முகமது அலி (உலக குத்துச்சண்டை வீரர்)

First topic message reminder :

முகமது அலி (உலக குத்துச்சண்டை வீரர்) - வரலாற்று நாயகர்!
எந்த ஒரு துறையிலும் உச்சத்தை எட்டுவோருக்கு 'The Great' அல்லது 'The Greatest' என்ற உயரிய அங்கீகாரத்தை வழங்குகிறது வரலாறு. விளையாட்டுத் துறையில் அந்தத் தகுதியை எட்டிய ஒரு வீரரைப் பற்றி தெரிந்துகொள்ளவிருக்கிறோம். விளையாட்டுத் துறையில் 'The Greatest' என்ற தகுதையைப் பெற்ற ஒரே வீரர் குத்துச் சண்டை உலகின் முடிசூடா மன்னன் முகமது அலி. 1942 ஆம் ஆண்டு ஜனவரி 17-ஆம் தேதி அமெரிக்காவில் ஒரு கருப்பினத்தவர் குடும்பத்தில் பிறந்தார் முகமது அலி. பிறந்தபோது அவருக்கு சூட்டப்பட்ட பெயர் Cassius Marcellus Clay.


சிறு வயதிலிருந்தே அவர் உடல் வலிமை மிக்கவராக இருந்தார். அந்த வயதிலேயே மிகவும் புகழ் பெற்ற குத்துச் சண்டை வீரராக வர வேண்டும் என்ற கனவு அவரிடம் இருந்தது. பின்னர் கருப்பின முஸ்லீம் இயக்கத்தில் சேர்ந்து இஸ்லாமைத் தழுவிய அவர் முகமது அலி என தன் பெயரை மாற்றிக் கொண்டார். பதினெட்டு வயதானபோதே அனைத்துலக குத்துச் சண்டை விருதை வென்றார் அலி. 1960-ஆம் ஆண்டு ரோமில் நடைபெற்ற ஒலிம்பிக் போட்டிகளில் கலந்துகொண்ட அவருக்கு தங்கபதக்கம் கிடைத்தது. அப்போதுகூட விளையாட்டு உலகம் அவரை சரியாக அடையாளம் கண்டுகொள்ளவில்லை.

1965-ஆம் ஆண்டு பிப்ரவரி 25-ஆம் நாள்தான் முகமது அலி என்ற புலி வீறுகொண்டு எழுந்து குத்துச் சண்டை உலகில் ஒரு புதிய சகாப்தத்தைத் தொடங்கியது. அந்த ஆண்டில்தான் முகமது அலி சோனி லிஸ்டன் என்ற உலக குத்துச்சண்டை வீரரை வீழ்த்தி "உலக ஹெவி வெய்ட்" (World Heavyweight Champion) குத்துச் சண்டை விருதை முதன் முதலாக வென்றார். குத்துச் சண்டை உலகில் ஒரு மாவீரன் உருவானதை அன்று விளையாட்டு உலகம் கண்டுகொண்டது. 1964 முதல் 1967 வரை "உலக ஹெவி வெய்ட்" குத்துச் சண்டை வீரராக திகழ்ந்தார் அலி. அதன் பின்னர் அமெரிக்கா இராணுவத்தில் கட்டாயச் சேவை புரிய மறுத்ததால் அவரது பட்டம் பறிக்கப்பட்டது. மீண்டும் அந்த பட்டத்தை வெல்ல அவர் Joe Frazier-யுடன் பொருதினார். ஆனால் தோல்வியடைந்தார்.


விளையாட்டில் வெற்றி தோல்வி மாறி மாறி வரும் என்பதை உணர்ந்த அலி மனம் தளராமல் கடும் பயிற்சியில் ஈடுபட்டார். 1974-ஆம் ஆண்டு மீண்டும் ஜோ பிரேசியருடன் பொருதி அவரை வீழ்த்தி உலக விருதை மீண்டும் வென்றார். பிறகு Leon Spinks-யுடன் தோல்வியைத் தழுவிய முகமது அலி 1978-ஆம் ஆண்டு அதே Spinks-ஐ வீழ்த்தி உலக விருதை மூன்றாவது முறையாக மீண்டும் கைப்பற்றினார். உலக குத்துச் சண்டை வரலாற்றில் தன்னை வீழ்த்தியவர்களையே வீழ்த்தி உலக விருதை மூன்று முறை வென்ற முதல் வீரர் முகமது அலி என்பது குறிப்பிடதக்கது. அதன் பிறகுதான் அவருக்கு 'The Greatest' என்ற பட்டம் சூட்டப்பட்டது. அவர் 61 முறை குத்துச் சண்டை போட்டியில் களமிறங்கியிருக்கிறார். அதில் 56-ல் வெற்றி பெற்று ஐந்தே ஐந்து தோல்விகளைதான் தழுவினார்.

37 முறை நாக்-அவுட் முறையில் வென்றார் என்பது குறிப்பிடதக்கது. நான்காவது முறையாக அந்த விருதை வெல்லும் முயற்சியில் Larry Holmes-யுடன் பொருதி தோற்றார் முகமது அலி. அந்த தோல்விக்கு வயதும் ஒரு காரணம். ஆனால் ஏற்கனவே அவருக்கு கிடைத்திருந்த பெயருக்கும், புகழுக்கும் இந்த தோல்வியால் பாதிப்பில்லை. உலகம் முழுவதும் குத்துச் சண்டையைப் பிரபலபடுத்தியதில் முகமது அலிக்கு பெரும் பங்கு உண்டு. அவரைப் பின்பற்றி இப்போது அவரது மகள் லைலா அலி பெண்கள் குத்துச் சண்டை உலகில் கலக்குகிறார். முகமது அலியை மையமாக வைத்து 'The Greatest' என்ற திரைப்படமும் வெளியானது.


தமது பலத்தால் பலரை வீழ்த்திய முகமது அலியை Parkinson's நோய் வீழ்த்தியிருப்பது உண்மைதான். குத்துச் சண்டைகளின் போது அவருக்கு தலையில் விழுந்த குத்துகளால்தான் அவருக்கு அந்த நோய் ஏற்பட்டது என்று மருத்துவர்கள் கூறுகின்றனர். இருந்தாலும் குத்துச்சண்டை உலகுக்கு அவர் கொண்டு வந்த புகழையும், வசீகரத்தையும் இன்னொருவர் எட்டிப்பிடிக்க காலம் பல ஆகலாம் என்பதே விளையாட்டு உலகின் கணிப்பு. கருப்பினத்தவர்கள் தோல் உயர்த்தி நடக்க காரணமாயிருந்த பலரில் முகமது அலிக்கு நிச்சயம் முக்கிய பங்கு உண்டு. அவர் தனது வெற்றியைப்பற்றிக் குறிப்பிடும்போது இவ்வாறு சொல்கிறார்:



"வீரர்கள் வெறும் உடற்பயிற்சி கூடங்களில் உருவாவதில்லை. அவர்களுக்கு ஆழ்மனதில் ஒரு கனவு, ஒரு தொலைநோக்கு, ஒரு விருப்பம் இருக்க வேண்டும். அவர்களுக்கு திறமையும் முக்கியம் மனோதிடமும் முக்கியம். ஆனால் திறமையைவிட மனோதிடம்தான் அதிமுக்கியம்".


மெயிலில் வந்தவை

இரா.பகவதி wrote:

அசுரன் wrote:முகமது அலி மிகச்சிறந்த வீரர். அவர் மகளும் அவருக்கு சளைத்தவர் இல்லை

உங்க எல்லோருக்கும் என் அவரு மகா மேல ஒரு கண்ணு அண்ணிக்கு ஃபோன் போடட்டுமா

அவங்க பேச்சுக்கு தான் சொன்னாங்க - நீங்க அந்தப் பொண்ண அன்னியாவே ஆக்கிட்டீங்களே பகவதி?

இரா.பகவதி wrote:தல கலக்கிடிங்க நம்ம ஈகரையில் எல்லோரும் இவங்களா தான் தேடிக்கிட்டு இருந்தாங்க ,

முகமது அலி போட்டோ பதிந்த பாலாஜி அண்ணாவுக்கு நன்றி

முகமது அலியா லைலா அலி போட்டோ இது

வை.பாலாஜி wrote:

இரா.பகவதி wrote:தல கலக்கிடிங்க நம்ம ஈகரையில் எல்லோரும் இவங்களா தான் தேடிக்கிட்டு இருந்தாங்க ,

முகமது அலி போட்டோ பதிந்த பாலாஜி அண்ணாவுக்கு நன்றி

முகமது அலியா லைலா அலி போட்டோ இது

அந்தப் பொண்ண பார்த்து பகவதி நாக் அவுட் ஆயிட்டாறு பாலாஜி.

முஹைதீன் wrote:
"வீரர்கள் வெறும் உடற்பயிற்சி கூடங்களில் உருவாவதில்லை. அவர்களுக்கு ஆழ்மனதில் ஒரு கனவு, ஒரு தொலைநோக்கு, ஒரு விருப்பம் இருக்க வேண்டும். அவர்களுக்கு திறமையும் முக்கியம் மனோதிடமும் முக்கியம். ஆனால் திறமையைவிட மனோதிடம்தான் அதிமுக்கியம்".

உண்மை!!!நல்ல பகிர்விர்க்கு நன்றி!

முகமது அலியா லைலா அலி போட்டோ இது

முகமத் அலி யோட பொண்ணு லைலா அலினி சொல்ல வந்தேன் அதுக்குள்ள

கொலவெறி wrote:

வை.பாலாஜி wrote:

இரா.பகவதி wrote:தல கலக்கிடிங்க நம்ம ஈகரையில் எல்லோரும் இவங்களா தான் தேடிக்கிட்டு இருந்தாங்க ,

முகமது அலி போட்டோ பதிந்த பாலாஜி அண்ணாவுக்கு நன்றி

முகமது அலியா லைலா அலி போட்டோ இது

அந்தப் பொண்ண பார்த்து பகவதி நாக் அவுட் ஆயிட்டாறு பாலாஜி.

அது தெரிஞ்ச விசயம் தானே .. பார்த்ததுக்கே நாக் அவுட் என்றால் .....

அது தெரிஞ்ச விசயம் தானே .. பார்த்ததுக்கே நாக் அவுட் என்றால் .....

முகமது அலியினை பற்றி பகிர்வு அருமை... அவர் பயிற்சியின் போது சொன்ன வரிகள் அற்புதமானவை " வலிக்கிறது என்று விட்டு விடாதே : வலியினை தாங்கி கொள் நிறைய கஷ்ட பாடு உன் மீதமிருக்கும் வாழ்க்கையினை ஒரு வெற்றி வீரனாய் வாழ்வாயாக " ...பகிர்வுக்கு நன்றி ...