ஈகரையில் எங்களுடன் வாழும்!

**கா.ந.கல்யாணசுந்தரம்** · 28/02/2009

நீ எங்கிருந்து வந்தாய்?
எதற்காக வந்தாய்?
இளமையின் துடிப்புகளை
அறியமாட்டாயா?
மனைவி மக்களின்
துயரம் அறியாத மூடனா?
வாழ்வின் எல்லைகளைக்கூட
தரிசனம் செய்யவில்லையே!
தமிழின் அமுதில் விஷம் கலக்க
எப்படி மனம் வந்தது!
நல்லிதய கூட்டினை சிதைக்க
உன் கரங்கள் எப்படி நீண்டன?
அந்தோ நண்பனின் உடலை
பெட்டிக்குள் அடைப்பதற்க்கு
ஓடோடி வந்தாயா?
மனம் சுமந்த மண்வாசனை
உடல் அணைக்க வைத்தாயே!
காலா.........கெடுக உன் விளையாட்டு!
இறப்பு ஒரு மௌன நித்திரை தான்....
எங்கள் ரபீக் இறப்பிலும் தூங்கா மானுடம்!
ஆன்மாவின் தூய்மை
அவரின் மெய்விளக்கு!
பிஞ்சு மழலைக்கு என்னபதில்
சொல்லப்போகிறது இந்த உலகம்?
அன்பு மனையாளின் இல்லத்து
வாழ்வுதானில் பேரிடியைத் தந்து
வேடிக்கை பார்ப்பதென்ன காலா?
மாண்டார் மீண்டும் வருவதில்லை.....
நாமறிவோம்......ஆனால்
ரபீக்கின் புகழுடல் என்றென்றும்
ஈகரையில் எங்களுடன் வாழும்!

......கா.ந.கல்யாணசுந்தரம்.