இன்று(30-04-2012) சென்னை- கோல்கட்டா மோதல்

சென்னை: ஐ.பி.எல்., தொடரில் இன்று நடக்கவுள்ள லீக் போட்டியில் "நடப்பு சாம்பியன்' சென்னை சூப்பர் கிங்ஸ், கோல்கட்டா நைட்ரைடர்ஸ் அணிகள் மோதுகின்றன. கடந்த போட்டியில் வீழ்ந்த தோனியின் சென்னை கிங்ஸ், இம்முறை எழுச்சி பெற காத்திருக்கிறது.
சென்னையில் இன்று நடக்கவுள்ள ஐந்தாவது ஐ.பி.எல்., தொடருக்கான 41வது லீக் போட்டியில், சென்னை சூப்பர் கிங்ஸ் அணி, கோல்கட்டா நைட்ரைடர்ஸ் அணியை எதிர்கொள்கிறது.
கைகொடுப்பாரா டுபிளசிஸ்:
பஞ்சாப் அணிக்கு எதிராக கண்ட தோல்விக்கு, மோசமான பேட்டிங் முக்கிய காரணம். புனே, ராஜஸ்தான் அணிகளுக்கு எதிராக சிறந்த துவக்கம் கொடுத்த டுபிளசிஸ், பத்ரிநாத் ஜோடி, பஞ்சாப் அணியிடம் சோபிக்கவில்லை. இன்று இவர்கள் நல்ல துவக்கம் அளித்தால், பின்வரிசையில் களமிறங்கும் வீரர்கள் அதிரடியாக ரன் சேர்க்கலாம். சுரேஷ் ரெய்னா, ரவிந்திர ஜடேஜா தொடர்ந்து ஏமாற்றி வருவது பின்னடைவான விஷயம். "மிடில்-ஆர்டரில்' கேப்டன் தோனி, டுவைன் பிராவோ, ஆல்பி மார்கல் கைகொடுக்கும் பட்சத்தில், இமாலய இலக்கை அடையலாம்.
மார்கல் நம்பிக்கை:
சென்னை அணியின் வேகப்பந்துவீச்சில் ஆல்பி மார்கல் நம்பிக்கை அளிக்கிறார். பஞ்சாப் அணிக்கு எதிராக மூன்று விக்கெட் வீழ்த்திய இவரது அசத்தல் "பார்ம்' இன்றும் தொடரலாம். இவருக்கு போலிஞ்சர், குலசேகரா, டுவைன் பிராவோ ஒத்துழைப்பு அளிக்கும் பட்சத்தில், சுலப வெற்றி பெறலாம். சொந்த ஊரில் சொதப்பி வரும் சுழற்பந்துவீச்சாளர் அஷ்வின், எழுச்சி கண்டால் நல்லது.
காம்பிர் அபாரம்:
கோல்கட்டா அணியின் பேட்டிங் வரிசை பலமாக உள்ளது. துவக்க வீரராக எழுச்சி கண்ட பிரண்டன் மெக்கலம், தனது "பார்மை' தக்கவைத்துக் கொண்டால் நல்லது. பெங்களூருவுக்கு எதிராக அசத்திய கேப்டன் காம்பிர், இன்றும் ரன் மழை பொழியலாம். "மிடில்-ஆர்டரில்' காலிஸ், யூசுப் பதான், மனோஜ் திவாரி அதிரடி காட்டினால், நல்ல ஸ்கோரை பெறலாம்.
நரைன் எதிர்பார்ப்பு:
பிரட் லீ, பாலாஜி உள்ளிட்ட கோல்கட்டா அணியின் வேகங்கள் சாதிக்கும் பட்சத்தில், சென்னை அணியின் "டாப்-ஆர்டர்' விக்கெட்டை விரைவில் கைப்பற்றலாம். சுனில் நரைன், "சுழல் ஜாலம்' காட்டலாம். பெங்களூருவுக்கு எதிராக துல்லியமாக பந்துவீசிய யூசுப் பதான், இன்றும் அசத்தலாம்.
தோல்வியின் பிடியிலிருந்து எழுச்சி பெற சென்னை கிங்ஸ் அணியும், வெற்றி நடையை தக்கவைத்துக் கொள்ள கோல்கட்டா அணியும் காத்திருப்பதால், போட்டியின் சுவாரஸ்யத்திற்கு பஞ்சமிருக்காது.
எட்டாவது முறை
ஐ.பி.எல்., அரங்கில் சென்னை சூப்பர் கிங்ஸ்-கோல்கட்டா நைட்ரைடர்ஸ் அணிகள் எட்டாவது முறையாக மோத உள்ளன. முன்னதாக மோதிய ஏழு போட்டிகளில் சென்னை 5, கோல்கட்டா 2ல் வெற்றி பெற்றன.

-தினமலர்

சென்னைக்கு இந்த முறை அரைஇறுதி வைப்பு கூட கிடைக்காது என்றே நினைக்க தோன்றுகிறது.

அப்துல் wrote:சென்னைக்கு இந்த முறை அரைஇறுதி வைப்பு கூட கிடைக்காது என்றே நினைக்க தோன்றுகிறது.

சென்னை அணி எப்பொழுதும் அதிரடியாய் அரைஇறுதிகுள் நுழையாது அடித்து பிடித்தோ அடுத்த அணியின் வெற்றி தோல்வியை சார்ந்தோ அல்லது கடைசி லீக் ஆட்டத்தில் அதுவும் கடைசி பந்தில் வெற்றி பெற்று தான் அடுத்த நிலைக்கு செல்லும் அண்ணா...

அடுத்து வரும் 7 இல் 5 இல் ஜெயிச்சாதான் அரை இறுதிக்குள் செல்ல வாய்ப்பிருக்கு. ஜெயிப்பார்கள் என நம்புவோம்.

கோல்கட்டா வெற்றி பெற அதிக வாய்ப்பு உள்ளது . கோல்கட்டா வெற்றி பெரும் ..

அப்துல் wrote:சென்னைக்கு இந்த முறை அரைஇறுதி வைப்பு கூட கிடைக்காது என்றே நினைக்க தோன்றுகிறது.

கொல்கத்தா & டெல்லி அணிகள் இந்த முறை இறுதி போட்டியிக்கு வரவேண்டும் , சென்னை தான் இரண்டு தடவை வேண்டு விட்டார்களே, கடந்த போட்டிகளில் கொல்கத்தா சந்தித்த கசப்பான நினைவுகள் இந்த முறை அகலட்டும், பாவம்