"ஒயிட்னர்' மூலம் போதை ஏற்றும் மாணவர்கள்"

balakarthik · balakarthik Sat Apr 28, 2012 2:13 pm

First topic message reminder :

வத்திராயிருப்பில் பள்ளி மாணவர்களிடையே வேகமாக பரவி வரும் நூதன போதை கலாசாரத்தால் பெற்றோர்கள் அதிர்ச்சியில் உள்ளனர். குக்கிராமங்களிலும் டாஸ்மாக் ஒயின்ஷாப்கள் திறக்கப்பட்டதால், பெரும்பாலான இளைஞர்கள் குடிப்பழக்கத்திற்கு ஆளாகி உள்ளனர். பள்ளி மாணவர்களை கூட இப்பழக்கம் தொற்றி உள்ளது. இது மட்டுமன்றி "ஒயிட்னர்' மூலம் போதை ஏற்றும் ஒரு நூதன போதை கலாசாரமும் தற்போது பள்ளி மாணவர்களிடையே வேகமாக பரவி வருகிறது. இதன் பழக்கத்தில் வத்திராயிருப்பு பகுதி பள்ளி மாணவர்கள் சிலர் ஈடுபட்டு வருவது, பெற்றோர்களிடையே அச்சத்தை ஏற்படுத்தி உள்ளது. பைல், பேப்பர்களில் எழுதும்போது, தட்டச்சு செய்யும்போது தவறு ஏற்பட்டால் ,அதை "ஒய்ட்னர்' எனப்படும் ரசாயனக்கலவையிலான மையைக்கொண்டு அழித்து எழுதுவர். இது அனைத்து ஸ்டேஷனரி கடைகளிலும் கிடைக்கிறது. இதில் இருபாட்டில்கள் உள்ளன.

ஒருபாட்டிலில் வெள்ளைநிற பசை, மற்றொரு பாட்டிலில் ஆல்கஹால் கலந்த "ஸ்பிரிட்' உள்ளன. இதை வாங்கும் மாணவர்கள், தண்ணீர் பாக்கெட் வாங்கி அதன் நீரை வெளியேற்றி, ,காலி பாக்கெட்டில் ஒய்ட்னர் கலவைகளை ஊற்றுகின்றனர். அதை மூடி கையால் வேகமாக தேய்க்கின்றனர். இதில் பாலிதீன் பை உப்பி பெரிதாகுகிறது. பின்னர் பாக்கெட்டை திறந்து அதில் உருவாகும் ரசாயன வாயுவை ,மூக்கு மற்றும் வாய்க்கு நேராக வைத்து வேகமாக உறிஞ்சுகின்றனர். ஒருசில விநாடிகளிலே போதை தலைக்கு ஏற, மயங்கி சாய்கின்றனர். பின்னர் சகமாணவர்கள் எடுத்து, அதேபோல தேய்த்து உறிஞ்சுகின்றனர். ஒரு ஒய்ட்னரை நான்கைந்து பேர் வரை பயன்படுத்துகின்றனர். குறைந்த செலவில் கிடைப்பதாலும், கடைகளில் சிரமமின்றி வாங்க முடிவதாலும், இதையே அதிகம் தேர்ந்தெடுக்கின்றனர். குறிப்பிட்ட பகுதி என்றில்லாமல் பல பகுதி மாணவர்களிடையே இது வேகமாக பரவுகிறது.

கடந்த இரு வாரம் முன் வத்திராயிருப்பில் ஒரே பள்ளியில் படிக்கும் பிளஸ் 1 மற்றும் பத்தாம் வகுப்பு மாணவர்கள் 10 பேர், ஊருக்கு ஒதுக்குப்புறமாக அமைந்த மாதரசியம்மன் கோயில் வளாகத்தில் ,இந்த நூதன போதை பழக்கத்தில் ஈடுபட்டனர். தகவலறிந்த போலீசார் அப்பகுதி சென்று பிடித்தனர். அதில் 7 பேர் போதையில் மயங்கி கிடந்தனர். மற்ற மூவர் தப்பினர். பிடிபட்டவர்களை போலீசார் விசாரித்ததில் அனைவரும் மேலப்பாளையம் பகுதியை சேர்ந்தவர்கள் என்பது தெரியவந்தது. மாட்டிய அவர்கள் போதை தெளிந்து, போலீசார் காலில் விழுந்து கதற, கடும் எச்சரிக்கைக்கு பின் விடுவித்தனர். இச் சம்பவத்தால் மாணவர்களின் பெற்றோர்கள் அதிர்ச்சியில் உள்ளனர்.
வத்திராயிருப்பு இன்ஸ்பெக்டர் நாகராஜன் கூறுகையில்,"" போதையில் சிக்கியமாணவர்கள் பொதுத்தேர்வு எழுத உள்ளதாலும், அவர்களின் எதிர்காலம் பாதிக்கக்கூடாது என்பதற்க்காக எச்சரித்து அனுப்பப்பட்டனர். கடைகளில் "ஒய்ட்னர்' கேட்டு மாணவர்கள் வந்தால் வழங்கக்கூடாது என அனைத்து கடைக்காரர்களிடமும் அறிவுறுத்தியுள்ளோம்,''என்றார்.

நன்றி:- தினமலர்

balakarthik · balakarthik Sun Apr 29, 2012 12:49 pm

ராஜா wrote:
ராஜ்அருண் wrote: விஞ்ஞானிகள் தான்

தலைக்கு ஒரு அமிர்த்தாஞ்சானும் பிரெட்டு பாக்கெட்டும் பார்சல்

**Aathira** · **Aathira** Sun Apr 29, 2012 4:57 pm

இதைக் காலையிலேயே படித்தேன். கருத்திட மனமில்லாமல் திரும்பிவிட்டேன். கலி காலம்.. அநியாயம்

balakarthik · balakarthik Sun Apr 29, 2012 4:58 pm

Aathira wrote:இதைக் காலையிலேயே படித்தேன். கருத்திட மனமில்லாமல் திரும்பிவிட்டேன். கலி காலம்..

திருவாதிரை கலியா

யினியவன் · யினியவன் Sun Apr 29, 2012 5:00 pm

balakarthik wrote:
Aathira wrote:இதைக் காலையிலேயே படித்தேன். கருத்திட மனமில்லாமல் திரும்பிவிட்டேன். கலி காலம்..

திருவாதிரை கலியா

பின்ன அவங்க என்ன நானா - புழல் களி சாப்பிட?

balakarthik · balakarthik Sun Apr 29, 2012 5:02 pm

கொலவெறி wrote:
balakarthik wrote:
Aathira wrote:இதைக் காலையிலேயே படித்தேன். கருத்திட மனமில்லாமல் திரும்பிவிட்டேன். கலி காலம்..

திருவாதிரை கலியா
பின்ன அவங்க என்ன நானா - புழல் களி சாப்பிட?

நானா நா பிதாஜித்தானே

Sponsored content · Sponsored content

"ஒயிட்னர்' மூலம் போதை ஏற்றும் மாணவர்கள்"

"ஒயிட்னர்' மூலம் போதை ஏற்றும் மாணவர்கள்"

Re: "ஒயிட்னர்' மூலம் போதை ஏற்றும் மாணவர்கள்"

Re: "ஒயிட்னர்' மூலம் போதை ஏற்றும் மாணவர்கள்"

Re: "ஒயிட்னர்' மூலம் போதை ஏற்றும் மாணவர்கள்"

Re: "ஒயிட்னர்' மூலம் போதை ஏற்றும் மாணவர்கள்"

Re: "ஒயிட்னர்' மூலம் போதை ஏற்றும் மாணவர்கள்"

Re: "ஒயிட்னர்' மூலம் போதை ஏற்றும் மாணவர்கள்"

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக