மும்பையில் போதை விருந்து: ஐ.பி.எல். வீரர்கள் ராகுல்சர்மா, பர்னல் கைது

**ரா.ரமேஷ்குமார்** · 23/01/2011

மும்பை, மே. 21-

5-வது ஐ.பி.எல். 20 ஓவர் கிரிக்கெட் போட்டி தொடர்ந்து சர்ச்சைக்கு உள்ளாகி வருகிறது. ஸ்பாட் பிக்சிங், ஷாருக்கான் விவகாரம், பாலியல் விவகாரத்தில் பெங்களூர் வீரர் சிக்கியது ஆகியவை பெரும் பரபரப்பை ஏற்படுத்தி இருந்தது.

தற்போது மும்பையில் நடந்த போதை விருந்தில் 2 ஐ.பி.எல். வீரர்கள் கலந்து கொண்டது மிகுந்த சர்ச்சையை ஏற்படுத்தி உள்ளது. மும்பை ஜுகு பகுதியில் உள்ள ஒக்வுட்ஸ் நட்சத்திர ஓட்டலில் நேற்று இரவு போதை விருந்து (ரேவ்பார்ட்டி) நடைபெறுவதாக போலீசாருக்கு தகவல் கிடைத்தது.

மும்பையில் போதை விருந்து: ஐ.பி.எல். வீரர்கள் ராகுல்சர்மா, பர்னல் கைது F5e4ea61-ebc1-48dc-a370-1ca4351b7055_S_secvpf

மும்பையில் போதை விருந்து: ஐ.பி.எல். வீரர்கள் ராகுல்சர்மா, பர்னல் கைது F5e4ea61-ebc1-48dc-a370-1ca4351b7055_S_secvpf

இதைத்தொடர்ந்து மும்பை கூடுதல் கமிஷனர் விஸ்வாங் நாக்ரே பட்டீல் தலைமையில் போலீசார் அங்கு சென்று அதிரடி சோதனை நடத்தினர். அப்போது ஏராளமான ஆண்களும், பெண்களும் முக்கிய பிரமுகர்களும், வெளிநாட்டவர்களும் போதையில் மூழ்கி இருந்தது தெரியவந்தது.

அங்கிருந்த 58 ஆண்கள், 38 பெண்களை போலீசார் கைது செய்தனர். இதில் வெளிநாட்டை சேர்ந்த 10 பேரும் அடங்குவார்கள். அவர்கள் அனைவரும் மருத்துவ பரிசோதனைக்காக ஆஸ்பத்திரிக்கு அனுப்பி வைக்கப்பட்டனர். அங்கிருந்து 110 கிராம் சோனகன் எனும் போதை பொருள் பறிமுதல் செய்யப்பட்டது.

இந்த போதை விருந்தில் ஐ.பி.எல். போட்டியில் புனே வாரியர்ஸ் அணியில் விளையாடும் ராகுல்சர்மா, வெய்ன் பர்னல் ஆகியோர் இருந்தது தெரியவந்தது. இருவரையும் போலீசார் கைது செய்ததாகவும், பின்னர் அவர்கள் விடுவிக்கப்பட்டதாகவும் தகவல் வெளியாகி உள்ளது.

ஆனால் இதை ராகுல்சர்மா மறுத்துள்ளார். அவர் கூறும்போது, நான் பிறந்தநாள் பார்ட்டிக்காக ஒக்வுட்ஸ் ஓட்டலுக்கு சென்றேன். நான் அந்த ஓட்டலுக்கு செல்லும் போது அங்கு யாரும் இல்லை என்றார்.

இதேபோல ராகுல் சர்மாவின் தாயாரும் தனது மகன் போதை விருந்தில் பங்கேற்கவில்லை என்று கூறியுள்ளார். போலீசாரின் இந்த சோதனையில் நடிகர், நடிகைகளும் சிக்கினார்கள்.

-மாலை மலர்

யினியவன் · யினியவன் Mon May 21, 2012 1:34 pm

இது நம்ம ஊருக்கு புதுசா என்ன?

இது மாதிரி நாட்டில் அன்றாடம் நிறைய நடக்கிறது. பணம், பதவி இவற்றை உபயோகப் படுத்தி தப்பிக்கிறவங்க தப்பிச்சுட்டே தான் இருக்காங்க.