எழுத்து பிழையுடன் அரசு முத்திரை

இரா.பகவதி · இரா.பகவதி Mon Apr 16, 2012 2:43 am

First topic message reminder :

தஞ்சை: கும்பகோணம் அருகே நேற்று நடந்த உழவர் விழாவுக்கான அழைப்பிதழில் தமிழக அரசின் முத்திரை எழுத்துப் பிழையுடன் இருந்தது.
தமிழக அரசு முத்திரையின் நடுவில் ஸ்ரீவில்லிபுத்தூர் ஆண்டாள் கோயில் கோபுரம், அதன்கீழ் சிங்கமுக முத்திரை, தேசியக் கொடி, அதன்கீழ் பகுதியில் வாய்மையே வெல்லும் என்ற வாசகம் எழுத்தப்பட்டிருக்கும். முத்திரையின் உள்பகுதியில் வளைந்தாற்போல் தமிழ்நாடு அரசு என்ற வாசகமும் குறிப்பிடப்பட்டிருக்கும்.

தஞ்சை மாவட்டம் கும்பகோணம் அருகே திருவலஞ்சுழியில் தமிழக அரசின் உழவர் பெருவிழா தொடக்க விழா நேற்று நடந்தது.
விழாவுக்கு கும்பகோணம் ஒன்றியக்குழு தலைவர் கோவி.மகாலிங்கம் தலைமை வகித்தார். விழாவுக்கு வந்திருந்த அரசு துறை அலுவலர்களுக்கும், உள்ளாட்சி பிரதிநிதிகளுக்கும், விவசாயிகள் மற்றும் பத்திரிகையாளர்களுக்கும் விழா தொடர்பான அறிக்கை, நிகழ்ச்சி நிரல் கொடுக்கப்பட்டது. அதிலிருந்த தமிழக அரசு முத்திரையில் தமிழ்நாடு அரசு என்பதற்கு பதிலாக ``தமிழ்நாடு அரகு” என்று எழுத்துப் பிழையுடன் இருந்தது.
இது குறித்து, அங்கிருந்த வேளாண் துறை அதிகாரிகளிடம் கேட்டபோது, கணினியில் உள்ளதை அப்படியே படி எடுத்து விட்டோம். தமிழக அரசு முத்திரையில் உள்ள வாசகத்தை எங்கு, எப்போது, யார் மாற்றியது என்பது எங்களுக்குத் தெரியாது என்றனர்

thinakaran