குத்துச்சண்டை

வரலாறு

கி.பி. 3 ஆயிரம் ஆண்டுகளில் இருந்தே குத்துச்சண்டை பிரபலமான விளையாட்டாக இருந்து வருகிறது. பழங்கால ஒலிம்பிக் போட்டியிலும் இந்த விளையாட்டு இடம் பெற்றுள்ளது. 18-ம் நூற்றாண்டில் குத்துச்சண்டை விளையாட்டு நவீனம் அடைந்தது. தற்போது குத்துச்சண்டையில் இரண்டு வகைகள் உள்ளன. ஒன்று பொழுதுபோக்கிற்காக குத்துச்சண்டை போடுவது (அமெச்சூர்), மற்றொன்று தொழில் முறையில் (புரபஷனல்) குத்துச்சண்டை விளையாட்டில் ஈடுபடுவது.

உலக குத்துச்சண்டை ஆர்கனைசேசன் (ரஆஞ), உலக குத்துச்சண்டை கவுன்சில் (ரஆஇ), உலக குத்துச்சண்டை சங்கம் (ரஆஅ) மற்றும் சர்வதேச குத்துச்சண்டை பெடரேஷன் (ஐஆஊ) ஆகிய அமைப்புகள் தங்கள் அமைப்புகளின் பெயர்களில் தனித்தனி குத்துச்சண்டை சாம்பியன் போட்டிகளை நடத்துகின்றன. இந்த நான்கு போட்டிகளிலும் வெற்றி பெறுபவரே உலக சாம்பியன் ஆக கருதப்படுகிறார். சர்வதேச அமெச்சூர் பாக்சிங் அசோசியேஷன் அமெச்சூர் குத்துச்சண்டை போட்டிகளை நடத்துகிறது. ஒலிம்பிக் குத்துச்சண்டை போட்டிகளையும் இந்த அமைப்பே கண்காணிக்கிறது. ஆசிய மற்றும் காமன்வெல்த் நாடுகளுக்கு என்று தனித்தனி குத்துச்சண்டை சாம்பியன் போட்டிகள் நடத்தப்படுகிறது.

ஆட்ட விதிமுறைகள்

குத்துச்சண்டை போட்டியின் போது எதிராளியின் முகம் மற்றும் உடலின் பிற பகுதிகளில் அதிக முறை குத்துவதன் மூலம் வெற்றிப்புள்ளிகள் கணக்கிடப்படுகிறது. இவ்வாறு எதிரி மீது அதிக முறை குத்துகளை விட்டு அதிக புள்ளி எடுத்தவர் வெற்றிபெற்றவராக கருதப்படுவார். அல்லது எதிராளியை குத்தி விழவைத்து ஒன்று முதல் பத்து எண்ணிக்கை எண்ணும் வரை அவரால் எழுந்திருக்க முடியவில்லை என்றால் நாக்-அவுட் முறையில் வெற்றி பெற்றவராக கருதப்படுவார். அமெச்சூர் போட்டியின் போது வீரர்கள் தங்களது எதிராளியின் முகம் மற்றும் உடல் மீது குத்துவதன் மூலம் அதிக புள்ளிகளைப்பெற்று வெற்றி பெற வேண்டும்.

குத்துச்சண்டை வீரர்கள் தங்கள் கைகளில் கிளவுஸ் மற்றும் பற்களை பாதுகாக்கும் கவசம் அணிய வேண்டும். அமெச்சுர் வீரர்கள் தலைக்கவசம், மார்பு கவசம் போன்றவற்றை அணிந்து விளையாடுவார்கள்.

போட்டியின் போது இடுப்பு கீழே உதைப்பது, குத்துவது கூடாது. அமெச்சூர் போட்டியாளர்கள் தங்களது இடுப்பில் வெள்ளை நிற பெல்ட் அணிந்து இருப்பார்கள். அதன் கீழ் குத்துவது கூடாது.

அமெச்சூர் பந்தயங்களில் 11 வகையான எடைப்பிரிவுகளில் போட்டிகள் நடைபெறும். தொழில் முறை குத்துச்சண்டை போட்டியில் 17 வகையான எடைப்பிரிவுகளில் போட்டிகள் நடத்தப்படுகின்றன.

***

புகழ் பெற்ற குத்துச்சண்டை வீரர்கள்

தொழில் முறை வீரர்கள்: ஹெவி வெயிட் பிரிவு - ஜோ லுயிஸ், ராக்கி மார்சியானோ, முகம்மது அலி, சோனி லிஸ்டன் மற்றும் இவான்டர் ஹோலிபீல்ட்.

கிளாசி லைட்டர் வெயிட் வீரர்கள்: வெல்டர் வெயிட் பிரிவு - சுகர் ராய் ராபின்சன், சுகர் ராய் லெனார்டு.

அமெச்சூர் வீரர்கள்: ஹெவி வெயிட் பிரிவில் கியூபா நாட்டின் டியோபிலோ ஸ்டீவன்சன் 3 முறை ஒலிம்பிக்போட்டிகளில் (1972-1980) தங்கப்பதக்கம் வென்றுள்ளார். ஆனால் தொழில் முறை வீரர் ஆகவில்லை.

தினதந்தி