ஆட்டம், பாட்டம், கொண்டாட்டத்துடன் இன்று கோலாகலமாக தொடங்குகிறது ஐபிஎல் 5!

முஹைதீன் · முஹைதீன் Tue 3 Apr 2012 - 13:36

சென்னை: கோடை விடுமுறை தொடங்கி விட்டது, கோலாகலமாக கொண்டாட ஐபிஎல் கிரிக்கெட் போட்டிகளும் வந்து விட்டன. இன்று மாலை சென்னையில், 5வது ஐபிஎல் தொடர் கலகலப்பான, விறுவிறுப்பான, கலை நிகழ்ச்சிகளுடன் பிரமாண்டமாக தொடங்குகிறது.

இந்தி நடிகர்களின் ஆட்டம் பாட்டம், பிரபுதேவாவின் மின்னல் நடனம், அமெரிக்க பாப் பாடகி கேத்தி பெர்ரியின் கலக்கல் டான்ஸ் பிளஸ் பாடல் என தடபுடலான ஏற்பாடுகள் தொடக்க விழாவை ஜொலிக்க வைக்க தயாராக உள்ளன.

அமிதாப் பச்சன் முதல் சல்மான் கான் வரை சகலவிதமான மசாலாக்கள் தூவப்பட்ட தொடக்க விழாவைக் காண கோடானு கோடி கிரிக்கெட் ரசிகர்கள் கண்ணையும், காதையும் தீட்டி வைத்துக் காத்துள்ளனர்.

ஏப்ரல் 4ம் தேதியான நாளை முதல் போட்டிகள் தொடங்குகின்றன. அடுத்த 54 நாட்களுக்கு அதிரடி, சரவெடி, அதிரிபுதிரியான போட்டிகள் கிரிக்கெட் ரசிகர்களை, குறிப்பாக இளைஞர்கள் மற்றும் சிறார் பட்டாளத்தை சிறகடிக்க வைக்கப் போகின்றன.

மொத்தம் 9 அணிகள் -அத்தனையிலும் ஏராளமான சர்வதேச வீரர்கள், எக்குத்தப்பான இந்திய வீரர்கள் - தத்தமது திறமைகளால் தங்களது அணியை வெற்றியின் உச்சத்திற்குக் கொண்டு செல்ல துடிப்புடன் காத்திருக்கின்றனர்.

தத்தமது நாட்டு தேசிய அணியில் இடம் பிடிக்க இந்த ஐபிஎல் வளரும் வீரர்களுக்கு ஒரு வரப் பிரசாதம். இங்கு ஜொலித்தால், அங்கு இடம் கிடைக்கலாம் என்ற எதிர்பார்ப்புகளுடன் ஒவ்வொரு வீரரும் தங்களது திறமைகளை இங்கு கொட்டிக் கவிழ்க்கவும், கூடவே கை நிறைய காசுகளைப் பார்க்கவும் ஆர்வமாக உள்ளனர்.

இன்று நடைபெறும் தொடக்க விழாவில் அமிதாப் பச்சன், பிரபுதேவா, சல்மான் கான், கரீனா கபூர், பிரியங்கா சோப்ரா என பலரும் கலந்து கொண்டு பட்டையைக் கிளப்பும் நிகழ்ச்சிகளில் பங்கேற்கவுள்ளனர்.

ஒய்எம்சிஏ மைதானத்தில் இந்த தொடக்க விழா நடைபெறுகிறது. இதற்காக அங்கு பிரமாண்ட மேடை போடப்பட்டுள்ளது. தொடக்க விழாவில் 9 அணிகளின் கேப்டன்களும் கிரிக்கெட் உறுதிமொழி எடுத்துக் கொள்ளவுள்ளனர்.

தொடக்க விழாவைப் பயன்படுத்தி தடபுடலாக காசு பார்க்க கிரிக்கெட் வாரியமும் கூட தயாராக உள்ளது. தொடக்க விழா டிக்கெட் கட்டணத்தை பெரிய அளவில் நிர்ணயித்துள்ளனர். குறைந்தபட்ச டிக்கெட் கட்டணே ரூ. 1500 தானாம்.

இன்றைய தொடக்க விழாவின் ஹைலைட்டாக கருதப்படுவது கேத்தி பெர்ரியின் டான்ஸ் மற்றும் பாடல்தான். பிரபுதேவாவுடன் இணைந்து அவர் ஆடவும் போகிறார்.

நாளை நடைபெறும் முதல் போட்டியில் நடப்புச் சாம்பியனான சென்னை சூப்பர் கிங்ஸும், மும்பை இந்தியன்ஸ் அணிகளும் மோதுகின்றன. சேப்பாக்கம் எம்.ஏ. சிதம்பரம் ஸ்டேடியத்தில் போட்டி நடைபெறவுள்ளது.

நாடு முழுவதும் மே 27ம் தேதி வரை 12 இடங்களில் 76 போட்டிகள் நடைபெறவுள்ளன. லீக் போட்டிகள் மட்டும் 72 ஆகும். ஒவ்வொரு அணியும், மற்ற அணிகளுடன் உள்ளூர் மற்றும் வெளியூர்களில் ஆடும்.
தட்ஸ்கிரிக்கெட்

ஆட்டம், பாட்டம், கொண்டாட்டத்துடன் இன்று கோலாகலமாக தொடங்குகிறது ஐபிஎல் 5!

ஆட்டம், பாட்டம், கொண்டாட்டத்துடன் இன்று கோலாகலமாக தொடங்குகிறது ஐபிஎல் 5!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக