மதுரை ஆதீனத்தில் வருமானவரித்துறை திடீர் ரெய்டு!!

முரளிராஜா · முரளிராஜா Sat May 05, 2012 11:10 am

மதுரை ஆதீனத்தில் வருமானவரித்துறை அதிகாரிகள் திடீர் ரெய்டு நடத்தி வருவதாக கூறப்படுகின்றது.

தமிழகத்தில் மொத்தம் 18 ஆதீன மடங்கள் செயல்பட்டு வருகின்றன. இதில் மதுரை ஆதீனமும் ஒன்று. இந்த மதுரை ஆதீனம் 1,500 ஆண்டுகள் பழமை வாய்ந்தது. மதுரை ஆதீனத்திற்கு தமிழகம் முழுக்க பல கோடி ரூபாய் சொத்துக்கள் உள்ளது.

இந்த ஆதீனத்தின் 293-வது மடாதிபதியாக நித்யானந்தா-வை 292 வது மதுரை ஆதீனம் அருணகிரிநாதர் நியமித்துள்ளார். அதே போல சுவாமி நித்தாயனந்தாவுக்கும் உலகம் முழுக்க பல ஆதிரமங்கள் உள்ளது. அதன் மூலம் பல கோடி ரூபாய் சொத்து உள்ளது.

இந்த நிலையில், சுவாமி நித்யானந்தா மதுரை இளைய தீனமாக பொறுப்பு ஏற்றதற்கு ரூ.1 கோடி வரை செலவு செய்துள்ளார். மதுரை ஆதினம் சொத்துக்களை கைப்பற்றும் நோக்கத்தில் நித்தாயனந்தா பொறுப்பு ஏற்றுள்ளார். இதனால், நித்தியானந்தாவை அந்த பொறுப்பில் இருந்து நீக்க வேண்டும் என்று தமிழகத்தில் உல்ள பல்வேறு ஆதீனங்கள் மற்றும் மடாதிபதிகள் ஆலோசனை நடத்தி தீர்மானம் நிறைவேற்றி உள்ளனர்.

எனவே, மதுரை ஆதீனமாக நித்யானந்தா தொடர தடை விதிக்க வேண்டும். ஆதீன சொத்துக்களை கையாளவும் அவருக்கு தடை விதிக்கவேண்டும் என்ற கோரிக்கைகள் தமிழக அரசை நோக்கியும், நீதி மன்ற கதவுகளை தட்டியும் உள்ளது.

இந்த நிலையில், மத்திய அரசின் வருமான வரித்துறை மதுரை ஆதீனத்தில் இன்று காலை முதல் திடீர் ரெய்டு நடத்தி வருவதாக தகவல் வெளியானது.

விசாரித்ததில், தெ‌ற்கு ஆவண‌ி மூல ‌வீ‌தி‌யி‌ல் உ‌ள்ள மட‌த்‌தி‌ல் 5 அ‌திகா‌‌ரிக‌ள் இ‌ந்த சோதனையை நட‌த்‌தி வரு‌வது உறுதிப்படுத்தப்பட்டது.

இந்த ரெய்டால் மதுரை ஆ‌தீன‌ம், ‌நி‌த்யான‌ந்தா ஆ‌கியோ‌‌ர் அ‌தி‌ர்‌ச்‌சி அடை‌ந்து‌ள்ளன‌ர். வருமான வ‌ரி‌த்துறை‌யி‌ன் அ‌திரடி சோதனை மதுரை‌யி‌ல் பெரு‌ம் பரபர‌ப்பை ஏ‌ற்ப‌டு‌த்‌தியு‌ள்ளது.
நன்றி ஒன் இந்தியா

யினியவன் · யினியவன் Sat May 05, 2012 11:13 am

ஆதீனக் கூத்தை மறைக்க - இவங்களே உள்ள பூந்து அவங்க பங்க வாங்க கிளம்பிட்டாங்களே.

பேஷ் பேஷ் நன்னாருக்கு.

தர்மா · தர்மா Sat May 05, 2012 1:38 pm

இத தான் வேலியில் போற ஓணானை எடுத்து மடியில வச்சுக்கிட்ட கதையா. மிஸ்டர் ஆதினம் உங்களுக்கு பெட்ரோமாக்ஸ் லய்டே தான் வேணுமா ஏன் இந்த தீ பந்தம் அதல்லாம்
நீங்க யூஸ் பண்ண கூடாது ?

**ராஜா** · **ராஜா** Sat May 05, 2012 1:39 pm

இந்த செய்கையால் இவர்கள் மட்டுமல்ல மற்ற ஆதீனங்களுக்கும் ஆப்பு வரபோகிறது

ஹர்ஷித் · ஹர்ஷித் Sat May 05, 2012 1:40 pm

ஓவரா பேசுனா இப்படிதான்.,

**சிவா** · **சிவா** Sat May 05, 2012 3:24 pm

மதுரை ஆதீன மடத்தில் வருமான வரித்துறை சோதனை ஏன்?: பரபரப்பு தகவல்கள்

மதுரை ஆதீன மடத்தில் இன்று வருமான வரித்துறை அதிகாரிகள் அதிரடியாக புகுந்து சோதனை நடத்தி வருகின்றனர். இந்த சோதனைக்கு முக்கிய காரணம் என்ன என்பது குறித்து பல்வேறு தகவல்கள் கிடைத்துள்ளன.

மதுரை ஆதீனம் மிகவும் பழமை வாய்ந்ததாகும். சுமார் 1400 ஆண்டுகளுக்கு முன்பு தோற்றுவிக்கப்ட்ட இந்த ஆதீனத்துக்கு பல ஆயிரம் கோடி மதிப்பில் சொத்துக்கள் உள்ளன. ஆதீனத்தின் 293-வது ஆதீனமாக கடந்த வாரம் நித்யானந்தா நியமிக்கப்பட்டார். இதற்கு பல்வேறு தரப்பினர் எதிர்ப்பு தெரிவித்தனர். கடந்த ஞாயிற்றுக்கிழமை மதுரையில் நடந்த விழாவில் மதுரை ஆதீனத்துக்கு, நித்யானந்தா தங்க மூலாம் பூசப்பட்ட செங்கோலை பரிசாக வழங்கினார். ஆதீனமும் நித்யானந்தாவுக்கு தங்க கீரிடம் சூட்டினார். இதே போல் பெங்களூரில் இளைய ஆதீனமாக நித்யானந்தா முடிசூட்டிக் கொண்ட விழாவிலும் மதுரை ஆதீனத்துக்கு, நித்யானந்தா தங்க செங்கோல், கீரிடங்களை வழங்கினார்.

கடந்த சனிக்கிழமை மதுரை வந்த நித்யானந்தாவும், மதுரை ஆதீனமும் நிருபர்களுக்கு பேட்டி அளித்தனர். அதற்கு முன் நடந்த நிகழ்ச்சியில் 2 பேரும் அதிகமான விலை உயர்ந்த தங்க ஆபரணங்களை அணிந்திருந்தனர். சித்ரா பவுர்ணமி தினமான இன்று இரவு (5-ந்தேதி) திருவண்ணாமலையில் நித்யானந்தாவுக்கு பட்டாபிஷேக நிகழ்ச்சி நடைபெற இருந்தது. இதில் கலந்து கொள்வதற்காக மதுரை ஆதீனம் இன்று மதியம் புறப்பட திட்டமிட்டு இருந்தார். இந்த விழாவிலும் தங்க செங்கோல், தங்க கீரிடம், தங்க சிம்மாசனம், பாதுகைகள் ஆகியவற்றை மதுரை ஆதீனத்துக்கு அணிவிக்கப்படும் என நித்யானந்தா அறிவித்து இருந்தார்.

அதற்கான பணிகளும் நடைபெற்று வந்தன. மதுரை ஆதீனத்துக்கு பல கோடி ரூபாய் பரிமாற்றம் செய்யப்பட்டுள்ளது என்ற தகவல்களும் அடிக்கடி உலா வந்தன. மதுரை ஆதீனத்துக்குட்பட்ட சொத்துகளுக்கு வரி செலுத்தாமல் ஆதீனம் வரி ஏய்ப்பு செய்வதாக வருமான வரித்துறைக்கு புகார்கள் சென்றது. இந்நிலையில் இன்று காலை 2 கார்களில் வந்த வருமான வரித்துறை அதிகாரிகள் மதுரை ஆதீனமடத்தில் அதிரடியாக புகுந்தனர். அவர்கள் மடத்தின் அனைத்து கதவுகளை உள் புறமாக பூட்டி கொண்டு மடத்தின் அனைத்து அறைகளிலும் சோதனை நடத்தினர். சோதனையில் அறைகளில் இருந்து பல கோடிகள் மதிப்புள்ள தங்க நகை, பணம் ஆகியவை ஒரே இடத்தில் குவித்து வைத்து அதனை அதிகாரிகள் வீடியோவில் பதிவு செய்தனர்.

மேலும் நகை, பணத்துக்கு முறைப்படி வருமானவரி கட்டப்பட்டுள்ளதா? என ஆய்வு மேற்கொண்டனர். ஆதீனத்தின் சொத்துக்களின் ஆவணங்களை சோதித்து விசாரணை நடத்தினர். ஆதீனத்துக்குட்பட்ட சொத்துக்கள், மடத்தில் பணிபுரியும் ஊழியர்கள், அவர்களின் சம்பளம் ஆகிய விபரங்களை மதுரை ஆதீனத்திடம் கேட்டு பெற்றனர். சமீப காலமாக மதுரை ஆதீனமும், நித்யானந்தாவும் அதிகளவு ஆபரணங்களை அணிந்து வருகின்றனர். மேலும் மதுரை ஆதீனத்துக்கு பல கோடி ரூபாய் கைமாறி உள்ளதாக என அடிக்கடி வந்த தகவல்களை அடுத்து வருமான வரித்துறை சோதனை நடத்தி இருப்பதாக தெரியவந்துள்ளது. இதுகுறித்து இந்து மக்கள் கட்சி தலைவர் சோலைக் கண்ணன் கூறுகையில், மதுரை ஆதீனத்தில் வருமான வரித்துறை சோதனை நடத்தி இருப்பதன் மூலம் மத்திய அரசு விழித்துக் கொண்டுள்ளது.

ஆனால் மாநில அரசு இதுவரை எந்த நடவடிக்கையும் எடுக்கவில்லை. மாநில அரசு இதுதொடர்பாக உரிய நடவடிக்கை எடுத்து ஆதீன சொத்துக்களை மீட்க வேண்டும் என்றார்.

மாலைமலர்

யினியவன் · யினியவன் Sat May 05, 2012 3:28 pm

ராஜா wrote:இந்த செய்கையால் இவர்கள் மட்டுமல்ல மற்ற ஆதீனங்களுக்கும் ஆப்பு வரபோகிறது

வந்தாதான் நல்லது ராஜா. மக்களுக்கு அப்பதான் புரியும் இவனுக ஏமாத்து பம்மாத்து வேலை எல்லாம்.

**இளமாறன்** · **இளமாறன்** Sat May 05, 2012 4:48 pm

பக்தி என்னும் சொல்லை வைத்து ஏமாற்றும் மக்கள் ஒரு நாள் மாட்டி தானே ஆக வேண்டும் மகிழ்ச்சி

Sponsored content · Sponsored content

மதுரை ஆதீனத்தில் வருமானவரித்துறை திடீர் ரெய்டு!!

மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

Re: மதுரை ஆதீனத்தில் வருமானவரித்துறை திடீர் ரெய்டு!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக