இலவச அமரர் ஊர்திக்கு : 155377

**சிவா** · **சிவா** Wed Apr 18, 2012 6:04 pm

திருவள்ளூர் : மாவட்டத்தில் இலவச அமரர் ஊர்தி சேவைக்கு, 155377 என்ற எண்ணை தொடர்பு கொள்ளலாம் என, திருவள்ளூர் கலெக்டர் ஆஷிஷ் சட்டர்ஜி தெரிவித்துள்ளார்.

அரசு மருத்துவமனைகளில் மரணம் அடைபவர்களின் உடலை, அவர்களது இருப்பிடத்துக்கு இலவசமாக கொண்டு செல்ல, "இலவச அமரர் ஊர்தி சேவை' திட்டத்தினை மாநில அரசு அறிவித்தது. இச்சேவை தற்போது திருவள்ளூர் மாவட்டத்திற்கும் விரிவுபடுத்தப்பட்டு உள்ளது.

இலவச அமரர் ஊர்தி சேவைக்காக திருவள்ளூர் அரசு தலைமை மருத்துவமனையில், டிஎன், 43-ஜி 0186 எண் கொண்ட ஊர்தி வழங்கப்பட்டு உள்ளது. இவ்வாகனம் அரசு மருத்துவமனைகளில் ஏற்படும் மரணம், போலீசாரால் வழக்கு பதியப்படும் சாலை விபத்துகளில் மரணம் அடைபவர்கள் ஆகியோரது உடலை, அவர்களின் இருப்பிடத்துக்கு இலவசமாக கொண்டு செல்லும்.

இதில் தனியார் மருத்துவமனைகளில் மரணம் அடைபவர்களின் உடலை கொண்டு செல்ல அனுமதி கிடையாது. இச்சேவை முற்றிலும் இலவசம் என்பதால் அமரர் ஊர்தியின் டிரைவருக்கோ, உதவியாளருக்கோ அல்லது மருத்துவமனை ஊழியர்களுக்கோ எந்த சன்மானமும், மரணம் அடைந்தவரின் உறவினர்கள் கொடுக்கத் தேவையில்லை.

இச்சேவையை, 155377 என்ற தொலைபேசி எண்ணில் தொடர்பு கொண்டு மக்கள் பயன்படுத்திக் கொள்ளலாம். இத்தகவலை திருவள்ளூர் கலெக்டர் ஆஷிஷ் சட்டர்ஜி தெரிவித்துள்ளார்.

**அருண்** · **அருண்** Wed Apr 18, 2012 6:12 pm

உண்மையில் சிறந்த செயல் இறந்தவர்களை உடனே கொண்டு செல்ல மிகவும் உதவியாக இருக்கும் இனிமேல் இறந்த உடலை வைத்து கொண்டு யாரும் பேரம் பேசமாட்டார்கள்..! மகிழ்ச்சி