''ஈமு கோழிகளில் முதலீடு செய்யாதீர்கள்!'' - சேலம் மாவட்ட நிர்வாகம் அறிவிப்பு

''ஈமு கோழிகளில் முதலீடு செய்யாதீர்கள்!''
-சேலம் மாவட்ட நிர்வாகம் அறிவிப்பு

'ஈமு வளர்த்தால் குபேரனாகலாம்' என்றபடி மக்களிடம் ஒரு லட்ச ரூபாயை வாங்கிக் கொண்டு, மாதம்தோறும் 6 ஆயிரம், 10 ஆயிரம், 11 ஆயிரம் என விதம்விதமாக ரிட்டர்ன் தருவதாக புற்றீசல் போல பல கம்பெனிகள் புறப்பட்டுக் கொண்டே இருக்கின்றன. குறிப்பாக, ஈரோடு மற்றும் சேலம் பகுதிகளில் ஏகப்பட்ட கம்பெனிகள் முளைத்துள்ளன.

அதேசமயம், 'இது மக்களை ஏமாற்றும் வேலை' என்று ஈமு வளர்ப்புக்கு எதிராக விவசாயிகள் சங்க பிரநிதிகள் முழங்கிக் கொண்டுள்ளனர்.

'மாதம் 10 ஆயிரம், 11 ஆயிரம் என்பதெல்லாம் கிட்டத்தட்ட 120%, 130% அளவுக்கான வருமானம். கள்ள நோட்டு அடித்தால்கூட இந்த அளவுக்கு லாபம் கிடைக்காது. அப்படியிருக்க, ஈமுவை வளர்க்காமலேயே, இப்படியெல்லாம் லாபம் கொடுப்பதாக சொல்வது, கேழ்வரகில் அல்ல... கல்லில் நெய் வடிகிறது என்ற சொல்வதற்கு சமம்.

95, ௯௬-ம் ஆண்டுகளில் பணத்தைச் சுருட்டிக் கொண்டு ஓட்டமெடுத்த ஃபைனான்ஸ் கம்பெனிகள் கதையாக இந்த ஈமு கம்பெனிகள் ஓட்டமெடுத்துவிடும். எனவே, அரசாங்கம் இந்த விஷயத்தில் விவசாயிகளுக்கு உரிய வழிகாட்டுதலைச் செய்யவேண்டும். ஈமு வளர்ப்பையே தடை செய்ய வேண்டும்' என்றெல்லாம் விவசாயிகளின் பிரதிநிதிகள் சார்பில் கோரிக்கைகள் வைக்கப்பட்டன.
ஆனால், அரசுத்தரப்பிலிருந்து இத்தனை நாட்களாக இது தொடர்பாக எந்த அசைவும் இல்லை.

இந்நிலையில், ஏப்ரல் 20 அன்று சேலம் மாவட்ட ஆட்சியர் அலுவலகத்தில் நடைபெற்ற விவசாயிகள் குறைதீர் கூட்டத்தில், ஈமு வளர்ப்பு தொடர்பான பிரச்னையை விவசாயிகள் எழுப்ப... ''ஈமு வளர்ப்பை கால்நடைத்துறையோ... கால்நடை பல்கலைக்கழகமோ ஆதரிக்கவில்லை. ஈமு வளர்ப்பு லாபகரமானதா என்கிற ஆராய்ச்சியை கால்நடைப் பல்கலைக்கழகம் இன்னமும் முடிக்கவில்லை. எனவே, இப்போதைக்கு ஈமுவில் பணத்தை முதலீடு செய்யாதீர்கள்'' என்று மாவட்ட நிர்வாகம் சார்பிலேயே அறிவிப்பு வெளியிடப்பட்டுள்ளது!

பசுமை விகடன்

மிகத் தாமதமான அறிவிப்பு, முன்னரே அறிவித்திருந்தால் பலர் பயனடைந்திருப்பார்கள்.

ஆயுர்வேத மருத்துவனாய் சொல்கிறேன் ..எந்த மருந்தும் ஈமு கோழியில் இருந்து தாயாரிப்பதாய் சொல்வது மிக பெரிய ஏமாற்று வேலை ..

அப்போ முதில் பாக்கியராசு சார் கிட்ட சொல்லனும். அவரு தான் டிவியில் தினமும் சொல்லுறாரு.. உங்க வீட்டு மேல 10க்கு 10 இடம் இருந்தா போதும் அங்க ஈமு வளர்க்கலாம் லாபம் கொட்டும்னு.... பாவம் அவரு விவசாயிங்களுக்காக சேவை செஞ்சி அவங்களை குபேரன் ஆக்குற ஆனியை புடிக்கிட்டு இருக்குறதால இதை சொன்னா உடனே உஷாராகி ஓட்டமெடுத்துடுவாரு.

இதற்கு வருமானம் கிடைத்ததா இல்லையா?

இந்த விளம்பரங்களை பார்த்தப்பவே நினைத்தேன் , இது மக்களை ஏமாற்றும் வேலையாக இருக்குமென்று.

மின்னுவதெல்லாம் பொன்னல்ல

இமு அவ்ளோ உயரமா இருக்குறப்பவே நினச்சேன்

புரட்சி wrote: இமு அவ்ளோ உயரமா இருக்குறப்பவே நினச்சேன்

ஏன் , உயரத்திலிருந்து முட்டை போட்டால் உடைந்துவிடும் , அப்புறம் எங்கே விற்பது என்று சொல்லுறீங்களா -மதன் ..

வை.பாலாஜி wrote:

புரட்சி wrote: இமு அவ்ளோ உயரமா இருக்குறப்பவே நினச்சேன்

ஏன் , உயரத்திலிருந்து முட்டை போட்டால் உடைந்துவிடும் , அப்புறம் எங்கே விற்பது என்று சொல்லுறீங்களா -மதன் ..