குறைந்த தண்டனை கொடுங்கள் பங்காருக்கு ’ - சிறப்பு கோர்ட்டில் வக்கீல் கெஞ்சினார்

**பிரசன்னா** · **பிரசன்னா** Sat Apr 28, 2012 12:18 pm

புதுடில்லி: தெகல்ஹா நிறுவனம் விரித்த வலையில் சிக்கி ஒரு லட்சம் லஞ்சம் வாங்கிய பா.ஜ.,வின் முன்னாள் தலைவர் பங்காரு லட்மணனுக்கு இன்று என்ன தண்டனை வழங்குவது என கோர்ட் முடிவு செய்கிறது. இதற்கென காலையில் பங்காரு கோர்ட்டில் ஆஜர்படுத்தப்பட்டார். இந்நேரத்தில் இவரது வக்கீல் வாதிடுகையில் ; எமது கட்சிக்காரர் இருதய நோயாளி, பைபாஸ் சர்ஜரி செய்துள்ளார். நீரிழிவு நோயாளியும் கூட. எனவே இவருக்கு குறைந்த பட்ச தண்டனை வழங்குமாறு நீதிபதியிடம் முறையிட்டார். ஆனால் சி.பி.ஐ., இவருக்கு அதிகப்பட்சமாக 5 ஆண்டு சிறை வழங்க வேண்டும் என வாதிட்டார். இதனை கேட்ட நீதிபதி மதியம் 2.30 மணிக்கு தீர்ப்பளிப்பதாக கூறினார்.

முன்னதாக நேற்று இவர் குற்றவாளி தான் என அறிவிக்கப்பட்டதும் , ஜாமினில் விடாமல் திகார் சிறையில் அடைக்கப்பட்டார். இன்று வரும் தீர்ப்பு பா.ஜ., வுக்கு தலைக்குனிவு ஏற்படுத்தும் என அரசியல் விமர்சகர்கள் கூறியுள்ளனர். ஆனாலும் இது எங்களை பாதிக்ககாது என இந்த கட்சி தெரிவித்துள்ளது.

கடந்த 2001ல் பா.ஜ., தலைவராகவும், மத்திய அமைச்சராகவும் இருந்தவர் பங்காரு லட்சுமண்( வயது 72 ) . தெகல்ஹா என்ற இணையதளத்தைச் சேர்ந்த சிலர், தங்களை பிரிட்டனின் ஆயுதத் தயாரிப்பு நிறுவனமான, "வெஸ்ட் என்ட் இன்டர்நேஷனல்' நிறுவனத்தின் பிரதிநிதிகள் எனக் கூறி, அப்போது பங்காரு லட்சுமணை அணுகினர். டில்லியில் உள்ள பா.ஜ., தலைமை அலுவலகத்தில், பங்காருவை இவர்கள் சந்தித்தனர். அப்போது, "எங்கள் நிறுவனத்தால் அதிநவீன பைனாகுலர்கள் தயாரிக்கப்பட்டுள்ளன. இவற்றை இந்திய ராணுவப் பயன்பாட்டுக்கு வாங்கும்படி, ராணுவ அமைச்சகத்துக்கு பரிந்துரைக்க வேண்டும்' என, பொய்யாகக் கூறினார். இதை நம்பிய பங்காரு லட்சுமண், இதற்காக அவர்களிடம் இருந்து 1 லட்சம் ரூபாய் லஞ்சமாக பெற்றுக் கொண்டார்.இது வீடியோவிலும் பதிவு செய்யப்பட்டது. இந்தவிகாரம் பார்லி.,யில் பெரும் புயலை கிளப்பியது. இது தொடர்பாக லஞ்சம் மற்றும் ஊழல் தடுப்பு பிரிவின் கீழ் சி.பி.ஐ.,வழக்குப்பதிவு செய்து விசாரணை நடத்தியது.

இந்த வழக்கில் சிறப்பு கோர்ட் நேற்று பங்காரு குற்றவாளி என தீர்ப்பளித்தது. நீதிபதி சன்வால் ஷீட் ஆரோரா இவருக்கான தண்டனை விவரத்தை இன்று மதியம் 2.30 மணிக்கு அறிவிக்கிறார்.

தெகல்ஹா என்ன சொல்கிறது ? : இது குறித்து தெகல்ஹா நிறுவன செய்தி நிருபர் அனிரூதாபஹல் கூறுகையில்; யாரையும் பழிதீர்க்க வேண்டும் என்றோ , யாரையும் களங்கப்படுத்த வேண்டும் என்றோ எங்களுக்கு நோக்கம் இல்லை. பொதுவாழ்வில் ஈடுபடுவோர் எப்படி இருக்கிறார்கள் என்பதை மக்களுக்கு தெரியப்படுத்தவே இவ்வாறு ஒரு ஆபரேஷனில் ஈடுபட்டோம் என்றார்.

பா.ஜ., இது அவரது சொந்த நடவடிக்கைக்கு கிடைத்த பரிசு, கட்சிக்கு அவப்பெயர் ஏற்படாது என கூறியுள்ளது. குறுகிய காலமே அவர் தலைவர் பதவியில் இருந்தார். இந்த காலத்தை வைத்து பா.ஜ.,வை குறை கூறுவது நியாயமாக இருக்காது என இக்கட்சியின் செய்திதொடர்பாளர் கூறியுள்ளார்.

தினமலர்

**கேசவன்** · **கேசவன்** Sat Apr 28, 2012 12:21 pm

ஹர்ஷித் · ஹர்ஷித் Sat Apr 28, 2012 1:08 pm

2001-இல் தப்பு செய்தவரை 2012-இல் தண்டிப்பதே தப்பு.,இதுல சட்டம் இன்னொரு தவறையும் செய்ய கூடாது.,

Sponsored content · Sponsored content

குறைந்த தண்டனை கொடுங்கள் பங்காருக்கு ’ - சிறப்பு கோர்ட்டில் வக்கீல் கெஞ்சினார்

குறைந்த தண்டனை கொடுங்கள் பங்காருக்கு ’ - சிறப்பு கோர்ட்டில் வக்கீல் கெஞ்சினார்

Re: குறைந்த தண்டனை கொடுங்கள் பங்காருக்கு ’ - சிறப்பு கோர்ட்டில் வக்கீல் கெஞ்சினார்

Re: குறைந்த தண்டனை கொடுங்கள் பங்காருக்கு ’ - சிறப்பு கோர்ட்டில் வக்கீல் கெஞ்சினார்

Re: குறைந்த தண்டனை கொடுங்கள் பங்காருக்கு ’ - சிறப்பு கோர்ட்டில் வக்கீல் கெஞ்சினார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக