அவல் பாயசம்

முஹைதீன் · முஹைதீன் Tue Apr 24, 2012 1:50 pm

அவல் பாயசம்

அவல் பாயசம் 24avalpayasam

தேவையான பொருட்கள்

அவல் - 1 கப்

சர்க்கரை - 1/2 கப்

பால் - 5 கப்

நெய் – 50 கிராம்

முந்திரி திராட்சை : 50 கிராம்

ஏலக்காய்த்தூள் - 1/2 டீஸ்பூன்

தேங்காய் துருவல் - 1 கப்

பாயாசம் செய்முறை

வாணலியில் நெய்யை விட்டு, அதில் முந்திரிப்பருப்பு, திராட்சை போட்டு வறுத்து எடுக்கவும். தேங்காயை வறுத்தெடுத்து தனியாக வைத்துக் கொள்ளவும்.அதே போல் அவலை, கல், தூசி நீக்கி நன்றாக சுத்தம் செய்து வாணலியில் போட்டு சற்று சிவக்க வறுத்தெடுக்கவும்.

அடுப்பில் அடி கனமான ஒரு பாத்திரத்தை வைத்து அதில் பாலை ஊற்றிக் கொதிக்க விடவும். பால் கொதித்து வரும் பொழுது அதில் அவலைப் போட்டு வேக விடவும். அடி பிடிக்காமல் அடிக்கடிக் கிளறி விடவும்.

அவல் நன்றாக வெந்ததும், சர்க்கரையைப் போட்டுக் கிளறி விடவும். மிதமான தீயில் வைத்து பாயசம் சற்று கெட்டியாகும் வரை வேக விடவும். இத்துடன் வறுத்த முந்திரி, திராட்சை, தேங்காய் துருவல், ஏலக்காய்த்தூள் சேர்த்து கிளறவும். சுவையான அவல் பாயசம் ரெடி. குழந்தைகள், பெரியர்களுக்கு ஏற்ற சத்தான இனிப்பு இது.

http://tamil.boldsky.com/recipes/sweets/aval-payasam-recipe-akshya-tritiya-aid0174.html

**ஜாஹீதாபானு** · **ஜாஹீதாபானு** Tue Apr 24, 2012 1:52 pm

செய்து பார்த்து சொல்லுறேன் முஹைதீன் சூப்பருங்க

பகிர்வுக்கு நன்றி.........

பாலாஜி · பாலாஜி Tue Apr 24, 2012 1:54 pm

நல்ல வேலை , வேறு தளத்திலிருந்து எடுக்கப்பட்ட குறிப்பு .. நான் கூட உமா கொடுத்த குறிப்பு என்று பயந்துவிட்டேன் ..

**ஜாஹீதாபானு** · **ஜாஹீதாபானு** Tue Apr 24, 2012 1:56 pm

வை.பாலாஜி wrote:நல்ல வேலை , வேறு தளத்திலிருந்து எடுக்கப்பட்ட குறிப்பு .. நான் கூட உமா கொடுத்த குறிப்பு என்று பயந்துவிட்டேன் ..

வந்துகிட்டே இருக்கா உமா...... மகிழ்ச்சி

பாலாஜி · பாலாஜி Tue Apr 24, 2012 1:58 pm

ஜாஹீதாபானு wrote:
வை.பாலாஜி wrote:நல்ல வேலை , வேறு தளத்திலிருந்து எடுக்கப்பட்ட குறிப்பு .. நான் கூட உமா கொடுத்த குறிப்பு என்று பயந்துவிட்டேன் ..

வந்துகிட்டே இருக்கா உமா......

யாருமே இல்லதா கடையில யாருக்கு பாட்டி டீ ஆத்துறீங்க , அவுங்க இந்நேரம் வணக்கத்தை போட்டுவிட்டு போயி இருப்பாங்க ..