திறந்து ஒரே வாரத்தில் 'குண்டக்க மண்டக்க' சேதமாகிப் போன புனே ஸ்டேடியம்!

கம்பெனி நஷ்டத்தில் ஓடுகிறது... இதுதான் புனே கிரிக்கெட் ஸ்டேடியம் பக்கம் காதில் விழும் புலம்பலாக இருக்கிறது. பெரும் பொருட் செலவில் கட்டி சமீபத்தில் திறக்கப்பட்ட சுப்ரதா ராய் சஹாரா ஸ்டேடியம் திறந்து ஒரே வாரத்தில் மிகப் பெரிய நஷ்டத்தை சந்தித்துள்ளதாம். அதாவது ரூ. 3.80 லட்சம் அளவுக்கு நஷ்டம் கண்டுள்ளதாம் இந்த ஸ்டேடியம்.

இதற்குக் காரணம் வேறு யாருமல்ல, சாட்சாத் ரசிகர்கள்தான். இந்த ஸ்டேடியத்தில் நடந்த முதல் போட்டியின்போது ரசிகர்கள் மிகவும் மோசமாக நடந்து கொண்டு இருக்கைகள் உள்ளிட்டவற்றை தீட்டிப் பார்த்து விட்டனராம். இதனால் ஏற்பட்ட நஷ்டம்தான் இது.

அங்கு போடப்பட்டிருந்த வெளிநாட்டிலிருந்து இறக்குமதி செய்யப்பட்ட இருக்கைகளை நாசப்படுத்தி விட்டார்களாம் ரசிகப் பெருமக்கள். இந்த நஷ்டத்தை தற்போது மகாராஷ்டிர கிரிக்கெட் சங்கம்தான் சுமக்க நேரிட்டுள்ளது.

நாட்டிலேயே மிகப் பெரிய பொருட் செலவில் கட்டப்பட்ட ஸ்டேடியம் என்ற பெருமை இந்த ஸ்டேடியத்திற்கு உண்டு. மும்பை-புனே எக்ஸ்பிரஸ் வே அருகே இந்த ஸ்டேடியம் அமைந்துள்ளது. தொடங்கிய ஒரே வாரத்தில் மிகப் பெரிய நஷ்டத்தை ஸ்டேடியம் சந்தித்திருப்பதால் அதிர்ச்சி அடைந்துள்ளனராம் மகாராஷ்டிர கிரிக்கெட் சங்க நிர்வாகிகள்.

இதுகுறித்து சங்கத் தலைவர் அஜய் ஷிர்கே கூறுகையில், இது மிகவும் வேதனை தருகிறது. எங்களுக்கு இந்த நஷ்டமானது மிகப் பெரியது. மிகப் பெரிய அளவில் திட்டமிட்டு கடும் உழைப்புக்கு மத்தியில் உருவான ஸ்டேடியம் இது. தற்போது ஸ்டேடியமே கிட்டத்தட்ட பாழாகியுள்ளது.

இதை எங்களது குழந்தை போல நாங்கள் கருதி வந்தோம். ஆனால் அதை மோசமான நடத்தை மூ்லம் ரசிகர்கள் சேதப்படுத்தி விட்டனர் என்றார் வேதனையுடன்.

இந்த ஸ்டேடியத்தின் விசேஷம் என்னவென்றால், பார்வையாளர் வரிசையில் எங்கு அமர்ந்திருந்து பார்த்தாலும் போட்டியை நன்கு காண முடியும் என்பதுதான். இந்தியாவிலேயே இப்படிப்பட்ட ஸ்டேடியம் அமைந்திருப்பது இங்கு மட்டுமே. மேலும் இருக்கைகள் அனைத்தும் இறக்குமதி செய்யப்பட்டவையாகும். இந்த சேர்கள் பலவற்றைத்தான் ரசிகர்கள் உடைத்துப் போட்டு விட்டனர்.

இந்த இருக்கைகள் உறுதியானவை, சுத்தியல் வைத்து அடித்தாலும் உடையாது என்றாலும் முன்பு கூறப்பட்டது. ஆனால் வெறும் கைகளாலேயே ரசிகர்கள் இதை உடைத்துப் போட்டிருப்பதைப் பார்த்து கிரிக்கெட் சங்க நிர்வாகிகள் அதிர்ச்சி அடைந்துள்ளனர்.

இதுகுறித்து ஒரு நிர்வாகி கூறுகையில், மிகவும் அறிவியல் பூர்வமாக சிந்தித்து, டிசைன் செய்து இந்த இருக்கைகளை ஆஸ்திரேலிய நிறுவனம் அமைத்துக் கொடுத்தது. ஆனால் நம்மவர்கள் அறிவியலையே கேலிக்கூத்தாக்கி விட்டனர் என்றார்.

இந்தக் கொடுமை போதாதென்று, இங்குள்ள டிரஸ்ஸிங் ரூமில், கிங்ஸ் லெவன் பஞ்சாப் அணி வீரர் பால் வல்தாட்டி தெரியாமல் அறைக் கதவை சேதப்படுத்தியதால் ஏற்பட்ட செலவு ரூ. 4 லட்சத்து 50 ஆயிரமாம். தற்போது பெரும் சிரமப்பட்டு உடைந்த இருக்கைகளை மாற்றி புதிய இருக்கைகளைப் போட்டுள்ளனராம்.

தட்ஸ்தமிழ்

இவ்வாறு பொறுப்பற்ற ரசிகர்கள் தண்டிக்கப்பட்டால், அடுத்து இதுபோன்று நிகழாது!

சிவா wrote:இவ்வாறு பொறுப்பற்ற ரசிகர்கள் தண்டிக்கப்பட்டால், அடுத்து இதுபோன்று நிகழாது!

அப்புறம் இப்படி கூட்டமும் சேராது.

இவனுங்களுக்கு எல்லாம் cement slab தான் கரெக்ட்

மகா பிரபு wrote:

சிவா wrote:இவ்வாறு பொறுப்பற்ற ரசிகர்கள் தண்டிக்கப்பட்டால், அடுத்து இதுபோன்று நிகழாது!

அப்புறம் இப்படி கூட்டமும் சேராது.

இப்படி நினைப்பதால்தான் இப்படிப்பட்ட சேதங்கள் ஏற்படுகிறது!

சிவா wrote:

மகா பிரபு wrote:

சிவா wrote:இவ்வாறு பொறுப்பற்ற ரசிகர்கள் தண்டிக்கப்பட்டால், அடுத்து இதுபோன்று நிகழாது!

அப்புறம் இப்படி கூட்டமும் சேராது.

இப்படி நினைப்பதால்தான் இப்படிப்பட்ட சேதங்கள் ஏற்படுகிறது!

வருத்தமான செய்தி ..

ராஜா wrote: இவனுங்களுக்கு எல்லாம் cement slab தான் கரெக்ட்

அதுவும் சொரசொரப்ப இருக்கணும் ....

பிரசன்னா wrote:

ராஜா wrote: இவனுங்களுக்கு எல்லாம் cement slab தான் கரெக்ட்

அதுவும் சொரசொரப்ப இருக்கணும் ....

ஆணியும் சேர்த்து வச்சுட வேண்டியது தான்.