தொலைத்தவையும் தேடுபவையும்..

முஹைதீன் · முஹைதீன் Wed Apr 25, 2012 10:35 pm

உரஞ்சிக் கல்

முன்பு விவசாய தேவைகளுக்காக பயன்படுத்தப்பட்ட மாடுகள் வெளி இடங்களுக்கு சென்று நீரருந்தி, புல் மேய்ந்து வரும்போது உடலை எதனோடாவது உராய்ந்து ஆசுவாசப்படுத்தி கொள்ளும். அதற்காக மக்களால் அமைக்கப்பட்ட கல்லையே ஆ உரஞ்சிக்கல் என்பர்கள். இவை குளங்கள், வாய்க்கால் அருகே அமைக்கப்பட்டதாக கூறுவர். இன்று அதன் எஞ்சிய பகுதிகளை கூட காண்பது அரிதாக காணப்படுகிறது.
தொலைத்தவையும் தேடுபவையும்.. Sam0008d

முஹைதீன் · முஹைதீன் Wed Apr 25, 2012 10:36 pm

சுமைதாங்கி

மூடைகளை தூக்கி செல்லுவோர் தம் முதுகிலோ தலையிலோ இருக்கும் மூடையை இறக்கி வைத்து தங்களை ஆசுவாசப்படுத்தி கொள்ள அமைக்கப்பட்ட கல்மேடையே சுமை தாங்கி எனப்படும். தலை அல்லது முதுகின் உயரத்திற்கு இவை அமைக்கப்பட்டிருக்கும். இவை குறிப்பிட்ட சில தூர இடைவெளியில் அமைக்கப்பட்டிருந்தன. இவற்றில் பல அழிவடைந்து விட்டன. சில இன்றும் கவனிப்பாரின்றி அழிந்துகொண்டிருக்கின்றன. இச்சுமைதாங்கிகள் இறந்தவர்களது நினைவாகவும் அமைக்கப்படுவதாகவும் கூறப்படுகின்றன.
தொலைத்தவையும் தேடுபவையும்.. Sam0009ls

முஹைதீன் · முஹைதீன் Wed Apr 25, 2012 10:38 pm

துலா

இன்று மோட்டார் பம்பி மூலம் பைப்பில் வரும் நீரை பெறும் எமக்கு அன்று தண்ணீர் பெற நம் மக்கள் செய்த வழிகள் பல வியப்பையே தருகின்றன. அவற்றில் முக்கியமானது துலா ஆகும்.

பலமான இரு மரங்களை அருகருகே நட்டு அதன் மேலே தென்னை அல்லது பனை மரம் மூலம் நீண்ட துலாக்கள் தயாரித்து அதில் சமநிலை ஏற்படும் அளவுப்பிரமாணத்தில் இரு மரங்களிடையே பிணைப்பர். கிணற்றிலிருந்து தண்ணீரை ஏந்துவதற்கு பட்டை பயன்படுத்துவார்கள்.
தொலைத்தவையும் தேடுபவையும்.. Thula2

துலாவை மேலேயும் கீழேயும் பதிக்க துலா மிதிப்பாளர்களும் காணப்படுவர். பட்டை நீண்ட நேரம் நீரில் இருக்கக்கூடாது. எனவே நீர் பெற்றதும் பட்டையை காய வைப்பார்கள். இன்றும் சில கோயில்களில் துலா காணப்படுகிறது. இன்று துலா மிதிப்பாளர்களுக்கு பதிலாக கல் போன்ற பாரமான பொரும் பயன்படுகிறது. பட்டைக்கு பதிலாக வாளி பயன்படுத்துகிறார்கள்.

முஹைதீன் · முஹைதீன் Wed Apr 25, 2012 10:40 pm

சூத்திர கிணறு
தொலைத்தவையும் தேடுபவையும்.. Suuz

இயந்திரங்களின் பாவனை அறிமுகமான பின் துலாக்களின் பாவனை குறைந்து சூத்திர கிணற்றின் பாவனை கையாளப்பட்டது. கிணற்றின் குறுக்கே இரும்பு பாலம் போட்டு அதில் பற்கள் கொண்ட சக்கரம் காணப்படும். அச்சக்கரத்தில் இருந்து வாளிகளை கொண்ட சங்கிலி கிணற்றுக்குள் செல்லும். மேல் சக்கரத்தில் இணைக்கப்பட்டிருக்கும் நெம்பில் நுகம் பொருத்தி மாடுகளை கொண்டு சுற்றுவார்கள். மாடுகள் கிணற்றை சுற்றி வர அதில் பொருத்தப்பட்டிருக்கும் நுகம் மூலம் சக்கரம் சுற்றப்பட்டு வாளிகள் மூலம் நீர் மேலே கொணரப்படும்.
தொலைத்தவையும் தேடுபவையும்.. 67997062

முஹைதீன் · முஹைதீன் Wed Apr 25, 2012 10:42 pm

சங்கடன் படலை
தொலைத்தவையும் தேடுபவையும்.. Sankadampadalai

தமிழர்களின் விருந்தோம்பலின் சிறப்பை வெளிப்படுத்தும் சிறந்த படைப்பாக எஞ்சியிருப்பது சங்கடன் படலை ஆகும். வீடுகளின் படலைக்கு மேலாக கூரை எழுப்பி அதன் நிழலில் தூர இடங்களில் இருந்து வருபவர்கள் இளைப்பாறும் வகையில் குந்துகள் அமைக்கப்பட்டிருப்பது சங்கடன் படலை எனப்படும். இங்கு மண்பாத்திரங்களில் நீரும் வைக்கப்பட்டிருந்ததாக முதியோர்கள் கூறுகின்றனர். இவை நம் மக்களின் விருந்தோம்பல் பண்பை எடுத்துக்காட்டும் எச்சங்களாக இன்றும் காணப்படுகின்றன.
தொலைத்தவையும் தேடுபவையும்.. Sankadanpadalai1

தொலைத்தவையும் தேடுபவையும்.. Sankadanpadalai1

http://ssharshan.blogspot.com/2012/04/blog-post_25.html

யினியவன் · யினியவன் Wed Apr 25, 2012 10:43 pm

அந்தக் காலத்திலேயே எத்தனை கண்டுபிடிப்புகள் - தொலைத்து விட்டுத் தான் தேடுவதை வழக்கமாக்கிக் கொண்டு விட்டோமே.

பகிர்வுக்கு நன்றி முகைதீன்.

சார்லஸ் mc · சார்லஸ் mc Thu Apr 26, 2012 6:48 am

**சிவா** · **சிவா** Thu Apr 26, 2012 8:14 am

முஹைதீன் wrote:இச்சுமைதாங்கிகள் இறந்தவர்களது நினைவாகவும் அமைக்கப்படுவதாகவும் கூறப்படுகின்றன.

கருவுற்றிருந்த பெண் இறந்துவிட்டால் அவர் நினைவாக சுமைதாங்கிக்கல் அமைக்கும் வழக்கம் இருந்தது!

மகா பிரபு · மகா பிரபு Thu Apr 26, 2012 8:36 am

இப்போது சாலை ஓரங்களில் சுமைதாங்கி கல் காணப்படுகிறது.

அதுபோல பல ஊர்களில் வீட்டு திண்ணையில் தண்ணீர் குடம் வருவோர் போவோர் குடிப்பதற்காக வைத்துள்ளனர்..

நன்றி மொகைதின்.

இரா.பகவதி · இரா.பகவதி Thu Apr 26, 2012 8:42 am

நாம் தொலைத்ததை நினைவு படுத்தியமைக்கு நன்றி முகைதின் அண்ணா

Sponsored content · Sponsored content

தொலைத்தவையும் தேடுபவையும்..

தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

Re: தொலைத்தவையும் தேடுபவையும்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக