பதட்டம் இல்லாமல் தேர்வு எழுத வேண்டுமா?

**சிவா** · **சிவா** Fri 20 Apr 2012 - 19:08

பரீட்சை என்றாலே மாணவ, மாணவிகளின் மனதில் ஒருவித பதற்றமும், கவலையும் ஏற்படுவது உண்டு. அதிலும் பள்ளி இறுதியாண்டு தேர்வை சந்திக்கும் மாணவர்கள் மிகவும் அவதிக்குள்ளாகிறார்கள். இதை தவிர்க்க எளிதான ஒரு வழிமுறையை இங்கிலாந்து நாட்டு விஞ்ஞானிகள் கண்டுபிடித்துள்ளனர்.

அதாவது பரீட்சை எழுதச் செல்லும் முன்பு ஒரு டம்ளர் தண்ணீரை அருந்தி விட்டு சென்றால் போதும் என்கிறார்கள். காபி அல்லது குளிர்பானத்தையும் குடிக்கலாம். இவை மூளையை சுறுசுறுப்பு அடைய செய்கிறது என்றும் கூறுகிறார்கள். ஆனால் அறிவியல் ரீதியாக இதற்கு விளக்கம் தர முடியாவிட்டாலும் 10 சதவீதம் அளவிற்கு பதற்றம் நீங்கி நன்றாக தேர்வு எழுத முடியும் என உறுதிபட கூறுகிறார்கள். பல்கலைக்கழக மாணவர்கள் நூற்றுக்கும் மேற்பட்டவர்களிடம் ஆய்வு மேற்கொண்டதில் இதன் மூலம் அதிக மதிப்பெண் பெற்று இருப்பது தெரியவந்துள்ளது என்றும் தெரிவிக்கிறார்கள்.