இறையருளும் மனித முயற்சியும்

kalamkadir · kalamkadir Wed Nov 30, 2011 11:59 pm

இறையருளும் மனித முயற்சியும்

1)
ஆற்றல் மிக்கோ னாற்றற் றானே
ஆற்று நீரும்; அள்ளி நீயும்
போற்றி நன்றாய்ப் பேண்.

2)
கடவுளி னருளினால் கடலிலே உயிரினம்;
படகிலே வலையுடன் பயணமாம் முயற்சியால்
நடக்குமே வணிகமும் நலம்

3)
கிணற்றுநீரும் பெருகுவதும் கருணையா ளனருட்டானே
உணர்ந்துநீயும் முயல்கின்றா யுனதுவாளி கயிற்றினாலே
குணங்களிலே விடாமுயற்சி குழைத்து.

4)
கதிரவனொளி கட்லுறவினால் கருமேகமாய் உருவாகுதல்
கதியமைத்திடும் பரம்பொருளருள்; கருணையாளனை மறவாமலே
துதித்துதினமும் முயற்சிகளிலேத் தொடர்.

5)
தூணின்றி நிற்கின்ற தூக்கிய வானத்தை
வீணின்றி தந்தவனை வீணாக நிந்திக்கும்
வீணர்கள் காண விய்ப்பு.

வாய்ப்பாக வாழ்வை வழங்கு மவனைத்தான்
வாயுடன் நாக்கும் வழங்கு மவனைத்தான்
வாயாலேத் தூற்றும் வியப்பு.

இல்லாமை மூலம்நாம்: இல்லை அவனன்றி
இல்லை அவனென்று எப்படித்தான் சொல்கின்றனர்
வில்லைப்போல் நின்றேன் வியந்து.

யாப்பிலக்கணம்: 1) நேரொன்றாசிரியத்தளையால் வந்த வெண்டாழிசை
2) நிரையொன்றாசிரியத்தளையால் வந்த வெண்டாழிசை
3) கலித்தளையாலான வெண்டாழிசை
4) வஞ்சித்தளையாலான வெண்டாழிசை
5) மூன்று சிந்தியல் வெண்பாக்களில் ஒரே பொருள் குறிக்கும் வெள்ளத்தாழிசை
”கவியன்பன்” கலாம், அதிராம்பட்டினம்(பிறப்பிடம்)
அபுதபி(இருப்பிடம்)

எனது வலைப்பூத் தோட்டம் http://www.kalaamkathir.blogspot.com/

மின்னஞ்சல் முகவரி: kalamkader2@gmail.com
shaickkalam@yahoo.com
kalaamkathir7@gmail.com

அலை பேசி: 00971-50-8351499

**Dr.சுந்தரராஜ் தயாளன்** · 03/09/2011

மிகவும் நன்று மகிழ்ச்சி

இறையருளும் மனித முயற்சியும்

இறையருளும் மனித முயற்சியும்

Re: இறையருளும் மனித முயற்சியும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக