ஐ.பி.எல்- 5 வெல்வது யார்???

சென்னை: நடப்பு ஐ.பி.எல்.5வது தொடரில் லீக் போட்டிகளில் தட்டுத் தடுமாறி இறுதிப் போட்டி வரை கரைசேர்ந்துவிட்ட சென்னை சூப்பர் கிங்ஸ் அணி எப்படியும் கோப்பையைத் தட்டிச் செல்லும் என்று திடமாக நம்பிக் கொண்டிருக்கின்றனர் அதன் ரசிகர்கள்.

இறுதிப் போட்டியில் சென்னை சூப்பர்கிங்ஸ் அணி வெல்லுமேயானால் அந்த அணிக்கு டபுள் ஹாட்ரிக். அதாவது தகுதிச் சுற்றுப் போட்டிகள் மற்றும் இறுதிப் போட்டியில் வென்ற மகிழ்ச்சி ஒருபுறம்.. மூன்றாம் ஆண்டாக ஐ.பி.எல். கோப்பையை தக்க வைத்துக் கொள்ளும் ஹாட்ரிக் மகிழ்ச்சி மறுபுறம்..

எல்லாம் சரிதான்..சென்னை சூப்பர்கிங்ஸ் அணி வெல்லும்தான்.. ஆனால் கொல்கத்தா நைட் ரைடர்ஸின் நரீன் இருக்கும் வரையில் கொஞ்சம் கஷ்டம்தான் என்பதுதான் விளையாட்டு விமர்சக்ர்களின் ஒருமித்த கருத்தாக இருந்து வருகிறது.

கொல்கத்தா நைட் ரைடர்ஸ் அணியின் கவுதம் காம்பீரும் நரீனும் செமத்தியாக ஆட்டம் போட்டால் சென்னை சூப்பர்கிங்ஸ் சுருண்டுதான் போகனும் என்பதுதான் யதார்த்தம். கடந்த ஐ.பி.எல். போட்டிகளை ஒப்பிடுகையில் கொல்கத்தா அணி செம வலுவாக எழுந்து நிற்கிறது.

டெல்லி டேர்டெவில்ஸ் அணிக்கு எதிராக ரொம்ப ஈஸியாக 200 ரன்களைத் தட்டிவிட்ட மாதிரி எல்லாம் கொல்கத்தா நைட் ரைடர்ஸிடம் போக்கு காட்ட முடியாது.

கவுதம் காம்பீர், நரீன் இல்லமல் லஷ்மிபதி பாலாஜி, காலிஸ், பாட்டியால், ஷாகிப் அலி ஹசன் ஆகியோரது கைவண்ணமும் காத்திருக்கிறது.

சென்னை சூப்பர் கிங்ஸ் அணியின் கேப்டன் டோனி எப்பவுமே அமைதியாத்தான் இருப்பார். ஆனால் சாதித்துவிடுவார். உலகக் கோப்பை இறுதிப் போட்டியிலும் கூட இப்படித்தான் ஆடினார் டோனி.. அதே பார்முலாவைத்தான் ஐ.பி.எல்.-லும் டோனி கடைபிடிக்கிறார்.

அதே நேரத்தில் கவுதம் காம்பீரையும் லேசாக எடைபோட்டுவிட முடியாது. நிச்சயம் நாளைய போட்டியில் இரண்டு அணிகளுமே ரவுசு கட்டி ஆடத்தான் செய்யும்..