இந்தி இந்தியாவின் தேசிய மொழி அல்ல

**சிவா** · **சிவா** Mon Apr 09, 2012 10:51 am

First topic message reminder :

இந்தி இந்தியாவின் தேசிய மொழி அல்ல - Page 2 Hindi

இந்தி இந்தியாவின் தேசிய மொழி அல்ல என்று தமிழர் பண்பாட்டு நடுவம் என்ற அமைப்பினர் சென்னை மெரீனா கடற்கரையில் பிரசாரம் மேற்கொண்டனர்.

இதுகுறித்து அந்த அமைப்பு வெளியிட்டுள்ள அறிக்கை:

எங்களின் இந்த செய்தியை மக்கள் முதல் முறையாக கேட்டுத் தெரிந்தனர். சிலர் நம்ப மறுத்தனர். இதை ஏற்றுக் கொண்டவர்கள் நமக்கு நன்றி சொன்னதுடன் புகைப்படம் எடுக்க சம்மதம் தெரிவித்தனர். இது நிச்சயம் நல்ல விழிப்புணர்வை ஏற்படுத்தி இருக்கும் என நம்புகிறோம்.

இந்தி மொழி இந்தியாவின் தேசிய மொழி அல்ல என்பதை குஜராத் உயர்நீதிமன்றம் தெளிவுபடுத்தி தீர்ப்பளித்துள்ளது.

இந்தி மொழி பெரும்பாலான மக்களால் இந்தியாவின் பல மாநிலங்களில் பேசப்பட்டாலும் அதனை தேசிய மொழியாக ஏற்றுக் கொள்ள முடியாது என்றும், அவ்வாறான அதிகாரபூர்வ அறிவிப்பு அரசியலமைப்புச் சட்டத்தில் இடம் பெறவில்லை என்றும் குஜராத் உயர்நீதிமன்ற நீதிபதிகள் விளக்கமளித்துள்ளனர்.

குஜராத் உயர்நீதிமன்றத்தில் சுரேஷ் கச்சாடியா என்பவர் 2009 ஆம் ஆண்டில் பொது நல வழக்கு ஒன்றை தாக்கல் செய்தார்.அந்த வழக்கில் இந்தி மொழி, இந்தியாவின் தேசிய மொழி என்பதால் இந்தியாவில் விற்பனை செய்யப்படும் பொருள்கள் அடைக்கப்பட்ட பெட்டிகளின் மேல் அப்பொருளினைப் பற்றிய விலை, உள்ளடக்கம், தரம் ஆகிய விவரம் குறித்த தகவல்களை இந்தி மொழியில்தான் அச்சிட வேண்டும். இது தொடர்பான உத்தரவை மாநில அரசுகளுக்கு மத்திய அரசு பிறப்பிக்க நீதிமன்றம் உத்தரவிடவேண்டும் என்றும் விண்ணப்பித்திருந்தார்.

இந்த வழக்கு குஜராத் உயர்நீதிமன்ற தலைமை நீதிபதி முகோபாத்யாயா தலைமையிலான நீதிபதிகள் முன்னிலையில் விசாரணைக்கு வந்தது.இந்த வழக்கை விசாரித்த நீதிபதிகள், இந்தி இந்தியாவின் ஆட்சி மொழி மட்டுமே தவிர அது தேசிய மொழி அல்ல. இந்தியாவின் பெரும்பாலான மக்களால் இந்தி மொழி பேசப்பட்டாலும் அதனை தேசிய மொழி என்று வாதிடுவதை ஏற்க முடியாது. இந்திய அரசமைப்புச் சட்டம், இந்தி மொழியை ஆட்சி மொழியாக மட்டுமே அங்கீகரித்துள்ளதே தவிர தேசிய மொழியாக அறிவிக்கவில்லை. அவ்வாறு எந்த அறிவிப்பும் அதிகார பூர்வமாக அறிவிக்கப்படவில்லை. அதற்கான ஆதாரங்களும் ஏதுமில்லை.எனவே இந்தி என்பது ஆட்சி மொழி மட்டுமே தவிர அது தேசிய மொழி அல்ல என்பதை தெளிவுபடுத்துகிறோம் என்று தெரிவித்தனர் என்று அந்த அறிக்கையில் தமிழர் பண்பாட்டு நடுவம் தெரிவித்துள்ளது.

தினமணி

உதயசுதா · உதயசுதா Mon Apr 09, 2012 11:26 am

ஆமா இப்படி ஏதாச்சும் கிளப்பி விடுறதே வேலையா போச்சு.

போங்கப்பா போங்க போய் இனி வரும் தலைமுறைக்காச்சும் ஹிந்தி சொல்லி கொடுங்க.

ஹர்ஷித் · ஹர்ஷித் Mon Apr 09, 2012 11:30 am

இரா.பகவதி wrote:
தமிழகத்தை தவிர அனைத்து பெரும்பான்மையான மாநிலங்களில் ஹிந்தி மொழி 80% அனைவராலும் பேசப்படும் மொழி....

ஆமாம் அண்ணா நம்மளுக்கு கீழ வேலை பாக்குரவன் கூட நம்மள மதிக்க மாட்டான்

இரா.பகவதி · இரா.பகவதி Mon Apr 09, 2012 11:31 am

ஆமா இப்படி ஏதாச்சும் கிளப்பி விடுறதே வேலையா போச்சு.

போங்கப்பா போங்க போய் இனி வரும் தலைமுறைக்காச்சும் ஹிந்தி சொல்லி கொடுங்க.

றினா · றினா Mon Apr 09, 2012 12:48 pm

புதிய தகவல். நன்றி அண்ணா

(சரி, அப்புடி என்றால் இந்தியாவின் தேசிய மொழிதான் என்ன?)

**பிரசன்னா** · **பிரசன்னா** Mon Apr 09, 2012 1:50 pm

ஜேன் செல்வகுமார் wrote:
இரா.பகவதி wrote:அய்யோ ஹிந்தி தெரியாம banglore நான் பட்ட பாடு எனக்கு தான் தெரியும் ,
தமிழகத்தை தவிர அனைத்து பெரும்பான்மையான மாநிலங்களில் ஹிந்தி மொழி 80% அனைவராலும் பேசப்படும் மொழி....

இங்கே வளைகுடா நாட்டிலும் ஹிந்தி தெரிந்து இருக்க வேண்டும்.... இந்தியன் என்று ஆகிவிட்டது ஹிந்தி கண்டிப்பாக தெரிந்து கொள்ளவேண்டும், மேலும் பல மொழிகள் தெரிந்து கொள்வது மிகவும் நல்லது....