ஐ.பி.எல்- 5 வெல்வது யார்???

First topic message reminder :




ஐ.பி.எல் போட்டிகள் விறுவிறுப்பாக நடைபெற்று கொண்டிருக்கிறது. இதில் யார் கோப்பையை வெல்வார்கள் என்று பார்ப்போம்.

எந்த அணி இம்முறை கோப்பையை வெல்லும் என்று நீங்கள் எதிர்பார்க்கிறீர்கள் .. வாக்களிக்க தவறாதீர்கள்..

போட்டியின் ஸ்கோரை உடனுக்குடன் அறிந்துகொள்ள

நேரலையாக காண

Points Table காண

இன்று நடக்கவிருக்கும் போட்டியில் வெற்றி பெறும் அணி யார் என்பது அவ்வளவு எளிதாக சொல்லமுடியாது. இரண்டுமே வலுவான அணிதான். ஆனால் பெங்களூரு அணியில் பேட்டிங் வலுவாக இருந்தாலும் பவுலிங் சற்று மோசமாகத்தான் இருக்கிறது. மும்பை அணியில் பேட்டிங் சற்று மோசமாக இருந்தாலும் பவுலிங் சற்று கை கொடுக்கிறது. சமபலத்தில் உள்ள இரண்டு அணிகளும் மோதும் போது திறமையை நிரூபிக்கும் அணியே கடைசியில் வெற்றி பெறுகிறது........

நமது அணி ஜெயிக்க வேண்டுமென்று வாழ்த்துவோம் வாருங்கள்...........

பெங்களூரு டாஸ் வென்று பவுலிங் தேர்வு செய்துள்ளது.

பெங்களூரு வெற்றி

சென்னை அணிக்கு அக்னிப்பரீட்சை! * இன்று ராஜஸ்தானுடன் மோதல்:


ஜெய்ப்பூரில் இன்று நடக்கும் ஐ.பி.எல்., லீக் போட்டியில் சென்னை சூப்பர் கிங்ஸ், ராஜஸ்தான் ராயல்ஸ் அணிகள் மோதுகின்றன. "பிளே-ஆப்' சுற்று வாய்ப்பை தக்க வைத்துக் கொள்ள, இப்போட்டியில் வென்றாக வேண்டிய கட்டாயத்தில் சென்னை அணி களமிறங்குகிறது.

சென்னை அணியை பொறுத்தவரை "பினிஷிங்' தான் சரியில்லை. கடைசி ஓவரில் வெற்றியை கோட்டைவிடுவது வாடிக்கையாக உள்ளது. "பேட்டிங்' வரிசையில் திறமையான பேட்ஸ்மேன்கள் இருந்த போதும், "டுவென்டி-20' போட்டிக்கு ஏற்ப அதிரடியாக ரன் சேர்க்க தவறுகின்றனர். முதல் 6 ஓவர்களில் டுபிளசி-முரளி விஜய் சேர்ந்து மின்னல் வேகத்தில் ரன் குவிக்க வேண்டும். ரெய்னா அதிக நேரம் விளையாடுவது அவசியம். "மிடில்-ஆர்டரில்' கேப்டன் தோனி, டுவைன் பிராவோ, பத்ரிநாத், ஆல்பி மார்கல், ரவிந்திர ஜடேஜா உள்ளிட்டோர் பொறுப்பாக ஆடும் பட்சத்தில், வலுவான ஸ்கோரை எட்டலாம்.

சொதப்பும் "சுழல்':
கடந்த ஐ.பி.எல்., தொடர்களில் சென்னை அணியின் மிகப் பெரிய பலமாக சுழற்பந்துவீச்சு இருந்தது. இம்முறை அஷ்வின், ஜகாதி உள்ளிட்டோர் எதிரணியின் விக்கெட்டுகளை விரைவாக வீழ்த்த முடியாமல் திணறுகின்றனர். வேகத்தில் போலிஞ்சர், ஆல்பி மார்கல் பெரிய அளவில் சாதிக்கவில்லை. ஹில்பெனாஸ் வருகையும் பலன் அளிக்கவில்லை. மும்பைக்கு எதிராக கடைசி ஓவரில் சொதப்பிய இவர், சுதாரித்துக் கொண்டால் நல்லது. ஒட்டுமொத்தமாக பந்துவீச்சு படை எழுச்சி கண்டால், சுலப வெற்றி பெறலாம்.

சொந்த மண் சாதகம்:
சென்னை அணியை போல ராஜஸ்தானும் "பிளே-ஆப்' சுற்றுக்கு தகுதி பெற மீதமுள்ள நான்கு போட்டிகளில் வெற்றி பெற வேண்டிய கட்டாயத்தில் உள்ளது. இன்று சொந்த மண்ணில் விளையாடுவது கூடுதல் பலம். ராஜஸ்தான் அணிக்கு கேப்டன் டிராவிட், ரகானே ஜோடி சிறந்த துவக்கம் அளிப்பது பலம். வாட்சன் வருகையால் அணியின் "பேட்டிங்' பலமடைந்துள்ளது. புனே அணிக்கு எதிராக அதிரடியாக 90 ரன்கள் விளாசிய இவரது அசத்தல் "பார்ம்' இன்றும் தொடர்ந்தால், சென்னைக்கு சிக்கல் ஏற்படலாம். "மிடில்-ஆர்டரில்' மனேரியா, ஓவைஸ் ஷா, பிராட் ஹாட்ஜ் கைகொடுக்கின்றனர்.

டெய்ட் நம்பிக்கை:
ஷான் டெய்ட், ஷேன் வாட்சன் சரியான நேரத்தில் இணைந்து வேகப்பந்துவீச்சில் நம்பிக்கை அளிக்கின்றனர். இவர்களுக்கு திரிவேதி, ஸ்டூவர்ட் பின்னி ஒத்துழைப்பு தந்தால் நல்லது. சுழலில் பிராட் ஹாட்ஜ், ஜோகன் போத்தா ஆறுதல் அளிக்கின்றனர்.

சென்னை ஆதிக்கம்
ஐ.பி.எல்., அரங்கில் சென்னை-ராஜஸ்தான் அணிகள் பத்து முறை மோதி உள்ளன. இதில் சென்னை 6, ராஜஸ்தான் 4 போட்டியில் வெற்றி பெற்றன. இத்தொடரில் முன்னதாக சேப்பாக்கம் மைதானத்தில் நடந்த போட்டியில் சென்னை அணி 7 விக்கெட் வித்தியாசத்தில் ராஜஸ்தானை வீழ்த்தியது.

டில்லியை சமாளிக்குமா டெக்கான்
ஐதராபாத்: ஐதராபாத்தில் இன்று நடைபெறவுள்ள ஐந்தாவது ஐ.பி.எல்.,தொடரின் 55வது லீக் போட்டியில் டில்லி, டெக்கான் அணிகள் மோதுகின்றன.
புள்ளிப்பட்டியலில் கடைசி இடத்தில் <உள்ள டெக்கான் அணி "பிளே-ஆப்' வாய்ப்பை இழந்து விட்டது. டில்லி அணி "பிளே-ஆப்' சுற்றுக்கு ஏற்கனவே தகுதி பெற்று விட்டது.
அதிக முக்கியத்துவம் இல்லாத இப்போட்டியில் டெக்கான் அணிக்கு கேப்டன் சங்ககரா, கேமரான் ஒயிட், டேனியல் ஹாரிஸ், அக்ஷாத் ஆகியோரின் அதிரடி தொடர வேண்டும். ஆஷிஷ் "விக்கெட்' வேட்டை இன்றும் கைகொடுக்கலாம். டில்லி அணிக்கு கேப்டன் சேவக்கின் அதிரடி தொடர வேண்டும். வார்னர், ஜெயவர்தனாவின் நிலையான விளையாட்டும் கைகொடுக்கும். இர்பான் இன்னும் சிறப்பான ஆட்டத்தை வெளிப்படுத்த வேண்டும். பவுலிங்கில் மார்னே மார்கல், உமேஷ் கைகொடுத்தால் அணியை விரைவில் வெற்றி அடைய செய்யலாம்.

தினமலர்

டெக்கான் அணி ஆரம்பத்தில் சற்று மந்தமாகத்தான் விளையாடி வருகிறது.......

50 ஓவர் போட்டின்னு நினைச்சுட்டாங்க போல

அட அடிங்கப்பா........

Manik wrote:டெக்கான் அணி ஆரம்பத்தில் சற்று மந்தமாகத்தான் விளையாடி வருகிறது.......

50 ஓவர் போட்டின்னு நினைச்சுட்டாங்க போல

அட அடிங்கப்பா........

இது கொஞ்சமும் முக்கியத்துவம் இல்லாத போட்டி ..

வை.பாலாஜி wrote:

Manik wrote:டெக்கான் அணி ஆரம்பத்தில் சற்று மந்தமாகத்தான் விளையாடி வருகிறது.......

50 ஓவர் போட்டின்னு நினைச்சுட்டாங்க போல

அட அடிங்கப்பா........

இது கொஞ்சமும் முக்கியத்துவம் இல்லாத போட்டி ..

டெல்லி அணிக்கு இது முதல் இடம் பிடிக்க தேவையான போட்டி..