சென்னை சூப்பர் கிங்ஸ் மெகா வெற்றிக்கு யார் காரணம்?

**பிரசன்னா** · **பிரசன்னா** Sat Apr 14, 2012 5:31 pm

ஸ்... அப்பாடா என்ன வெய்யிலு... என்ன வெய்யிலு... இப்படி கொளுத்தி எடுத்தா இந்த வாட்டி தண்ணிக்கு என்ன செய்யிறதோ? ஐய்யா மங்கியாரே.... மங்கியாரே.... அட இந்த மங்கியாரு எங்க போய் தொலைஞ்சிட்டாரு... சரியான மங்குனியாரு....

இன்னாப்பா மன்னாரு... என்னைய போயி மங்குனியாருன்னு சொல்லுதீரே... நீருதான மங்குனி மன்னாரு.. பேரு பொருத்தம் ரொம்ப ரொம்ப நல்லாயிருக்கு வே! கொஞ்சம் குரங்குப் பய அசந்தா போருமே... உம்ம மாதிரி மனுசப் பயலுவ படுத்தற பாடு தாங்க முடியலே! ம்... சொல்லும்... என்னா செய்தி கொண்டு வந்தீரு...

என்ன செய்தி... எல்லாம் அந்த ஐபிஎல் பத்திதான்...

அதான் தெரியுமே வே! ஐபிஎல்லுன எந்த மேட்ச்ச பாத்தீருங்கேம்... நான் இங்கன காட்டுக்குள்ளாற இருக்கேம்லா... கரண்டு வேற ரொம்ப தேரமா போய்ட்டு உயிர வாங்குதா... அதான் சரியா மேட்ச்ச எல்லாம் பாக்க முடியமாட்டேங்கி!

சரி ... சரி... மங்கியாரே... நான் சொல்ல வந்தது, அந்த 206 ரன் டார்கெட் வெச்சி ராக்கெட் வேகத்துல அடிஞ்சாங்கல்லே... அந்த மேட்சைத் தான் சொல்லுதேன்...

ஓ... அந்த 13வது மேட்ச்சை சொல்லுதீரோ? அந்த நெம்பரே ரொம்ப சிரமமா இல்ல இருக்குவே!

வே மங்கியாரே... நீரு என்ன நியூமெராலஜில்லாம் பாக்க ஆரம்பிச்சிட்டீரோ? இருக்குறது காட்டுக்குள்ள... இதுல வேற இவுரு சாதகம் சோசியம்லாம் அக்குவேறு ஆணிவேறா பாப்பாரு போல...

அதில்ல மன்னாரு... அந்த நெம்பரை எல்லாம் ஒரு மாதிரி பாப்பாவளே! அதான் சொன்னேன். சரி சரி... என்னா ஆச்சு அந்த மேட்சு..

அதான். மொத வெளயாடின பெங்களூரு பயலுவ பிரிச்சி மேய்ஞ்ச்சிட்டானுவ. அதுவும் நம்ம தோனி இருக்காருல்ல தோனி...
எடுத்த உடனே அஸ்வின் கையில பந்தைக் கொடுத்து போடுன்னுட்டாரு. இந்த அப்பாவியும் எடுத்த வுடனே போட ஆரம்பிச்சாட்டாரா... அந்தப்பயலுவ பந்தை பிரிச்சி மேய்ஞ்ச்சிட்டானுவ...

சரி... சரி... முத வெளயாடுறவங்க அடிச்சி ஆடினாதானே அடுத்து வர்றவங்களும் ஆடுவாங்க... அப்பதான மேட்ச பாக்க த்ரில்லா இருக்கும். சும்மா தூங்கு மூஞ்சிங்க ஆடுனா மாதிரி வெறும் 90 நூறும், 120க்குள்ளயும் எடுத்துட்டு இருந்தாங்கன்னா... அது டி20 மாதிரியா இருக்கும்.... மினி டெஸ்ட் மேட்ச் மாதிரில்ல இருக்கும்...

மங்கியாரே... சரிதான் நீ சொல்லுறது... அதுவும் அந்தப் பயலுவ ஓவருக்கு பத்து ரன் விகிதமா... மொத 16 ஓவர்ல 160 ரன்னுனு எடுத்தானுவ... அதுவும் 2 விக்கெட்டுதான் போயிருந்துச்சு. அடுத்து 174க்கு 3வது விக்கெட்டு போச்சி... ஆனா... அடுத்து வந்தவனுங்க மள மளன்னு அவுட் ஆகிப் போயிட்டாங்க... அது என்னமோ தெரியல... டோட்டல் கொலாப்ஸ் அப்படிம்பாய்ங்களே... அந்த மாதிரி...

சரி சரி மன்னாரு... எப்படியோ 205 எடுத்தாங்கன்னு தெரியுது... இதுல அவ்ளோ ரன்னை எப்படி சென்னை டீம் சேஸ் செஞ்சங்க... ஆச்சரியமா இல்ல இருக்கு.. நானும் ஸ்கோர் பாத்தேன். முரளி விஜய் என்னமோ வழக்கம்போல நிதானமா ஆடி 11 எடுத்தான்... அந்த டு பிளிஸ் தான் ஏதோ அதிரடி காட்டி 71 எடுத்தான்னு வெய்யேன்... ரெய்னா ஏதோ எம் பங்குன்னு சொல்லி ஒரு 23 காட்டிட்டான்.. சரி... சரி... அந்த மேட்ச பாத்திருப்பே.... இப்போ நான் ஒரு கேள்வி கேக்கறேன்... அன்னிக்கு சென்னை டீமு ஜெயீகிறதுக்கு யாரு காரணும்னு சொல்லு பாப்பம்...

அதான்... யாரை கேட்டாலும் சொல்லுவாங்களே... வெறும் ஒரு ஓவர்ல அதுவும் 6 பந்துல 3 சிக்ஸ்ஸர் 2 பவுண்டரி விளாசி 28 ரன்னு எடுத்த ஆல்பி மோர்கல் தான் திருப்பு முனைன்னு சொல்லலாம்...

இல்லைங்கேம்... வேறு ஒருத்தர்.... அது யாருன்னு சொல்லு...

ப்ராவோவ சொல்லுதீரா... கடைசி ஓவர்ல ஒரு சிக்ஸு ஒரு பவுண்டரி அடிச்சி மாற்றத்தை ஏற்படுத்தினாரே... அதைச் சொல்லுதீரா....

இல்லைங்கேம்... வேறு ஒருத்தரு...

யாரு... அந்த ரவீந்திர ஜடேஜாவா... ஒரு பந்து ஒரே ஒரு ப்ந்து இருக்கையில.... கடைசி பந்திலயும் டென்ஷன் ஆகாமே ஒரு பவுண்டரி அடிச்சி கொடுத்தாரே... அதைச் சொல்லுதீரா....

இல்லங்கேன்... வேறு ஒருத்தரு... யாருன்னு சொல்லு..?

ம்... யாருன்னு தெரியலே... நீயே சொல்லுவேன்...

அதான் தோனி...

அவரு முன்னதாகவே இறங்கி 41 ரன்னு அடிச்சதை சொல்லுதீரா... ஆனா அவரு இருக்கயில ரன் ரேட் ரொம்ப அதிகமா தேவைப்பட்டுதே...

அதான் சொல்லுதேன்... கரெக்டா தோனி 18 வது ஓவர்ல கடைசிப் பந்துல அவுட் ஆகிட்டு வெளில போனாருல்ல... அப்போ ரன்னு 164 தான இருந்துச்சு... அதான் ஆட்டத்தின் திருப்புமுனைன்னு சொல்லுதேன். அந்த போட்டியில பின்னால வந்த மோர்கல் அடிக்க வழி ஏற்படுத்திக் கொடுத்திட்டு ஒழுங்கா வெளில போனாருல்ல... அதான் ... அவருதான் அன்னிக்கு சென்னை அணி ஜெயிக்க காரணம்கேன்...

ஏன்.. அவருந்தான் சிக்ஸரு பவுண்டரில்லாம் அடிச்சாரே...

இருக்கலாம் மன்னாரு... ஆனா தோனி என்னால முடிஞ்சது இவ்ளோதான் அப்படின்னு பின்னாலே விளக்கம்லாம் கொடுப்பான்... அதையும் நாம கேட்டு வெக்கணும்... அதனாலே எங்கிட்ட கேட்டா அந்தப் போட்டியோட திருப்புமுனையே... தோனியோட அவுட்டுதான்னு சொல்லுவேன்!

சரி ... சரி... மங்கியாரே... நீரு என்னை விட பெரிய ஆள்தான். ஒப்புக்கிறேன். இன்னிக்கு மேட்ச்சை பாத்துட்டு பிறகு வந்து தோனியோட கேப்டன்ஷிப் பத்தி சொல்லுதேன்... நான் வரட்டா....

சரி சரி போய் வா மன்னாரு... நான் நாளைக்கி காத்திருக்கேன்!

தினமணி.... சூப்பருங்க

**ரா.ரமேஷ்குமார்** · 23/01/2011

விராட் கோலி பந்து வீசியது தான் திருப்பு முனை... சிரி

balakarthik · balakarthik Sat Apr 14, 2012 5:47 pm

ரா.ரமேஷ்குமார் wrote:விராட் கோலி பந்து வீசியது தான் திருப்பு முனை...

ஆமாம் அவரு ஸ்பின் பௌலிங்க்த்தானே அதான் ரொம்ப திரும்பிடுத்து சூப்பருங்க

**பிரசன்னா** · **பிரசன்னா** Sat Apr 14, 2012 5:49 pm

இல்லை இல்லை தோனியின் புதிசாலிதனமே நமது வெற்றிக்கு காரணம், 41 அவுட்.... !

பாலாஜி · பாலாஜி Sat Apr 14, 2012 5:50 pm

வீரத் கொஹ்லி அல்ல அவரை பந்து வீச செய்த டேனியல் வெட்டோரி

**ரா.ரமேஷ்குமார்** · 23/01/2011

balakarthik wrote:
ரா.ரமேஷ்குமார் wrote:விராட் கோலி பந்து வீசியது தான் திருப்பு முனை...

ஆமாம் அவரு ஸ்பின் பௌலிங்க்த்தானே அதான் ரொம்ப திரும்பிடுத்து

வை.பாலாஜி wrote:வீரத் கொஹ்லி அல்ல அவரை பந்து வீச செய்த டேனியல் வெட்டோரி

இருவரின் கூட்டு முயற்சியில் நமக்கு கிடைத்தது வெற்றி... நடனம்

**அருண்** · **அருண்** Sat Apr 14, 2012 6:20 pm

வை.பாலாஜி wrote:வீரத் கொஹ்லி அல்ல அவரை பந்து வீச செய்த டேனியல் வெட்டோரி

உண்மைதான் ஜி சி‌எஸ்‌கே வை ஜெயிக்க வைத்தது உத்தம புத்திரன் அவர் தான்..!

**Manik** · **Manik** Sat Apr 14, 2012 6:22 pm

எதோ ஒரு மேட்சுல சென்னை ஜெயிச்சதுனால சென்னை பலமான அணின்னு நினைச்சுர கூடாது..............

மகா பிரபு · மகா பிரபு Sat Apr 14, 2012 8:59 pm

வெற்றி நமதே.

Sponsored content · Sponsored content

சென்னை சூப்பர் கிங்ஸ் மெகா வெற்றிக்கு யார் காரணம்?

சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

Re: சென்னை சூப்பர் கிங்ஸ் மெகா வெற்றிக்கு யார் காரணம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக