தியாகி!

**சிவா** · **சிவா** Wed May 16, 2012 10:43 am

பல ஆண்டுகளுக்கு முன்னர், சமூகச் சேவகர் ஒருவர் இருந்தார். அவருக்கு மக்கள் கண்ணீர் விட்டுக் கதறி அழுவது பிடிக்காது. தன்னால் முடிந்த உதவிகளை எப்போதும், எந்த சந்தர்ப்பத்திலும் செய்து கொண்டே இருக்க வேண்டும் என்று எண்ணுவார்.

அவருக்கு ஒரே ஒரு மகன் இருந்தான். ஒரு சமயம் அவன் கடுமை யான காய்ச்சலினால் அவதிப்பட்டுக் கொண்டிருந்தான். இருக்க, இருக்கக் காய்ச்சல் கூடிக் கொண்டே சென்றதே தவிர குறையவே இல்லை. அருகிலேயே அமர்ந்து தக்கப் பணிவிடைகளைச் செய்து கொண்டிருந்தார்.

அப்போது, அவ்வூர் கிராமவாசி ஒருவன், பரபரப்புடன் அவரைத் தேடி உள்ளே நுழைந்தான். அவனுடைய குரல் உடைந்திருந்தது.

""ஐயா, குஷ்பத்ரா நதியின் அணை உடைந்து போய் விட்டது. எங்கும் பயங்கர வெள்ளம். மக்களின் நிலைமை மிக மிக மோசமாக இருக்கிறது!'' என்றான்.

இதைக் கேட்டவுடன் பரபரப்பானார். "மக்கள் துயர் நீக்கும் பணியே மகேசன் பணி!' என்று எண்ணியவாறே, அங்கிருந்து உடனடியாக புறப்பட்டார்.

""ஐயா, தங்கள் மகன்...'' என்று இழுத்தான் கிராமவாசி.

"எது நடைபெற வேண்டுமோ அது நடைபெறும். எல்லாவற்றுக்கும் கடவுள் இருக்கிறார். அவர் பார்த்துக் கொள்வார்' என்று கூறியவாறு, அவனுடன் கிளம்பினார். வெள்ளத்தினால் பாதிக்கப்பட்ட மக்களுக்கு, இடைவிடாமல் தொண்டு செய்தார். அதனால் அங்கேயே இரவும், பகலுமாக அவர் தங்க நேரிட்டது.

இதன்பின், வெள்ளம் வடிந்து, பணி முடிந்தது. பல நாட்களுக்குப் பின்னர் அவர் தம் சொந்த ஊருக்குத் திரும்பினார். வீட்டில் உள்ளவர்கள் அவரைக் கண்டவுடன் அழுதனர்; ஒப்பாரி வைத்தனர். அவருக்கு விஷயம் விளங்கிவிட்டது. ஆனால், அவர் கலங்கவில்லை.

அனைவருக்கும் தைரியத்தையும், ஆறுதலையும் தந்தார். பின்னர் அவர்களிடம் கூறினார், ""எனக்கு இருந்தது ஒரு மகன். அவனும் போய் விட்டான். ஆனால், அங்கே வெள்ளத்தில் சிக்கியிருந்த பல நூறு உயிர்கள் காப்பாற்றப்பட்டு விட்டன. இதுதான் இறைவன் விருப்பம் என்றால், அதை யாரால் மீற முடியும்?'' என்றார்.

மக்கள் அசந்து போயினர்.

சிறுவர் மலர்

யினியவன் · யினியவன் Wed May 16, 2012 11:59 am

நல்ல கதை பகிர்வுக்கு நன்றி சிவா.

இந்த பதிவைத் துவங்கியவர் நன்றி கூறியுள்ளார் யினியவன்

**சிவா** · **சிவா** Wed May 16, 2012 12:01 pm

யினியவன் wrote:நல்ல கதை பகிர்வுக்கு நன்றி சிவா.

சின்னப் பிள்ளைங்களுக்கு கதை எழுதினால் யார் யாரோ வந்து படிக்கிறாங்கப்பா!!!! என்ன கொடுமை சார் இது

முரளிராஜா · முரளிராஜா Wed May 16, 2012 12:48 pm

சிவா wrote:
யினியவன் wrote:நல்ல கதை பகிர்வுக்கு நன்றி சிவா.

சின்னப் பிள்ளைங்களுக்கு கதை எழுதினால் யார் யாரோ வந்து படிக்கிறாங்கப்பா!!!!

கொலவெறி நீங்க படிக்க வேண்டியது
http://www.eegarai.net/t84940-topic#796579
பாத்து பொறுமையா போங்க ஒன்னும் புரியல

**சிவா** · **சிவா** Wed May 16, 2012 12:49 pm

முரளிராஜா wrote:
சிவா wrote:
யினியவன் wrote:நல்ல கதை பகிர்வுக்கு நன்றி சிவா.

சின்னப் பிள்ளைங்களுக்கு கதை எழுதினால் யார் யாரோ வந்து படிக்கிறாங்கப்பா!!!!
கொலவெறி நீங்க படிக்க வேண்டியது
http://www.eegarai.net/t84940-topic#796579
பாத்து பொறுமையா போங்க