கூட்டணி கட்சிகளே அதிருப்தியில் உள்ளன: மத்திய அரசு எந்த நேரத்திலும் கவிழும்- பா.ஜனதா கணிப்பு

**ரா.ரமேஷ்குமார்** · 23/01/2011

புதுடெல்லி, மே.23-

பா.ஜனதா எம்.பி.க்கள் கூட்டம், டெல்லியில் நடைபெற்றது. அதன் முடிவில், பா.ஜனதா செய்தித்தொடர்பாளர் ஷாநவாஸ் உசேன் நிருபர்களுக்கு பேட்டி அளித்தார். அப்போது அவர் கூறியதாவது:-

கூட்டணி கட்சிகளே அதிருப்தியில் உள்ளன: மத்திய அரசு எந்த நேரத்திலும் கவிழும்- பா.ஜனதா கணிப்பு 6f3d8c28-74a8-47a3-a4f2-78c5d2f11aeb_S_secvpf

மத்திய அரசின் தோல்விகள் குறித்து எம்.பி.க்கள் கூட்டத்தில் விவாதிக்கப்பட்டது. பட்ஜெட் கூட்டத்தொடரில் சிறப்பாக செயல்பட்டதாக எம்.பி.க்களுக்கு அத்வானி பாராட்டு தெரிவித்தார்.

இந்த கூட்டத்தொடரின்போது, பல்வேறு தருணங்களில், மத்திய அரசை பா.ஜனதா பின்னுக்கு தள்ளியது. ஐக்கிய முற்போக்கு கூட்டணி அரசின் 3 ஆண்டுகால ஆட்சி, கறுப்பு எழுத்துக்களில் எழுதப்படும். இந்த அரசு மீது கூட்டணி கட்சிகளே அதிருப்தியில் உள்ளன. 3 ஆண்டு நிறைவையொயட்டி, பிரதமர் அளிக்கும் விருந்தில் கூட்டணி கட்சி தலைவரான மம்தா பானர்ஜி கலந்து கொள்ள மறுத்து விட்டார். அவருக்கு ஒன்றாக உட்கார்ந்து உணவு சாப்பிடக்கூட விருப்பம் இல்லை.

இத்தகைய நிலையில்தான் ஐக்கிய முற்போக்கு கூட்டணி உள்ளது. 272 உறுப்பினர்களின் ஆதரவு இருப்பதாக அக்கூட்டணி கூறுகிறது. ஆனால், கூட்டணி கட்சிகளே அதிருப்தியில் இருப்பதால், 227 உறுப்பினர்களின் ஆதரவுதான் இருக்கும்போல தோன்றுகிறது.எனவே, மத்திய அரசு எந்த நேரத்திலும் கவிழும்.

இவ்வாறு ஷாநவாஸ் உசேன் கூறினார்.

பா.ஜனதா துணைத்தலைவர் முக்தர் அப்பாஸ் நக்வி அளித்த பேட்டியில் கூறியதாவது:-

மத்திய அரசு அனைத்து துறைகளிலும் தோல்வி அடைந்து விட்டது. ஊழலில் அனைத்து சாதனைகளையும் முறியடித்து விட்டது. பொருளாதார சூழ்நிலை சீரழிந்து விட்டது. ஊழலும், விலைவாசியும் அதிகரித்து விட்டது.

இத்தகைய சூழ்நிலையில், இந்த அரசு முழு பதவிக்காலத்தையும் நிறைவு செய்யாது. எந்த நேரத்திலும் திடீர் தேர்தல் வரலாம். ஒருவேளை இந்த அரசு 5 ஆண்டுகளும் நீடித்தால், அது மக்களுக்கு மேலும் சுமையாகி விடும்.

இவ்வாறு அவர் கூறினார்.

-மாலை மலர்

கூட்டணி கட்சிகளே அதிருப்தியில் உள்ளன: மத்திய அரசு எந்த நேரத்திலும் கவிழும்- பா.ஜனதா கணிப்பு

கூட்டணி கட்சிகளே அதிருப்தியில் உள்ளன: மத்திய அரசு எந்த நேரத்திலும் கவிழும்- பா.ஜனதா கணிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக