வயதானவர்கள் அடிக்கடி கீழே விழக் காரணம் என்ன?

**சிவா** · **சிவா** Wed May 16, 2012 12:33 pm

கீழே விழுவதற்கான காரணங்கள்:

* நரம்பு சார்ந்த நோய்கள், உதாரணம்: அறிவுத்திறன் வீழ்ச்சி, உதறுவாதம், பக்கவாதம்.

* காது சார்ந்த நோய்கள்

* கண் பார்வை குறைதல். உதாரணம்: கண்புரை.

* மூட்டுவலியும், தசைகள் சார்ந்த நோய்களும்.

* ரத்த அழுத்தத்தினால் மாற்றம் ஏற்படுவது. அதாவது, ஒருவர் படுத்த நிலையில் இருக்கும்போது ரத்த அழுத்தம் சரியாக இருக்கும். ஆனால், திடீரென்று எழுந்து நடக்க ஆரம்பிக்கும்போது ரத்தம் அழுத்தம் வேகமாகக் குறைந்து விடுகிறது. இதனால், கீழே விழ வாய்ப்புகள் அதிகரிக்கின்றன.

* மருந்துகள். உதாரணம்: நீர் மாத்திரை, தூக்க மாத்திரை, உயர் ரத்த அழுத்த மாத்திரை, மனநோய்க்குக் கொடுக்கப்படும் மாத்திரை.

* அளவுக்கு அதிகமாக மது அருந்துதல்.

* வழுவழுப்பான தரை, ஈரமான தரை, மேடுபள்ளமான தரை, அதிக உயரமுள்ள படிக்கட்டுகள்.
* மங்கிய வெளிச்சம்.

* அறையில் உள்ள தேவையற்ற பொருட்கள். உதாரணம்: மேசை, நாற்காலி.

இப்படி, முதுமையில் கீழே விழுவதற்கு ஒன்றுக்கும் மேற்பட்ட காரணங்கள் இருக்கின்றன.

கீழேவிழுந்தால் ஏற்படும் தொல்லைகள்:

கீழே விழுவதால் சிறிய சிராய்ப்பிலிருந்து எலும்பு முறிவு வரை பல தொல்லைகள் ஏற்படலாம். சுமார் 20 சதவிகித முதியவர்களுக்கு இடுப்பு எலும்பு முறிவு ஏற்படுவதுண்டு. தலையில் அடிபட்டு காயமும், அதனால் மூளையில் ரத்தக் கசிவும் ஏற்பட வாய்ப்பு உண்டு. ஒருமுறை கீழே விழுந்ததும் மறுபடியும் விழுந்து விடுவோமோ என்ற பயத்தால் பலர் நடக்கவே பயந்து, படுத்த படுக்கையாகிவிடுகிறார்கள்.

கீழே விழுவதை தடுக்க:

உடலை முழுமையாகப் பரிசோதனை செய்து, கீழே விழுவதற்கு நோய்கள் ஏதேனும் காரணமா என கண்டறிந்து தகுந்த சிகிச்சை அளிக்க வேண்டும்.

* கண் பார்வை பரிசோதனை செய்து கொள்ளவும். பார்வைக் குறைவால் அணியும் கண்ணாடி சரியில்லாமல் போனால் கூட, கீழே விழ ஒரு காரணமாக அமையும். ஆகவே, சரியான கண் கண்ணாடி அணிவது மிக அவசியம்.

* காதை முழுமையாகப் பரிசோதனை செய்து கொள்ள வேண்டும். காதல் அழுக்கு சுத்தம் செய்யப்படாமல் இருந்தால் கூட நிலை தடுமாறலாம்.

* முதியவர்கள், சாபிடும் மருந்துகளைப் பற்றியும் டாக்டரிடம் கலந்தாலோசிக்க வேண்டும். ஏனென்றால், மருந்துகளின் பக்க விளைவுகளால் கூட கீழே விழ வாய்ப்பு உண்டு.

* மது அருந்துவதை நிறுத்த வேண்டும்.

* படுக்கையில் இருந்து எப்போதும் வேகமாக எழுந்து, உடனே நடக்கக் கூடாது. மெள்ள எழுந்து உட்கார வேண்டும். பிறகு சற்று நேரம் கழித்து மெதுவாக நிற்க வேண்டும். அதன் பின்னரே நடக்க வேண்டும்.

* நடக்கும்போத கைத்தடி அல்லது தேவையான “வாக்கிங் ஃப்ரேம்’ உடயோகிக்க வேண்டும். மற்றவர்கள் கேலியாகப் பார்ப்பார்கள் என்று கூச்சப்படத் தேவையில்லை. நம் உடலை நாம் தான் பேணிக் காக்க வேண்டும்.

* பொருத்தமான காலணிகளை அணிவது சிறந்தது.

* தினமும் தவறாமல் செய்யும் உடற்பயிற்சி, தசைகள் மற்றும் மூட்டுகளின் திறனை அதிகப்படுத்தி கீழே விழுவதைத் தடுக்க உதவுகிறது, உடலைச் சரிசமமாக வைத்துக் கொள்ள சிறப்பு உடற்பயிற்சிகளும் தேவை.

* படுக்கை அறை, குளியல் அறை, படிக்கட்டுகளில் போதுமான வெளிச்சம் இருக்குமாறு பார்த்துக் கொள்ள வேண்டும்.

* அன்றாடம் உபயோகிக்கும் பொருட்களை கைக்கு எட்டும் தூரத்திலேயே வைக்க வேண்டும். உதாரணம்:
டெலிஃபோன், பேனா, கண்ணாடி, மருந்து டப்பா, சாவி.

* முதியவர்கள் அதிகமாகப் புழங்கும் இடங்களில் இரும்புக் கைப்பிடிகளை பொருத்த வேண்டும். உதாரணம்: குளியலறை, கழிவறை, படிக்கட்டு.

* குளியலறை வழுவழுப்பு இல்லாமலும், தண்ணீர் தேங்காமல் பார்த்துக் கொள்ள வேண்டும்.

முரளிராஜா · முரளிராஜா Wed May 16, 2012 12:37 pm

இத படிச்சு இத மாதிரியே நடந்துக்குங்க சிவா
இனிமே கீழே விழமாட்டிங்க ஜாலி

இந்த பதிவைத் துவங்கியவர் நன்றி கூறியுள்ளார் முரளிராஜா

**சிவா** · **சிவா** Wed May 16, 2012 12:39 pm

முரளிராஜா wrote:இத படிச்சு இத மாதிரியே நடந்துக்குங்க சிவா
இனிமே கீழே விழமாட்டிங்க

என்னைச் சொல்லிட்டு நீங்கள் ஏன் அந்தச் சுவற்றில் போய் மோதுகிறீர்கள்? தடுமாறாம பத்திரமா வீட்டுக்கு போங்க தாத்தா!

முரளிராஜா · முரளிராஜா Wed May 16, 2012 1:24 pm

சிவா wrote:
முரளிராஜா wrote:இத படிச்சு இத மாதிரியே நடந்துக்குங்க சிவா
இனிமே கீழே விழமாட்டிங்க

என்னைச் சொல்லிட்டு நீங்கள் ஏன் அந்தச் சுவற்றில் போய் மோதுகிறீர்கள்? தடுமாறாம பத்திரமா வீட்டுக்கு போங்க தாத்தா!

கண்ணும் போச்சா
சுவற்றில் மோதி தடுமாறி போறது நான் இல்லை
நம்ம கொலவெறி தான் ஜாலி

**ஜாஹீதாபானு** · **ஜாஹீதாபானு** Wed May 16, 2012 2:46 pm

பகிர்வுக்கு நன்றி தம்பி... மகிழ்ச்சி

யினியவன் · யினியவன் Wed May 16, 2012 2:57 pm

முரளிராஜா wrote:
சிவா wrote:
முரளிராஜா wrote:இத படிச்சு இத மாதிரியே நடந்துக்குங்க சிவா
இனிமே கீழே விழமாட்டிங்க

என்னைச் சொல்லிட்டு நீங்கள் ஏன் அந்தச் சுவற்றில் போய் மோதுகிறீர்கள்? தடுமாறாம பத்திரமா வீட்டுக்கு போங்க தாத்தா!
கண்ணும் போச்சா
சுவற்றில் மோதி தடுமாறி போறது நான் இல்லை
நம்ம கொலவெறி தான்

பாம்புன்னு அடிக்கவும் முடியல - பழுதுன்னு விடவும் முடியல இந்த பெருசுங்கள
அதுகள முட்டிடப் போறேன்னு விலகி தடுமாறி போறேன். என்ன பண்றது?

**Dr.சுந்தரராஜ் தயாளன்** · 03/09/2011

நல்ல பதிவு...விரும்பினேன் சிவா மகிழ்ச்சி

**மாணிக்கம் நடேசன்** · 14/12/2009

ஏன், சிரசுகள் எல்லாம் விழுரது இல்லையா. உங்கள் கிண்டலுக்கு நாங்க தான் கிடச்சோமா?

**ஜாஹீதாபானு** · **ஜாஹீதாபானு** Wed May 16, 2012 5:05 pm

மாணிக்கம் நடேசன் wrote:ஏன், சிரசுகள் எல்லாம் விழுரது இல்லையா. உங்கள் கிண்டலுக்கு நாங்க தான் கிடச்சோமா?

யினியவன் · யினியவன் Wed May 16, 2012 5:18 pm

மாணிக்கம் நடேசன் wrote:ஏன், சிரசுகள் எல்லாம் விழுரது இல்லையா. உங்கள் கிண்டலுக்கு நாங்க தான் கிடச்சோமா?

இளவட்ட அய்யா - நம்ம சிவா அங்கிள் மாமாவுக்கு எதுவுமே தெரியல...

Sponsored content · Sponsored content

வயதானவர்கள் அடிக்கடி கீழே விழக் காரணம் என்ன?

வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

Re: வயதானவர்கள் அடிக்கடி கீழே விழக் காரணம் என்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக