முயற்சியும் திருவினையும் !!!

சமீபத்தில் ஒரு சுவாரஸ்யமான உரையாடலைக் எங்கள் அலுவலகத்தில் கேட்டேன்.எங்கள் மேலாளருக்கும், உதவி மேலாளருக்கும் நடந்த உரையாடல் அது.

“முயற்சிக்கிறதுன்னு எதுவுமே கிடையாது. ஒண்ணு நாளைக்குப் பண்றேன்னு சொல்லு. இல்லே நாளைக்கு பண்ண மாட்டேன்னு சொல்லு.”

“அதெப்படி சார் சொல்ல முடியும்? பெரிய ஸ்டேட்மென்ட் அது. ஆறு சப்ளையர்ஸ் இருக்காங்க. பனிரெண்டு நார்ம்ஸ் இருக்கு. ஒவ்வொரு நார்ம்ச்க்கும் மூணு லெவல்ஸ் இருக்கு. எத்தனை பாசிபிளிடிஸ் தெரியுமா?”

“அப்ப நாளைக்கு முடியாதுன்னு சொல்லு”

“முடியாதுன்னும் சொல்ல முடியாது”

“அப்ப முடியும்ன்னு சொல்லு”

“சார் உங்களுக்குப் புரியலை”

“ஆமாம், புரியலைதான். ஒரு வேலை முடியவும் முடியாம, முடியாமையும் இருக்காம எப்படி இருக்க முடியும்?”

“அதுதான் சார் முயற்சி”

“எது, முடிக்கவும் முடிக்காம, முடிக்காமையும் இருக்காம இருக்கிறதுக்குப் பேர் முயற்சியா?”

“குழப்பறீங்க சார்”

“இப்போ, அந்த வேலையை முடிச்சா என்னன்னு சொல்வே?”

“முடிச்சிட்டேன்னு சொல்வேன்”

“இல்லைன்னா?”

“முடிக்கல்லைன்னு சொல்வேன்”

“ஆரம்பிச்சிருந்தா?”

“ஆரம்பிச்சிட்டேன்னு சொல்வேன்”

“முடிக்கிற ஸ்டேஜிலே இருந்தா?”

“முடிக்கப் போறேன்னு சொல்வேன்”

“நடுவிலே கேட்டா?”

“பண்ணிகிட்டிருக்கேன்னு சொல்வேன்”

“எங்கேயுமே முயற்சி வரல்லையே……. எதை முயற்சின்னு சொன்னே?”

அவர் இப்போது சரண்டர் ஆனார்

“நாளைக்கு முடிச்சிடறேன் சார்”

“முடியல்லைன்னா?”

“நாளான்னிக்கு முடிச்சிடறேன்”

“ஏன் திடீர்ன்னு முயற்சியை விட்டுட்டே? முயற்சி திருவினையாக்கும்ன்னு பெரியவங்க சொல்லியிருக்காங்களே…”

“முயற்சி வினைதான் ஆக்குது. அதைப்பாத்து திரு திருன்னு முழிக்கிறப்போ அது திருவினை ஆயிடுது”

இது போன்ற அனுபவம் உங்களுக்கும் உள்ளதா உறவுகளே

இந்த வேடிக்கை பார்ப்பதையே முழு மூச்சா
முயற்சி செஞ்சு தளர்ச்சி அடஞ்சிடறோம் நாம பாலா.

இதில எங்க வேலை செய்ய முயற்சிக்கக் கூட
டைமே இல்லாம போயிடுது.

ஆஃபீஸ்லயும் நம்ம கிட்ட வேலை வாங்க அவங்க
முயற்சித்து முயற்சித்து இப்ப முயற்சிக்கிறதையே விட்டுட்டாங்க.

அவங்க இந்த முயற்சில வெற்றி அடஞ்ச
திருப்தில இருக்கறப்ப நாம வீணா வேலை செய்ய
முயற்சித்து அவங்கள டிஸ்கரேஜ் பண்ணிட வேண்டாமேன்னு
நானும் இனிமே முயற்சிக்கிறதே இல்லேன்னு முடிவே பண்ணிட்டேன்.

நா சொல்றது புரியுதில்ல?

ரொம்ப நல்லாவே புரியுது ஆனா எங்க ஆபிசுல எப்படியாவது என்ன வேலை செய்யவைக்கனுமுனு பெரிய உள்நாட்டு சதியே நடக்குது எப்படியோ எல்லாத்தையும் முயச்சிபண்ணி தப்பிசுகிட்டு இருக்குறேன்

என்னோட பாஸ் கிட்டயும் நான் முயற்சி செய்றேன்னு சொல்ல முடியாது. இந்த வேலை என்னால முடிக்க முடியும், இல்லை முடிக்க முடியாது அப்படின்னு மட்டும் தான் சொல்லணும்.
முடிக்க முடியும் என்றால் எத்தனை நாளில் முடிக்க முடியும், முடிக்க முடியாதுன்னா ஏன் முடிக்க முடியாது என்பதையும் சொல்லணும்.பார்த்திங்களா நான் எப்படி சிக்கி இருக்கேன்னு