புதுக்கோட்டை தேர்தல் பணிக்கு 32 அமைச்சர்கள் நியமனம் - ஜெயலலிதா

28 அசிசுகூஙீ, 2012




புதுக்கோட்டை சட்டமன்ற தொகுதி இடைத்தேர்தலில் அ.தி.மு.க. தேர்தல் பணிகளை கவனிக்க 32 அமைச்சர்கள் உள்பட 43 பேர் தேர்தல் பணிக்குழு பொறுப்பாளர்களாக நியமிக்கப்பட்டுள்ளதாக முதல்-அமைச்சர் ஜெயலலிதா அறிவித்துள்ளார்.

புதுக்கோட்டை இடைத்தேர்தல்

புதுக்கோட்டை சட்டமன்ற தேர்தலில் இந்திய கம்யூனிஸ்டு கட்சி சார்பில் போட்டியிட்டு வெற்றிபெற்ற முத்துக்குமரன் கடந்த 1-ந் தேதி சாலை விபத்தில் மரணம் அடைந்தார். இதைத்தொடர்ந்து புதுக்கோட்டை தொகுதிக்கு ஜுன் மாதம் 12-ந் தேதி தேர்தல் நடைபெறும் என்று இந்திய தலைமை தேர்தல் கமிஷன் அறிவித்துள்ளது. இதற்கான வேட்பு மனுதாக்கல் மே மாதம் 18-ந் தேதி தொடங்குகிறது. புதுக்கோட்டை சட்டமன்ற தொகுதி இடைத்தேர்தலில் அ.தி.மு.க. வேட்பாளராக வி.ஆர்.கார்த்திக்தொண்டைமான் நிறுத்தப்பட்டுள்ளார்.

கடந்த ஆண்டு நடைபெற்ற சட்டமன்ற தொகுதி இடைத்தேர்தலில் அ.தி.மு.க. கூட்டணியில் தே.மு.தி.க., இந்திய கம்யூனிஸ்டு, மார்க்சிஸ்ட் கம்யூனிஸ்டு, அகில இந்திய சமத்துவ மக்கள் கட்சி உள்ளிட்ட கட்சிகள் இடம்பெற்றிருந்தன. சட்டசபை தேர்தலுக்கு பிறகு நடைபெற்ற உள்ளாட்சி தேர்தல், திருச்சி மேற்கு, சங்கரன்கோவில், இடைத்தேர்தல்களில் அ.தி.மு.க. தனித்து போட்டியிட்டு வெற்றிபெற்றது.

தேர்தல் பணிக்கு 32 அமைச்சர்கள்

நடைபெற உள்ள புதுக்கோட்டை சட்டமன்ற இடைத்தேர்தலில் இந்திய கம்யூனிஸ்டு போட்டியிடவில்லை என்று அந்த கட்சியின் மாநில செயலாளர் தா.பாண்டியன் அறிவித்துள்ளார். இதேபோல மார்க்சிஸ்ட் கம்யூனிஸ்டு கட்சியின் நிலைகுறித்து அடுத்த மாதம் (மே) 6-ந் தேதி நடைபெற உள்ள மாநில செயற்குழு கூட்டத்தில் முடிவு செய்யப்படும் என்று ஜி.ராமகிருஷ்ணன் தெரிவித்துள்ளார். தி.மு.க., தே.மு.தி.க., ம.தி.மு.க. ஆகிய கட்சிகளின் நிலை என்ன என்பது குறித்து இதுவரை அறிவிக்கப்படவில்லை.

இந்த நிலையில் புதுக்கோட்டை இடைத்தேர்தலில் தேர்தல் பணிகளை கவனிக்க அ.தி.மு.க. சார்பில் 32 அமைச்சர்கள் உள்பட 43 பேர் தேர்தல் பொறுப்பாளர்களாக நியமிக்கப்பட்டுள்ளனர்.

இது குறித்து அ.தி.மு.க. பொதுச்செயலாளரும், முதல்-அமைச்சருமான ஜெயலலிதா வெளியிட்டுள்ள அறிக்கையில் கூறியிருப்பதாவது:-

பொறுப்பாளர்கள் நியமனம்

12.6.2012 அன்று நடைபெற உள்ள புதுக்கோட்டை சட்டமன்றத் தொகுதிக்கான

இடைத் தேர்தலை முன்னிட்டு, அ.தி.மு.க. சார்பில் போட்டியிடும் வேட்பாளருக்கு ஆதரவாக தேர்தல் பணிகளை மேற்கொள்ளும் வகையில், தேர்தல் பணிக்குழு பொறுப்பாளர்கள் நியமிக்கப்பட்டுள்ளனர். அவர்கள் விபரம் வருமாறு:-

1. ஓ. பன்னீர்செல்வம். அ.தி.மு.க. பொருளாளர் மற்றும் நிதித் துறை அமைச்சர்.

2. கே.ஏ. செங்கோட்டையன். தலைமை நிலையச் செயலாளர் மற்றும் வருவாய்த் துறை அமைச்சர்.

3. நத்தம் இரா. விசுவநாதன். திண்டுக்கல் மாவட்ட செயலாளர் மற்றும் மின்சாரம், மதுவிலக்கு, ஆயத் தீர்வை துறை அமைச்சர்.

4. கே.பி. முனுசாமி. கிருஷ்ணகிரி மாவட்ட செயலாளர் மற்றும் உள்ளாட்சித் துறை அமைச்சர்.

5. ஆர். வைத்திலிங்கம். தஞ்சாவூர் தெற்கு மாவட்ட செயலாளர் மற்றும் வீட்டு வசதி, நகர்ப்புற வளர்ச்சித் துறை அமைச்சர்.

6. பா. வளர்மதி. அமைப்புச் செயலாளர் மற்றும் சமூக நலத் துறை அமைச்சர்.

7. பி. பழனியப்பன். உயர் கல்வித் துறை அமைச்சர்.

8. சி.வி. சண்முகம். விழுப்புரம் வடக்கு மாவட்ட செயலாளர் மற்றும் வணிகவரி, பத்திரப் பதிவுத் துறை, சட்டம், நீதிமன்றங்கள், சிறைத் துறை அமைச்சர்.

9. செ. தாமோதரன். கோவை புறநகர் மாவட்ட செயலாளர் மற்றும் வேளாண்மைத் துறை அமைச்சர்.

10. செல்லூர் கே. ராஜு. மதுரை மாநகர் மாவட்ட செயலாளர் மற்றும் கூட்டுறவுத் துறை அமைச்சர்.

11. கே.டி பச்சைமால். கன்னியாகுமரி மாவட்ட செயலாளர் மற்றும் வனத் துறை அமைச்சர்.

12. எடப்பாடி கே.பழனிசாமி. சேலம் புறநகர் மாவட்ட செயலாளர் மற்றும் நெடுஞ்சாலைத் துறை அமைச்சர்.

13. ஆர். காமராஜ். திருவாரூர் மாவட்ட செயலாளர். உணவுத் துறை அமைச்சர்.

14. வி. மூர்த்தி. திருவள்ளூர் தெற்கு மாவட்ட செயலாளர் மற்றும் பால்வள மேம்பாட்டுத் துறை அமைச்சர்.

15. எம்.சி. சம்பத். கடலூர் கிழக்கு மாவட்ட செயலாளர் மற்றும் ஊரகத் தொழில், மதிய சத்துணவுத் திட்ட அமைச்சர்.

16. கே.வி. ராமலிங்கம். ஈரோடு மாநகர் மாவட்ட செயலாளர் மற்றும் பொதுப்பணித் துறை அமைச்சர்.

17. டி.கே.எம். சின்னையா. காஞ்சீபுரம் கிழக்கு மாவட்ட செயலாளர் மற்றும் கால்நடை பராமரிப்புத் துறை அமைச்சர்.

18. தங்கமணி. நாமக்கல் மாவட்ட செயலாளர் மற்றும் தொழில் துறை அமைச்சர்.

19. எஸ். சுந்தரராஜ். கைத்தறி, ஜவுளித் துறை அமைச்சர்.

20. பி. செந்தூர்பாண்டியன். திருநெல்வேலி புறநகர் வடக்கு மாவட்ட செயலாளர் மற்றும் கதர், கிராமத் தொழில்கள் துறை அமைச்சர்.

21. எஸ். கோகுல இந்திரா. மகளிர் அணிச் செயலாளர் மற்றும் சுற்றுலாத் துறை அமைச்சர்.

22. பி.வி. ரமணா. திருவள்ளூர் வடக்கு மாவட்ட செயலாளர் மற்றும் சுற்றுச் சூழல் துறை அமைச்சர்.

23. ந. சுப்பிரமணியன். ஆதிதிராவிடர், பழங்குடியினர் நலத் துறை அமைச்சர்.

24. வி. செந்தில்பாலாஜி. கரூர் மாவட்ட செயலாளர் மற்றும் போக்குவரத்துத் துறை அமைச்சர்.

25. கே.ஏ. ஜெயபால். நாகப்பட்டினம் மாவட்ட செயலாளர் மற்றும் மீன்ளத் துறை அமைச்சர்.

26. என்.ஆர். சிவபதி. திருச்சி புறநகர் மாவட்ட செயலாளர் மற்றும் பள்ளிக் கல்வி, விளையாட்டு, இளைஞர் நலத் துறை அமைச்சர்.

27. முக்கூர் என். சுப்பிரமணியன். திருவண்ணாமலை வடக்கு மாவட்ட செயலாளர் மற்றும் தகவல் தொழில்நுட்பத் துறை அமைச்சர்.

28. கே.டி. ராஜேந்திர பாலாஜி. விருதுநகர் மாவட்ட செயலாளர் மற்றும் செய்தி மற்றும் சிறப்புத் திட்டங்கள் செயலாக்கத் துறை அமைச்சர்.

29. சி.த. செல்லப்பாண்டியன். தூத்துக்குடி மாவட்ட செயலாளர் மற்றும் தொழிலாளர் நலத் துறை அமைச்சர்.

30. வி.எஸ். விஜய். மாநகர் மாவட்ட செயலாளர் மற்றும் மக்கள் நல்வாழ்வுத் துறை அமைச்சர்.

31. அ. முஹம்மத்ஜான். பிற்படுத்தப்பட்டோர் மற்றும் சிறுபான்மையினர் நலத் துறை அமைச்சர்.

32. எம்.எஸ்.எம். ஆனந்தன். திருப்பூர் மாநகர் மாவட்ட செயலாளர் மற்றும் இந்து சமய அறநிலையத் துறை அமைச்சர்.

33. பி.எச். பாண்டியன். அமைப்புச் செயலாளர்.

34. அ. தமிழ்மகன் உசேன். அனைத்துலக எம்.ஜி.ஆர். மன்றச் செயலாளர்.

35. பொள்ளாச்சி ஏ. ஜெயராமன், எம்.எல்.ஏ.. தேர்தல் பிரிவுச் செயலாளர்.

36. டி.ஆர். அன்பழகன். ஜெயலலிதா பேரவைச் செயலாளர்.

37. ஆர். சின்னசாமி, எம்.எல்.ஏ. அண்ணா தொழிற்சங்கப் பேரவை செயலாளர்.

38. ஆர்.பி. உதயகுமார், எம்.எல்.ஏ. எம்.ஜி.ஆர். இளைஞர் அணிச் செயலாளர்.

39. எஸ். சரவணபெருமாள். மாணவர் அணிச் செயலாளர்.

40. அ. அன்வர்ராஜா. சிறுபான்மையினர் நலப் பிரிவுச் செயலாளர்.

41. வைகைச்செல்வன், எம்.எல்.ஏ. இளைஞர் பாசறை, இளம் பெண்கள் பாசறை செயலாளர்.

42. கு.ப. கிருஷ்ணன், எம்.எல்.ஏ. ஆலங்குடி சட்டமன்றத் தொகுதி.

43. ஆர்.எஸ். ராஜகண்ணப்பன். முன்னாள் அமைச்சர்.

அ.தி.மு.க. நிர்வாகிகளும், கழக உடன்பிறப்புகளும், தேர்தல் பணிக்குழு பொறுப்பாளர்களுக்கு முழு ஒத்துழைப்பு நல்கி சிறப்பான முறையில் தேர்தல் பணியாற்றி, அ.தி.மு.க. வேட்பாளரின் வெற்றிக்கு பாடுபட வேண்டும் என்று கேட்டுக் கொள்கிறேன்.

இவ்வாறு முதல்-அமைச்சர் ஜெயலலிதா கூறியுள்ளார்.

தினத்தந்தி

32 ஜெயாவின் ஏவலர்கள் அல்லது அவர் வீட்டு வேலைக்காரர்கள் நியமனம் என்பதுதான் பொருத்தமாக இருக்கும்

அம்மா உங்களுக்கு கால் அமுக்க கை அமுக்க ஆளிருக்கா? எல்லாரயும் அங்க அனுப்பிட்டீங்களே.

அசந்தா உங்களையே அமுக்க உடன் பிறவா சகோதரி இருக்காங்க - மறந்துடாதீங்க.

இதெல்லாம் ஒரு பொழப்பு.