சிறுகதை - நம்பிக்கை - வித்யாசாகர்

வித்யாசாகர் · வித்யாசாகர் Mon Oct 05, 2009 1:22 am

நம்பிக்கை

ஒரு சந்துமுனை திரும்புகையில் தெரிகிறதந்த புத்தக கடை.
ஓடிச்சென்று ஒரு புத்தகம் எடுத்து 'குருடனுக்கு அதோ உன் கண் அங்கே
கிடக்கிறதென்றால் எப்படி தேடுவானோ அப்படி தேடுகிறேன்.

"தம்பி புத்தகத்தை பிரிக்காதேப்பா"

"கொஞ்சம் மட்டும் பார்த்துக்கறண்ணே "

"இங்க என்ன நூலகமா நடத்தறோம். கடைதானே? போ.. போ.."

அவன் புத்தகத்தை பிடுங்கிக் கொண்டு விரட்டிய விரட்டில் மனம் வலிக்கத்
தான் செய்தது. ஆனாலும் நம்பிக்கையிருந்தது நிச்சயம் இந்த வாரம் என் கதை வந்திருக்குமென்று. விடவில்லை நான் அருகில் நின்றிந்தவரிடம் சென்று.

"ஐயா ஐயா.. இது ஆனந்த விகடன் தானே ஒரு நிமிஷம் தறிங்களா"

"படிக்கறவன் பணம் கொடுத்து வாங்கிப் படி"

"பணமில்லீங்க. குடுத்தீங்கன்னா ஒரு சுத்து மட்டும் பார்த்துட்டு கொடுத்துருவேங்க"

"ஒரு சுத்து பார்த்து என்னத்த கிழிக்கப் போற. போவியா"

"நான் ஒரு கதை எழுதி அனுப்பிருக்கேன் ஐயா. இந்த வாரம் கண்டிப்பா அது வந்திருக்கும்."

"அப்படியா, உம் பேரென்ன"

"பிரசன்னா."

அவர் கையிலிருந்த வார இதழை நான்கு புறட்டு புறட்டி விட்டு.
"அதலாம் ஒண்ணும் வரலை யே.." மிகச் சாதாரணமாகச் சொன்னார் அவர்.
எனக்குத் தான் ஏமாற்றம், நான் நடந்துச் செல்லும் தெருவின் நீளமாக நெஞ்சைப் பிளக்க, அவர்கள் ஏதோ பேசி சிரிக்கிறார்கள்.

"ஏன்டா சிரிச்ச?"

"இப்போ இதுல ஒரு கதை படிச்சேன் நல்லாருக்குன்னு சொன்னியே"

"ஆமா நம்பிக்கைன்னு ஒரு கதை"

''அது அவன் எழுதியது தான்"
------------------------------------------------------------------------------
வித்யாசாகர்

மீனு · மீனு Mon Oct 05, 2009 6:05 am

அருமையான கதை வித்யாசாகர் ..நம்பிக்கை என்ற கதையில் ..நம்பிக்கை துரோகமும் இடம் பெறுகிறதே....அருமை.. சிறுகதை - நம்பிக்கை - வித்யாசாகர் 677196

சிறுகதை - நம்பிக்கை - வித்யாசாகர் 154550

வித்யாசாகர் · வித்யாசாகர் Tue Oct 06, 2009 1:17 am

நாம் நம்புவதும் நிறைய நடந்துக் கொண்டு தானிருக்கிறது, நம்மால் தான் அதிகம் உணர்ந்துக் கொள்ளமுடிவதில்லை என்பதை காட்டவே இந்த கதை மீனு.., நன்றி! சிறுகதை - நம்பிக்கை - வித்யாசாகர் 678642

சிறுகதை - நம்பிக்கை - வித்யாசாகர் 678642

மீனு · மீனு Tue Oct 06, 2009 1:18 am

வித்யாசாகர் wrote:நாம் நம்புவதும் நிறைய நடந்துக் கொண்டு தானிருக்கிறது, நம்மால் தான் அதிகம் உணர்ந்துக் கொள்ளமுடிவதில்லை என்பதை காட்டவே இந்த கதை மீனு.., நன்றி!

உண்மைதான் வித்யாசாகர் .. இந்த நம்பிக்கை என்ற கதை..கதை அல்ல.. நடந்து கொண்டு இருக்கும் நிஜம்.. அருமை..

**சிவா** · **சிவா** Tue Oct 06, 2009 1:25 am

"ஏன்டா சிரிச்ச?"

"இப்போ இதுல ஒரு கதை படிச்சேன் நல்லாருக்குன்னு சொன்னியே"

"ஆமா நம்பிக்கைன்னு ஒரு கதை"

''அது அவன் எழுதியது தான்"

எதிர்பார்க்காத முடிவு! இன்று பல எழுத்தாளர்களின் நிலையை எதிரொலிக்கிறது இச்சிறுகதை!