பக்க வாத்தியம்- தினமலர்

மகா பிரபு · மகா பிரபு Fri 4 May 2012 - 19:49

"மின்னல் தான் மின்வெட்டு!'

பக்க வாத்தியம்- தினமலர் Tamil_News_large_460926

திண்டுக்கல் மாவட்டம், வடமதுரையில், அ.தி.மு.க., பொதுக்கூட்டம் நடந்தது. பழனிச்சாமி எம்.எல்.ஏ., பேசுகையில், "முந்தைய அ.தி.மு.க., ஆட்சியில், மின்வெட்டு என்றால் என்னவென்றே, மக்களுக்குத் தெரியாது. வானத்தில் ஏற்படும் மின்னலை தான், மின்வெட்டு என, நினைத்தனர். தி.மு.க., ஆட்சியில் தான், மின்வெட்டு என்றால் மின்தடை என தெரிந்தது. தமிழகத்திற்கு மின்சாரம் கொடுக்க, குஜராத் தயாராக உள்ளது. மின்வெட்டு பிரச்னை தீர்ந்தால், லோக்சபா தேர்தலில், அ.தி.மு.க.,வுக்கு ஆதாயம் என பயந்து, கருணாநிதி தான், மத்திய அரசு மூலம், மின்பாதையை ஒதுக்காமல் தடுக்கிறார்' என்றார். பேச்சை கவனித்த தொண்டர் ஒருவர், "யாரிடம் இவர் காது குத்துகிறார்... மின்னலை மின்வெட்டுன்னு கிராமத்தினர் நினைப்பரா? விவசாயம் பார்க்கறவங்களுக்கு, மின்னல் குறித்து தெரியாதா? பேசுறதுக்கும் ஒரு திறமை வேணும்... அத மொதல்ல கத்துக்கிட்டு வரணும் இவரு...' என, பொளந்து கட்டியதைக் கேட்ட மற்றவர்கள், ஆமோதித்து சிரித்தனர்.

மகா பிரபு · மகா பிரபு Fri 4 May 2012 - 19:50

"பேஸ்' இல்லாம போய்டும்'

திருப்பூர், எல்.ஆர்.ஜி. அரசு மகளிர் கல்லூரியில் மூன்றாம் ஆண்டு மாணவியருக்கு, இலவச லேப்-டாப் வழங்கும் விழா நடந்தது. இந்து சமய அறநிலையத்துறை அமைச்சர் ஆனந்தன், லேப்-டாப் வழங்கினார். கலெக்டர் மதிவாணன் பேசுகையில், "இன்டர்நெட் பயன்படுத்தும் மாணவியர் மிகவும் கவனமா இருக்கணும். தேவையில்லாத, வெப்-சைட்களுக்குள் சென்றால், வைரஸ் தாக்கிவிடும் அபாயமிருக்கிறது. நல்ல, "ஆன்டி வைரஸ் சாப்ட்வேர்' உபயோகிக்க வேண்டும். பாலையும், தண்ணீரையும் கலந்து வைத்தால், அன்னப்பறவை எப்படி பாலை மட்டும் பிரித்து உண்கிறதோ, அதுபோல, நல்ல இணைய தளங்களை மட்டுமே பயன்படுத்த வேண்டும். "பேஸ்-புக்' உள்ளிட்ட எந்த ஒரு இணைய தளத்திலும், உங்கள் புகைப்படங்களை, எக்காரணம் கொண்டும் வைத்திருக்கக் கூடாது; பிறருக்கு அனுப்பக்கூடாது. அவ்வாறு வெளியிட்டால், "பேசே' இல்லாமல் போக வேண்டிவரும். மாணவியர், கட்டுப்பாட்டுடன் கூடிய சுதந்திரத்தை கடைபிடிப்பது மிகவும் அவசியம்' என்றார். முன்வரிசையில் அமர்ந்திருந்த மாணவி ஒருவர், "லேப்-டாப்ப கைல கொடுத்துட்டு, "வைரஸ் தாக்கும்...', "பேஸ்' இல்லாம போய்டும்னு, நெகட்டிவ் ஆகவே பேசுறாரே... "ஏடாகூட சைட்'டுக்கு போய், ஏற்கனவே இவர், சிக்கல்ல மாட்டிருப்பாருன்னு நினைக்கிறேன் டீ...' என, "கமென்ட்' அடிக்க, மாணவியர் மத்தியில் சிரிப்பலை எழுந்தது.

யினியவன் · யினியவன் Fri 4 May 2012 - 21:56

ஆனா மின்வெட்டுன்னா என்னன்னு உணர வெச்சது அம்மா ஆட்சி தான் கண்டிப்பா.

இதுக்கு முன்னர் இவ்ளோ மின் வெட்டு இருந்ததில்லையே.

மகா பிரபு · மகா பிரபு Fri 4 May 2012 - 22:02

கொலவெறி wrote:ஆனா மின்வெட்டுன்னா என்னன்னு உணர வெச்சது அம்மா ஆட்சி தான் கண்டிப்பா.

இதுக்கு முன்னர் இவ்ளோ மின் வெட்டு இருந்ததில்லையே.

ஆமாம் அண்ணா. முன்னாடியெல்லாம் இரண்டு மணி நேரம் மட்டும்தான் நிருத்துவாங்கே. ஆமா இப்பல்லாம்... சோகம்

இவனுக மாதிரி சால்ரா அடிக்கிரவங்கே இருக்கும் வரை நாடு இப்படித்தான் இருக்கும்.

யினியவன் · யினியவன் Fri 4 May 2012 - 22:10

இன்னிக்கு சட்டசபை நிகழ்ச்சி ஒன்றை பார்த்தேன் - வெறுத்துட்டேன்.

மாண்புமிகு அம்மா இதய தெய்வம் புரட்சி தலைவி அம்மாவின் அனுமதியோடுன்னு வரிக்கு வரி சொல்லி வெறுப்பேத்தரானுங்க இந்த அமைச்சர்களும், MLA க்களும்.

மகா பிரபு · மகா பிரபு Fri 4 May 2012 - 22:43

கொலவெறி wrote:இன்னிக்கு சட்டசபை நிகழ்ச்சி ஒன்றை பார்த்தேன் - வெறுத்துட்டேன்.

மாண்புமிகு அம்மா இதய தெய்வம் புரட்சி தலைவி அம்மாவின் அனுமதியோடுன்னு வரிக்கு வரி சொல்லி வெறுப்பேத்தரானுங்க இந்த அமைச்சர்களும், MLA க்களும்.

ஒரு நாள் பாத்தா உங்களுக்கே இவ்வளவு வெருப்புன்னா, தினசரி பாக்குற எதிர்கட்சிக் காரங்களுக்கு எப்படி இருக்கும்?

மகா பிரபு · மகா பிரபு Sat 5 May 2012 - 8:05

"முடி பிரச்னை ஒரு பிரச்னையா?'

மதுரை இளைய ஆதீனமாக பொறுப்பேற்ற நித்யானந்தாவுக்கு, தலைமுடி விரித்த கோலம் தான், "டிரேடு மார்க்!' ஆனால், ஆதீனம் ஆகி விட்டதால், மொட்டை அடிக்க வேண்டும் என, சர்ச்சை கிளம்பியது. இதுகுறித்து, மதுரையில் பேசிய நித்யானந்தா, "நான் மொட்டை போட தயாராக இருந்தேன். ஆதீனம் தான், அதை ஏற்க மறுத்து விட்டார். "உன்னுடைய, "டிரேடு மார்க்' முடி தான். அது உனக்கு அடையாளத்தை ஏற்படுத்தியது. அதுவே தொடரட்டும்...' என்றார். "இந்து மதத்தில், தலை போகிற பிரச்னைகள் இருக்கும்போது, முடி ஒரு பிரச்னையா? மதுரை ஆதீன மடத்தை தோற்றுவித்த திருஞானசம்பந்தரே, முடியுடன் இருந்தவர் தான்...' என, தன் முடியழகுக்கு, நீண்ட விளக்கம் அளித்துச் சமாளித்தார் நித்யானந்தா. "இவரு திடீரென மதுரை ஆதீனம் ஆன கதையையும், இவருக்கும், மற்ற ஆதீனங்களுக்கும் நடக்கிற பிரச்னைகளையும் கேட்டா, நம்ம முடி தான் கொட்டுது...' என, ஒரு நிருபர், "கமென்ட்' அடித்தார்.

**சிவா** · **சிவா** Sat 5 May 2012 - 9:33

நித்யானந்தாவை நேரில் பார்த்தால் செருப்பால் அடிப்பேன், அவ்வளவு வெறி அவன் மேல் ஏற்பட்டுள்ளது!

**Dr.சுந்தரராஜ் தயாளன்** · 03/09/2011

நல்ல பதிவுகள் மகாபிரபு, எந்த அளவு மக்களை முட்டாளாக்கும் வேலை நடக்கிறது என்பதை நினைத்தால் வேதனையாக இருக்கிறது. சோகம்

மகா பிரபு · மகா பிரபு Sat 5 May 2012 - 9:49

சிவா wrote:நித்யானந்தாவை நேரில் பார்த்தால் செருப்பால் அடிப்பேன், அவ்வளவு வெறி அவன் மேல் ஏற்பட்டுள்ளது!

மதத்தை பால் படுத்துகிறான் இந்த பன்னாடை.

Sponsored content · Sponsored content

பக்க வாத்தியம்- தினமலர்

பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

Re: பக்க வாத்தியம்- தினமலர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக