நீ நீயாகவே இரு

முஹைதீன் · முஹைதீன் Mon 30 Apr 2012 - 10:53

நீ நீயாகவே இரு
உன்னைச் சுற்றி
நடப்பது யாவும்
நாடகமே மறவாதிரு

உன் முன்னே அழகாய்
சிரிப்பவன்
உன் பின்னால் உன்னை
இகழ்ந்திடுவான்
நீ சொல்வதை சரியென
ஆமோதிப்பவன்
உன்னையே பிறகு
அவமதிப்பான்
உண்மை அறிந்து நீ
வேதனைப் படவேண்டாம்
உலகம் இதுதான்
கவலையும் படவேண்டாம்

உன்னை நீயே
அறிந்து கொள்வாய்
வெற்றியும் தோல்வியும்
உன் கையில்
உண்ர்ந்தால் வீணே
பயம் வேண்டாம்

கூழைக் குடித்து நீ
உயிர் வளர்த்தாலும்
மானம் காத்தே வாழ்ந்திடுவாய்
ஏளனம் செய்யும்
துட்டர்களை நாயெனப்
பேயென ஒதுக்கிடுவாய்
ஏழ்மை என்றும்
தொடர்வதில்லை
உறவுகளும் கூட
வருவதில்லை
யாரை நல்லவர் என நீ
நினைத்தாயோ அவரே
மனதில் புண்ணாவார்

அதனால்…
உன்வழியை நீ
வகுத்திடுவாய்
அதில் உண்மையை
உறுதியாய் கடைபிடிப்பாய்
உலகத்தோடு ஒட்ட வாழ்ந்தாலும்
உயர்ந்த உள்ளத்தையே
கொண்டிடுவாய்
துன்பத்தை உனக்கு
அளித்தவர்க்கும்
நல்லதைச் செய்தே
நலம் பெறுவாய்

அவரவர் வழியில்
அவரவர் செல்லட்டும்..
நல்லதைச் சொல்வாய்
நல்லதைச் செய்வாய்
ஏற்றுக் கொண்டவர்
பயனடைவார் என்ற
நம்பிகையோடு
நீ நீயாகவே இரு

என்றும்: பொன்வண்ணன்

http://tamilnanbargal.com/tamil-kavithaigal/

யினியவன் · யினியவன் Mon 30 Apr 2012 - 16:10

அப்ப தாராளமா நான் நானாவே இருந்து உங்க உசிரை எல்லாம் எடுக்கலாம்ன்னு சொல்றீங்க.

டேங்க்ஸ் முகைதீன் - பகிர்வுக்கு.

நீ நீயாகவே இரு

நீ நீயாகவே இரு

Re: நீ நீயாகவே இரு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக