னாள் இராணுவத்தளபதி சரத் பொன்சேகாவை இன்றைய சூழ்நிலையில் மகிந்தர் விடுதலை செய்ததே, யுத்தக்குற்றம் சம்மந்தமான சர்வதேச விசாரணை வரும்போது எல்லாக்குற்றச்செயல்களும் அவர்தான் செய்வித்தார் என்று அவருடைய தலையில் போடுவதற்கே என்பதைப்புரிந்து கொள்ளாமல், சிங்களவர்களை திருப்திபடுத்தும் நோக்கில் அவர் விடுகின்ற செய்திகள் அவருக்குக் கெடுதல் விழைவிக்கும் என்ற அரசியல் தெரியாத சரத். ஆதாரம் - இந்த செய்தியை படியுங்கள்.

[அனைத்துலக போர்க்குற்ற விசாரணைக்கு சிறிலங்கா ஒத்துழைக்க வேண்டும் – சரத் பொன்சேகா

போர்க்குற்றச்சாட்டுகள் தொடர்பான எந்தவொரு அனைத்துலக விசாரணைக்கும் சிறிலங்கா ஒத்துழைப்பு வழங்க வேண்டும் என்று, சிறையில் இருந்து நேற்று விடுவிக்கப்பட்ட சிறிலங்காவின் முன்னாள் இராணுவத் தளபதி சரத் பொன்சேகா கூறியுள்ளார்.

பிபிசி செய்தியாளருக்கு இன்று வழங்கியுள்ள செவ்வி ஒன்றிலேலேயே அவர் இவ்வாறு தெரிவித்துள்ளார்.

சிறிலங்காவின அரசியல் தலைவர்கள் சிலர் போர் நடத்தப்பட்டது தொடர்பாக குற்றவாளிகளைப் போல் தமது முகங்களை மறைத்துக் கொள்ள முயற்சிக்கின்றனர் என்றும் அவர் கூறியுள்ளார்.

2009இல் விடுதலைப் புலிகளை வெற்றி கொண்ட போரில் ஆயிரக்கணக்கான பொதுமக்கள் கொல்லப்பட்டதாக கூறப்படும் குற்றச்சாட்டையும் அவர் நிராகரித்துள்ளார்.

30,000 அல்லது 40,000 பேர் இறந்தனர் என்பது நடைமுறைச் சாத்தியமல்ல என்றும் போரை நாம் நடத்திய விதம், பயன்படுத்திய ஆயுதங்களின் வகை, பயன்படுத்திய கையேடுகள் எல்லாவற்றிலும் பொதுமக்களின் பாதுகாப்பு குறித்து நாம் கரிசனை செலுத்தினோம் என்றும் அவர் தெரிவித்தார்.

சிறிலங்காவின் சில தலைவர்களின் அணுகுமுறையே அவர்கள் ஏதாவது குற்றம் செய்தனரா என்ற எண்ணத்தை உலகத்துக்கு ஏற்படுத்தியது என்றும் சரத் பொன்சேகா குறிப்பிட்டுள்ளார்.

எனினும் போரை முடிவுக்குக் கொண்டு வந்தது அரசியல் தலைமைத்துவம் அல்ல எனவும் கூறியுள்ள சரத் பொன்சேகா, தானே அதற்குப் பொறுப்பாக இருந்தாகவும் அதுகுறித்த கேள்விகளை எதிர்கொள்வதற்கு எவர் முன்பும் சமுகமளிக்கத் தயார் என்றும் கூறியுள்ளார்.]