வினாடிவினா

கோவைசிவா · கோவைசிவா Mon Oct 05, 2009 8:57 am

இன்டர்நெட் காலம் தொட்டு அதில் நிறைய முதல் முதலான பதிவுகள் ஏற்பட்டுள்ளன. பல சாதனைகள் ஏற்படுத்தப்பட்டன. பின் அவற்றை முறியடிக்கும் வகையில் பிற சாதனைகள் வந்தன. பொதுவாக மற்ற உலக சாதனைகள் போல இன்டர்நெட் சாதனைகள் சில நாள் கூட தங்காது. உடனே இன்னொரு இடத்தில் பழைய சாதனைகளை முறியடிக்கும் வகையில் சாதனைகள் மேற்கொள்ளப்படலாம். இருப்பினும் சில தகவல்கள் இன்னும் அழியாமல் உள்ளன. அவற்றில் சிலவற்றை இங்கு காணலாம்.

இன்டர்நெட் வலையில் இன்றும் இருந்து வரும் மிகப் பழைய வெப்சைட் எது?
A. Logicweb.com B.Porn.com C.Symbolics. com

2. உலகின் முதல் முதலாக அதிகம் பயன்படுத்தப் பட்ட இன்டர்நெட் பிரவுசர் எது?
A. Expolorer B.Intervox C.Mosaic

3. இன்டர்நெட்டில் இயங்கும் தளங்களையும் மற்றவற்றையும் ஆய்வு செய்து கணிப்புகளை வெளியிடும், உலக அளவில் பிரபலமான அலெக்ஸா டாட் காம் (Alexa.com) அலசல் படி, கீழ்க்காணும் தளங்களில் எந்த தளம் மிகவும் அதிகமாக அணுகப்படும் தளம்?
A. Google B.Yahoo C. YouTube

4.அதே அலெக்ஸா டாட் காம் கணிப்புப்படி, சென்ற ஜூன் மாதத்தில், அதிகம் பேர் வந்து சென்ற இன்டர்நெட் தளங்கள் வரிசையில், மூன்றாம் இடத்தில் இருந்த யு–ட்யூப் தளத்தை இறக்கிவிட்டு அந்த இடத்தைப் பிடித்த தளம் எது?
அ. விக்கிபீடியா ஆ. பேஸ் புக் இ. யாஹூ
5. யு–ட்யூப் தளம் சென்று உங்களுக்குத் தேவையான வீடியோ கிளிப்பினைத் தேடிப் பார்த்திருப்பீர்கள். இதுவரை மிக அதிகமான பேர் பார்த்த, தொடர்ந்து பார்த்துக் கொண்டிருக்கும் வீடியோ கிளிப் எது?
Britain’s Got Talent B. Evolution of Dance C. Charlie bit my finger.

6. எந்த நாட்டிலிருந்து மிக அதிகமான எண்ணிக்கையில் ஸ்பேம் மெயில்கள் உருவாகி அனுப்பப்படுகின்றன.
அ. இந்தியா ஆ. சீனா இ. அமெரிக்கா
7. தன் தூதரக அலுவலகத்தினை இன்டர்நெட்டில் தொடங்கிய நாடு எது. விர்ச்சுவல் எம்பஸி ஆபீஸ் என அழைக்கும் இந்த ஆபீஸ் உருவாக்கிய நாடு எது?
அ. அமெரிக்கா ஆ. தென் ஆப்பிரிக்கா இ.ஸ்வீடன்

விடைகள்
1. Symbolics.com என்னும் தளமே இன்றைக்கு இயங்கும் தளங்களில் மிகப் பழைய தளமாகும். இது 1985 ஆம் ஆண்டு மார்ச் 15 அன்று பதியப்பட்டது. இன்னும் இது இயங்குகிறது. ஆனால் இதன் வடிவமைப்பு மேம்படுத்தப்படவே இல்லை.
2. 1993 ஆம் ஆண்டில் வெளியான மொசைக் தான் முதன் முதலில் அதிகம் பயன்படுத்தப்பட்ட இன்டர்நெட் பிரவுசர் ஆகும். இதுதான் கிராபிகல் இன்டர்பேஸ் கொண்ட முதல் இன்டர்நெட் பிரவுசர். வந்த புதிதில் புயலைக் கிளப்பியது. பலரின் ஆச்சரியத்திற்குக் காரணமாய் இருந்தது. ஆனால் சில மாதங்களிலேயே நெட்ஸ்கேப் நேவிகேட்டர் பிரவுசரால் பின்னுக்குத் தள்ளப்பட்டது. அதன் பின் வந்த இன்டர்நெட் எக்ஸ்புளோரருக்குப் பின் இதன் இடமே தெரியாமல் போய்விட்டது.. சந்தேகமே இல்லாமல் கூகுள் தான். சென்ற ஜூன் மாதக் கணக்குப்படி, இன்டர்நெட்டினைப் பயன்படுத்தும் 32% பேர் ஒவ்வொரு நாளும் ஒரு முறையாவது கூகுள் தளத்தில் இறங்கிப் பார்க்கின்றனர்.
4. பேஸ்புக் இணைய தளமே இந்த வளர்ச்சியைப் பெற்றது. மிக வேகமாக வளர்ந்து வரும் இந்த தளம் 2010ல் கூகுளையும் மிஞ்சிவிடும் என அனைவரும் எதிர்பார்க்கின்றனர்.
5. ஆ. Evolution of Dance என்ற வீடியோ தான் இதுவரை அதிகம் பேரால், பல முறை பார்க்கப்பட்ட வீடியோவாகும். 12 கோடியே 10 லட்சம் முறைகளுக்கு மேல் பார்க்கப்பட்டுள்ளது. எனவே இந்த டான்ஸை ஆடியவர் தன் வாழ்நாள் வரை இதனை ஆடியே ஆக வேண்டிய சூழ்நிலையில் உள்ளார்.
6. அமெரிக்கா. இன்டர்நெட்டில் உலா வரும் ஸ்பேம் மெயில்களில் மூன்றில் ஒரு பங்கு அமெரிக்காவில் தான் உருவாக்கப்பட்டு அனுப்பப்படுகின்றன.
7. இ. ஸ்வீடன். 2007 ஆம் ஆண்டில் ஸ்வீடன் செகண்ட் லைப் என்ற விளையாட்டில், வாஷிங்டன் நகரில் உள்ள தன் தூதராலயம் போல உருவாக்கி பதிந்து அளித்தது. இந்த தளத்திற்கு வருபவர்கள் இதனைச் சுற்றி செல்லலாம். இங்கு காட்டப்பட்டுள்ள படங்களைக் காணலாம். இங்கு தரப்படும் உரைகளைக் கேட்கலாம். ஆனால் விசா எல்லாம் இங்கு வழங்கப்படமாட்டாது.