சந்தோஷம் தரும் சோகம்

**சிவா** · **சிவா** Mon Apr 23, 2012 12:01 am

சோகக்காட்சிகள் நிறைந்த ஒரு திரைப்படத்தை பார்த்தால் சோகமான நிலை ஏற்படும் என்று தான் பலரும் நினைத்துக்கொண்டு இருக்கிறார்கள். ஆனால் விஞ்ஞானம் இதை மாற்றிச்சொல்கிறது.

சோகம் நிஜமாகவே மக்களுக்கு (தற்காலிகமாக) சந்தோஷத்தைத் தருகிறது என்கிறது புதிய ஆய்வு ஒன்று. அமெரிக்காவின் ஓகியோ மாகாண பல்கலைக் கழகத்தில் பணிபுரியும் பேராசிரியர் சில்வியா நாப்ளோச் வெஸ்டர்விக் இதுபற்றி ஆய்வு நடத்தினார்.

அவர் கூறுகிறார்...

சோகமான காட்சிகள் நிறைந்த திரைப்படங்கள் உண்மையிலேயே அதைப்பார்க்கும் மக்களுக்கு சந்தோஷத்தைத்தான் தருகிறது. அந்த சந்தோஷம் தற்காலிகமாகவோ அல்லது சில மணி நேரங்கள் நீடிக்க கூடியதாகவோ இருக்கலாம். அதனால்தான் டைட்டானிக் போன்ற சோக முடிவுகள் கொண்ட திரைப்படங்களுக்கு அதிக கூட்டம் திரளுகிறது.

சோகமான திரைப்படங்கள் அல்லது ஒரு திரைப் படத்தில் வரும் ஒரு சோகமான காட்சி போன்றவற்றை பார்க்கும்போது மனிதனின் மனம் அதையும் தாண்டி சிந்திக்கத்தொடங்குகிறது. இதன் காரணமாக அவன் அந்த திரைப்படக்காட்சியையும், தன் வாழ்க்கையையும் ஒப்பிட்டுப்பார்க்கிறான். அப்போது திரைப்படத்தில் இருப்பது போன்ற சோகம் எதுவும் தனது வாழ்வில் இல்லை என்று தெரியவரும்போது அவன் `அப்பாடா, நாம் தப்பித்தோம்' என்ற மன நிம்மதியும், அதனால் மகிழ்ச்சியும் கொள்கிறான். அடுத்தவருடன் தன்னை ஒப்பிட்டுப்பார்க்கும் குணம் மனிதனுக்கு உண்டு. அதில் அடுத்தவனை விட தனக்கு கூடுதலான பலன் இருந்தால் அதனால் மகிழ்ச்சி கொள்வான். பலன் குறைவாக இருந்தால் மனம் வருந்துவான்.

பேராசிரியர் சில்வியாவின் இந்தக் கண்டுபிடிப்புகள் குறித்து சிலர் ஆதரவு தெரிவித்த போதிலும், மாறுபட்ட கருத்தும் சிலர் கொண்டுள்ளனர்.

தினத்தந்தி

அசுரன் · அசுரன் Mon Apr 23, 2012 12:04 am

என்னாம்மா சிந்திக்கிறாங்கய்யா! மகிழ்ச்சி

சந்தோஷம் தரும் சோகம்

சந்தோஷம் தரும் சோகம்

Re: சந்தோஷம் தரும் சோகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக