சந்திரசேகர் 'லிமிட்'

**சிவா** · **சிவா** Wed May 16, 2012 10:17 am

விண்வெளித்துறையில் சந்திரசேகர் 'லிமிட்' (வரையறை) என்றால் என்ன? நோபல் பரிசு வென்ற சந்திரசேகர் பெயரில் இது அழைக்கப்படுவது ஏன்?

நட்சத்திரங்கள் பிறக்கின்றன, அவை அழிந்தும் போகின்றன. நட்சத்திரங் களுக்கு சக்தி அளிப்பது அதில் உள்ள ஹைட்ரஜன் தான். அது தீரும் போது நட்சத்திரங்கள் பலம் இழக்கின்றன. இதனால் ஈர்ப்பு விசை அதிகமாகி கொஞ்சம் கொஞ்சமாக தாமாக அழியும் நிலை ஏற்படுகிறது.

ஒரு நட்சத்திரம் அழிந்து போவதோ, அல்லது உடைந்து நொறுங்குவதோ என்பது அதன் எடையைப்பொறுத்து அமைகிறது. சூரியனை விட 1.4 மடங்கு எடை அதிகமாக இருக்கும் நட்சத்திரமாக இருந்தால் அது வெடித்து சிதறி சூப்பர் நோவா எனப்படும் ஒளிரும் நட்சத்திரமாகிறது. சூரியனை விட எடை குறைவாக இருந்தால் அது பலமற்றதாக சுருங்கி விடுகிறது.

இவ்வாறு ஒரு நட்சத்திரம் அழிந்து போவதற்கு உரிய 1.4 சூரியனின் எடை என்ற கணக்குத்தான் சந்திரசேகர் வரையறை அல்லது சந்திரசேகர் லிமிட் என்று அழைக்கப்படுகிறது. இதை அவர் 1930 ம் ஆண்டுகளில் கண்டுபிடித்தார். இதற்காக அவருக்கு நோபல் பரிசும் வழங்கப்பட்டது.