அமைச்சிலிருந்து துரத்தப்பட்ட ஆசிரியர் வீதியில் ஊடகவியலாளர் சந்திப்பை நடத்தினர்.

eelamaran · eelamaran Fri May 11, 2012 9:20 am

பல்கலைக்கழக பேராசிரியர்களுக்கு ஊடகங்களுக்கு கருத்து தெரிவிக்கும் ஜனநாயக உரிமை மறுக்கப்பட்டுள்ளது. இந்த நிலையில், பொதுமக்கள் தமது கருத்துக்களை வெளியிடுவதற்கான சந்தர்ப்பம் எவ்வாறு இருக்கும் என்ற கேள்வியை ஆட்சியாளர்களிடம் முன்வைப்பதாக பல்கலைக்கழ ஆசிரியர் சங்கப் பேச்சாளர் மகின் மென்டிஸ் தெரிவித்துள்ளார்.

கல்வி முறைமை குறித்து கல்வி அமைச்சின் செயலாளருடன் பேச்சு நடத்தப்பட்டது. இதில் தர்க்கம் ஏற்பட்டதால் அமைச்சிலிருந்து வலுக்கட்டாயமாக பல்கலைக்கழக ஆசிரியர்கள் வெளியேற்றப்பட்டுள்ளனர். வெளியேற்றப்பட்ட ஆசிரியர்கள் வீதியில் ஊடகவியலாளர் சந்திப்பை நடத்திய போதே மேற்கண்ட கருத்து தெரிவிக்கப்பட்டது.

பல்கலைக்கழக ஆசிரியர் சங்க சம்மேளனம் முன்அனுமதியைப் பெற்றிருந்தனர். எனினும், பல்கலைக்கழத்தினுள் ஊடகவியலாளர்கள் செல்வதற்கு பல்கலைக்ககழ அதிகாரிகள் அனுமதிக்கவில்லை. இதனால், பல்கலைக்கழகத்திற்கு வெளியே ஊடகவியலாளர் சந்திப்பு நடத்தப்பட்டது.

“எமது கேள்விகளுக்கு செயலாளர் பதில் அளிக்கவில்லை. பல்கலைக்கழகங்கள் குறித்து தனக்கு அக்கறை இல்லை என அவர் கூறினார். அவர் எம்மை வெளியே செல்லுமாறு அதட்டினார். பின்னர் எம்மை வெளியே துரத்துமாறு சிலரிடம் கூறினார். இதனையடுத்து சிலர் எம்மை பலவந்தமாக வெளியேற்றப்பட்டோம்” பல்கலைக்கழக ஆசிரியர் ஒருவர் தெரிவித்தார்.

“இது பல்கலைக்கழக ஆசிரியர்களை மிரட்டும் செயல். இது பல்கலைக்கழக முறைமையை பாழடிக்கும் முயற்சி. இதற்கு எதிராக சகல பல்கலைக்கழக ஆசிரியர்களின் சங்கங்களும் இணைந்து போராடும்” என பல்கலைக்கழக ஆசிரியர் சங்க சம்மேளனத்தின் தலைவர் நிமல் ரஞ்சித் தேவசிறி கூறினார்.

http://thaaitamil.com/?p=18510

அமைச்சிலிருந்து துரத்தப்பட்ட ஆசிரியர் வீதியில் ஊடகவியலாளர் சந்திப்பை நடத்தினர்.

அமைச்சிலிருந்து துரத்தப்பட்ட ஆசிரியர் வீதியில் ஊடகவியலாளர் சந்திப்பை நடத்தினர்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக