சொர்க்கம் எது? நரகம் எது?

மீனு · மீனு Mon Oct 05, 2009 10:11 pm

நம்மில் பலர் எதற்கெடுத்தாலும் கோபப்படுவார்கள். ""நான் ரொம்பக் கோபக் காரன்'' என்று பெருமையாகக்கூட சிலர் சொல்லிக் கொள்வதுண்டு.
"கோபத்தை அடக்க வேண்டும் என்றுதான் நினைக்கிறேன் முடியவில்லையே'' என்று வருந்துபவர்களும் உண்டு.

கோபம் மிகவும் தீமையானது. "தன்னையே கொல்லும்' என்றார் வள்ளுவர். கோபத்தால் கட்டுக் கடங்காத மனப்பதற்றல் ஏற்படுகிறது. நமது உடலின் சுரப்பிகள் தாறுமாறாகச் சுரக்கின்றன. இதனால் நமது உடலும் மனமும் பாதிக்கப்படுகிறது. நமது ஐம்புலன்களுமே உணர்வை அடிப்படையாகக் கொண்டது. கோப உணர்வினால் ஐம்புலன்களுமே பாதிக்கப்படும். பயம், பதற்றம், ஞாபக சக்தி குறைவு ஏற்படும். மற்றவரின் தவறுக்கு நாமே அடைகின்ற தண்டனைதான் கோபம்.

"அறிவு நிறைந்தவர்கள் ஆத்திரம் கொண்டால் நீர் நிறைந்திருப்பதாகக் கருதப் பட்ட பாத்திரம் நிலை தடுமாறியதற்குச் சமம்' என்றும் "அடக்கப்பட்ட வெப்பம் சக்தியாக மாறுவது போல் அடக்கப்பட்ட சினம் ஆற்றலாக மாறுகிறது' என்றும் சுவாமி விவேகானந்தர் கூறுகிறார்.

"வாழ்வில் வெற்றிபெற வேண்டுமா? சினத்தை விடு' என்கிற கருத்தில்
"வெல்வது வேண்டின் வெகுளி விடல்'' என்கிறது நான்மணிக்கடிகை.
""கோபம் கொள்வதில் தாமதமாக இருப்பாயாக'' என்று பைபிளும் கூறுகிறது.

இக் கொடிய சினம் வராமல் எப்படிக் காப்பது? கோபம் வரும்போது அடக்குவது அல்லது தணியச் செய்வது எவ்வாறு என்பதை நாம் அவசியம் அறிந்து கொள்ள வேண்டும்.

நமது உணர்வுப் பக்குவத்தை (Emotional Intelligence) அதிகரித்துக் கொள்வது தான் இதற்கு சிறந்த தீர்வாக அமையும். உணர்வுப் பக்குவம் குறைந்தவர்கள் தான் எளிதாக கோபம், பயம் போன்றவற்றிற்கு ஆளாகி விடுகிறார்கள்.

உணர்வுப் பக்குவம் என்றால் என்ன? ஒரு மனிதன் தன்னுடைய உணர்வு களைக் கட்டுப்படுத்திக் கொள்வதும் நெறிப்படுத்திக் கொள்வதுமே உணர்வுப் பக்குவம் ஆகும்.

சாமுராய் எனப்படும் ஜப்பானியத் தற்கொலைப் படைவீரன் ஒரு ஜென் ஞானி யைப் பார்த்து, ""சொர்க்கம் எது? நரகம் எது?'' என்று கேட்டான். ""உன்னைப் போன்ற ஆட்களிடம் பேசி என் நேரத்தை வீணாக்க மாட்டேன்'' என்று அலட்சி யத்துடனும், சீற்றத்துடனும் பதில் சொன்னார் ஜென் ஞானி. அந்த வீரன் கடும் கோபம் கொண்டு உறையிலிருந்த வாளை உருவி ஞானியை வெட்டக்கையை ஓங்கினான். ஞானி சொன்னார் "இதற்குப் பெயர்தான் நரகம்'. பொறுமையாக வும் சாந்தமாகவும் ஞானி சொன்ன பதிலைக் கேட்டவுடன் கோபம் தணிந்து வாளை உறையில் போட்டு விட்டு, "என்னை மன்னித்துக் கொள்ளுங்கள்' என்றான். அந்த ஞானி சொன்னார் "இதற்குப் பெயர்தான் சொர்க்கம்'. உணர்வு களைக் கட்டுப்படுத்தி வாழ்வதே சொர்க்கம் ஆகும்.

கோபம் மட்டுமல்ல. சோகம். பயம், மோகம், காமம், அதிர்ச்சி, வெறுப்புணர்ச்சி, வெட்கம் ஆகிய எட்டு வகை உணர்வுகளையும் நெறிப்படுத்திக் கொள்ளப் பழகிக் கொள்ள வேண்டும். இல்லையேல் வாழ்க்கையில் தாம் துன்பம் அடை வதுடன் மற்றவர்களையும் துன்பப்படுத்த நேரிடும்.

சி.சத்தியமூர்த்தி, ராமநாதபுரம்

சொர்க்கம் எது? நரகம் எது?

சொர்க்கம் எது? நரகம் எது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக