அடிப்படை துகள்களும், விசைகளும்

உலகில் உள்ள அனைத்து பொருள்களும் மற்றும் உயிரினங்களும் அணுக்களால் ஆனவை என்று நமக்கு தெரியும். ஆனால் அந்த அணுவுக்குள் என்ன இருக்கிறது. இவ்வாறு பகுத்துக்கொன்டே போனால் இறுதியில் என்ன வரும். இதை பற்றி அறிவியல் கூறியுள்ள கருத்துக்களை இங்கு காண்போம்.

அடிப்படை துகள்கள்:

அணுவே முதலில் பகுக்க முடியாத பொருளாகவே கருதப்பட்டது. ஆனால் அறிவியல் வளர்ச்சியால் அணுவும் பகுக்ககூடிய பொருளே என்று கண்டறியப்பட்டது. அதனுள் நியூட்ரான், புரோட்டான் சேர்ந்த அணுக்கருவும் அதை சுற்றி எலக்ட்ரான் என்ற எதிர் மின்சுமையுடைய துகளும் உள்ளதாக கண்டறியப்பட்டது. இது போன்ற அடிப்படை துகள்களை 4 வகையாக பிரிக்கலாம்.

1. போட்டான்கள்
2. லெப்டான்கள்
3. மெசான்கள்
4. பேரியான்கள்

பேரியான்கள்

புரோட்டான்,நியூட்ரான்,லாம்ப்டா, சிக்மா, க்ஸ்ய்,ஒமேகா ஆகிய துகள்கள் இந்த தொகுதியில் அடங்கும். இதில் புரோட்டான்,நியூட்ரான் ஆகியவை மட்டுமே நிலையானவை, மற்றவை கதிரியக்க வினைகளில் தோன்றி சிறிது காலத்திலேயே அழிந்து விடக்கூடியவை. இதில் புரோட்டான் நேர்மின் தன்மை கொண்டது. நியூட்ரான் மின்தன்மை அற்றது. லாம்ப்டா மின் தன்மை அற்றது. சிக்மா துகள் பிரிவில் மூன்று துகள்கள் உள்ளன அவற்றில் ஒன்று மின் தன்மை அற்றது மற்ற இரண்டில் ஒன்று எதிர் மின்தன்மை கொண்டது, இன்னொன்று நேரமின் தன்மை கொண்டது. க்ஸ்ய் துகள் பிரிவு இரு துகள்களைக் கொண்டது. அவற்றில் ஒன்று எதிர் மின் சுமை உடையது மற்றது மின் சுமை அற்றது. ஒமேகவில் எதிர் மின் சுமையுடைய ஒரே ஒரு துகள் மட்டுமே உள்ளது.

மெசான்கள்:

இவை அணுக்கரு துகள்களை பிணைக்கும் துகள்கள் ஆகும். இவற்றில் மூன்று வகை துகள்கள் காணப்படுகின்றன. அவையாவன: பையான் கேயான், ஈட்டா மெசான். இவற்றில் பயானில் மூன்று வகை துகள்கள் அதாவது
நேர் மின் , எதிர்மின், மின்சுமையற்ற துகள்கள் காணப்படுகின்றன. கேயானில் மின் சுமையற்ற மற்றும் நேரமின் சுமையுடைய இரு துகள்கள் உள்ளன. ஈட்டா மெசானில் மின்சுமையற்ற இரு துகள்கள் காணப்படுகின்றன.

லெப்டான்கள்:

இவை நிறை மிகவும் குறைந்தவை மற்றும் தற்சுழற்சி குவாண்டம் எண் (துகள்கள் தன்னை thaney சுற்றிக்கொள்வதால் ஏற்படும் கோண உந்தம் அதன் தற்சுழற்சி குவாண்டம் எண் என குறிப்பிடப்படுகிறது) 1/2 ன் விகிதத்தில் உள்ளவை. இவற்றில் 6 வகையான துகள்கள் உள்ளன. அவையாவன:
எலக்ட்ரான்,எலக்ட்ரான் நியூட்ரினோ, மியுவான், மியு நியூட்ரினோ, டவ், டவ் நியூட்ரினோ, இவற்றில் நியூட்ரினோக்கள் மின்தன்மை அற்றவை மற்ற மூன்று துகள்களும் எதிர்மின் தன்மை கொண்டவை.

போட்டான்கள்:

இவை நிறை அற்றவை. தற்சுழற்சி குவாண்டம் எண் முழு எண் மடங்கில் கொண்டவை.

குவார்க்குகள்

குவார்க்குகள் என்பவை மிகவும் நிறை குறைந்த துகள்கள். இவை ஒன்று சேர்ந்ததே புரோட்டன் , நியூட்ரான் முதலான பேரியான்களையும், மெசான்களையும் உருவாக்குகின்றன. இவை 6 வகைப்படும் அவையாவன:


up, down, strange, charmed, top, bottom

இந்த குவார்க்குகள் குளுவான்கள் எனப்படும் துகள்கள் மூலம் ஒன்றுடன் ஒன்று பிணைக்கப்பட்டு
பேரியான்களாகவும்,மெசான்களாகவும் உருவாகின்றன. மூன்று குவார்க்குகள் சேர்ந்து பேரியான்களையும் இரண்டு குவார்க்குகள் சேர்ந்து மெசான்களையும் உருவாக்குகின்றன.

அடிப்படை துகள்கள்

எனவே கண்டறியப்பட்டுள்ள துகள்களில் குவார்க்குகள், குளுவான்கள், போட்டான்கள், நியூட்ரினோக்கள், எலெக்ட்ரான்கள் ஆகியவையே அடிப்படை துகள்களாக கருதப்படுகின்றன.

அடிப்படை விசைகள் :

பிரபஞ்சத்தில் நிகழும் அனைத்து வகையான வினைகளும் 4 வகையான அடிப்படை விசைகளாலேயே ஏற்படுகிறது. அவையாவன :

1. வலுவான அணுக்கரு விசை
2. வலுக்குறைந்த அணுக்கரு விசை
3. மின்காந்த விசை
4. ஈர்ப்பு விசை

இந்த ஒவ்வொரு விசையும் ஒன்றுக்கொன்று தொடர்பற்றவை மேலும் ஒவ்வொன்றும் ஒவ்வொரு விதமான துகள்களை பாதிக்கின்றன. உதாரணமாக மின்காந்த விசை மின் தன்மையுள்ள(புரோட்டான், எலெக்ட்ரான் போன்ற) துகள்களை மட்டுமே பாதிக்கின்றன மற்றவற்றை பாதிப்பதில்லை.

வலுவான அணுக்கரு விசை:

இது 0.000000000000001 மீட்டர் தொலைவில் மட்டுமே செயல்பட முடியும். இது குவார்க்குகளை குளுவான்கள் மூலம் இணைத்து மெசான்களையும், பேரியான்களையும் உருவாக்குகின்றன. மேலும் புரோட்டான்,நியூட்ரான்களை மெசான்கள் மூலம் இணைத்து அணுக்கருவை உண்டாக்குகின்றன.

மின்காந்த விசை:

இது மின் தன்மையுள்ள துகள்களில் மட்டும் செயல்படுகிறது. இவை போட்டான்கள் மூலம் மின் தன்மையுள்ள பொருட்களை இணைக்கிறது. இதுவே புரோட்டனும் எலெக்ட்ரானும் இணைந்து அணு உருவாக காரணமாக இருக்கிறது.

வலுக்குறைந்த அணுக்கரு விசை:

இது குவார்க்குகளுக்கும், லெப்டான்களுக்கும் இடையேயான வினையில் பங்கு கொள்கிறது.இடைநிலை போசான்கள் மூலம் வினையை ஏற்படுத்துகின்றன. இது 0.000000000000000001 மீட்டர் தொலைவில் மட்டுமே செயல்பட முடியும்.

ஈர்ப்பு விசை:

இது நிறையுடைய அனைத்து பொருட்கள் மீதும் செயல்படுகிறது. இதுவே கோள்கள், நட்சத்திரங்களில் பொருட்களை இணைக்கின்றது. [code]

பகிர்விற்கு நன்றி நண்பா. வெகுநாட்களாக காணவில்லை.

நன்றி நண்பா. வேலை அதிகமாக இருந்ததால் ஈகரையில் பதிவிட முடியவில்லை.

ஆத்மசூரியன் wrote:நன்றி நண்பா. வேலை அதிகமாக இருந்ததால் ஈகரையில் பதிவிட முடியவில்லை.

நன்றி நண்பா.