சேனல் 4 தொலைக்காட்சிக்கு 2 சர்வதேச விருது

**பிரசன்னா** · **பிரசன்னா** Thu May 10, 2012 12:28 pm

சேனல் 4 தொலைக்காட்சிக்கு 2 சர்வதேச விருது
First Published : 10 May 2012 10:41:29 AM IST

இலங்கையின் கொலைக் களம் எனும் ஆவணப்படத்தை ஒளிபரப்பு செய்ததற்காக சேனல் 4 தொலைக்காட்சி நிறுவனம் இரு சர்வதேச விருதுகளைப் பெற்றுள்ளது.

ஓர் உலக ஊடக விருது விழாவில் சிறந்த தொலைக்காட்சி நிறுவனம் மற்றும் சிறந்த ஆவணப்படம் ஆகிய விருதுகள் சேனல் 4 தொலைக்காட்சிக்கு வழங்கப்பட்டுள்ளன.

இலங்கையில் இடம்பெற்றதாகக் கூறப்படும் மனித உரிமை மீறல்கள் தொடர்பாக சுதந்திரமான விசாரணை நடத்தப்பட வேண்டும் என்று ஐநா சபை வலியுறுத்தக் காரணமாக இருந்ததை கருத்தில்கொண்டே இவ்விரு விருதுகளும் சேனல் 4 தொலைக்காட்சிக்கு வழங்கப்பட்டுள்ளதாக தெரிவிக்கப்படுகிறது.

இந்த ஆவணப்படத்தை தொகுத்து வழங்கிய ஜோன் ஸ்னோ, தான் இதுவரையில் வெளியிட்ட செய்திகளில் மிகவும் முக்கியமானது இலங்கையின் கொலைக் களம்தான் என்று கூறியுள்ளார்.

தினமணி