அரசு ஊழியர்களின் சம்பளம் மனைவியரின் வங்கி கணக்கில்!

**பிரசன்னா** · **பிரசன்னா** Sun Apr 01, 2012 5:16 pm

First topic message reminder :

அரசு ஊழியர்களின் சம்பளம் மனைவியரின் வங்கி கணக்கில்! - Page 2 E_1333003030

இந்தோனேஷியாவில், கொரண்டோலோ மாகாண அரசு நடைமுறைப்படுத்தியுள்ள, ஒரு புதுமையான திட்டம், ஆச்சரியத்தையும், பரபரப்பையும் ஏற்படுத்தியுள்ளது. கொரண் டோலோ மாகாணத்தில், அரசுத் துறையில் பணிபுரியும் ஆண் ஊழியர்களில் பெரும்பாலானோர், தங்கள் சம்பளப் பணத்தை, மனைவியரிடம் ஒழுங்காக கொடுப்பதில்லை.

"சம்பளப் பணத்தின் பெரும்பகுதியை, ஆடம்பரச் செலவுக்கு பயன்படுத்துகின்றனர். மது குடிக்கவும், கணிசமான தொகையை செலவிடுகின்றனர். சிறிய தொகையை மட்டுமே, வீட்டுக்கு தருகின்றனர். இதன் மூலம், வீட்டுத் தேவைகளை நிறைவேற்ற முடியவில்லை. குழந்தைகளின் கல்விச் செலவுக்கு கடன் வாங்க வேண்டியிருக்கிறது...' என, அரசு ஊழியர்களின் மனைவியர், கண்ணீர் மல்க, மாகாண கவர்னரிடம் புகார் அளித்தனர்.

யோசித்துப் பார்த்த கவர்னர், அதிரடியாக ஒரு திட்டத்தை அறிவித்தார். இதன்படி, "இனி, ஒவ்வொரு மாதம் முடிந்ததும், ஊழியர்களின் சம்பள தொகை முழுவதும், சம்பந்தபட்டோரின் மனைவியரின் கணக்கில் டிபாசிட் செய்யப்படும். அந்த பணத்தை, அவர்களே எடுத்துக் கொள்ளலாம். ஊழியர்களின் வங்கிக் கணக்கில், ஒரு நையா பைசா கூட, போட மாட்டோம்...' என, அறிவித்து விட்டார்.

இதற்கு பெரும்பாலான ஊழியர்கள் எதிர்ப்பு தெரிவித்தாலும், கவர்னர் அதை பொருட்படுத்த வில்லை. திட்டமும், நடைமுறைக்கு வந்து விட்டது. இப்போது தான், ஊழியர்களின் மனைவி களின் முகங்களில், மகிழ்ச்சி தாண்டவமாடுகிறது. "அய்யா மகராசா... நீங்க நல்லா இருப்பீங்க...' என, கவர்னரை கையெடுத்து கும்பிடுகின்றனர். ஊதாரி கணவர்களின் பாக்கெட்டுகளுக்கு வேட்டு வைக்கும், இந்த திட்டம், நம்ம நாட்டிலும் நடைமுறைக்கு வந்தால், எவ்வளவு நன்றாக இருக்கும்.
— ஜோல்னா பையன்.

வாரமலர்

யினியவன் · யினியவன் Mon Apr 02, 2012 11:21 am

சொளையா வாங்கி கொண்டு போயி குடுத்த திருப்தியாவது இருந்தது. இப்ப அதுவும் போச்சா? முதல் வாரம் நல்லாருக்கற கவனிப்புக்கும் ஆப்பு வெச்சிட்டாங்களா?

அடடே இது நம்ம ஊர்ல இல்லையோ - தப்பிச்சோம்டா சாமீ. புன்னகை

உதயசுதா · உதயசுதா Mon Apr 02, 2012 11:45 am

இந்த நடைமுறைய இந்தியாவிலும் கொண்டு வரணும்.அப்பதான் பல குடும்ப பெண்கள் நிம்மதியா இருக்க முடியும்

முஹைதீன் · முஹைதீன் Mon Apr 02, 2012 1:17 pm

மாணிக்கம் நடேசன்

அது சரி, ரெண்டு ,மூனு மனைவி இருந்தா எப்படி?

இப்படி ஒரு எண்ணம் இருக்கோ?

இத படித்ததும் எல்லா பெண்களுக்கும் சந்தோஷத்தை பாரு. இது குடிக்கிற, ஊதாரித்தனமா செலவு செய்கிற ஆண்களுக்குதாங்க.
எங்களை போல நல்லவங்களுக்கு இல்ல.

உதயசுதா · உதயசுதா Mon Apr 02, 2012 1:21 pm

முஹைதீன் wrote:
மாணிக்கம் நடேசன்

அது சரி, ரெண்டு ,மூனு மனைவி இருந்தா எப்படி?

இப்படி ஒரு எண்ணம் இருக்கோ?

இத படித்ததும் எல்லா பெண்களுக்கும் சந்தோஷத்தை பாரு. இது குடிக்கிற, ஊதாரித்தனமா செலவு செய்கிற ஆண்களுக்குதாங்க.
எங்களை போல நல்லவங்களுக்கு இல்ல.

நீங்க நல்லவரு,வல்லவரு என்று நீங்களே சொல்லிக்க கூடாது.எங்க நாத்தனார்கள் தான் சொல்லணும்

Sponsored content · Sponsored content

அரசு ஊழியர்களின் சம்பளம் மனைவியரின் வங்கி கணக்கில்!

அரசு ஊழியர்களின் சம்பளம் மனைவியரின் வங்கி கணக்கில்!

Re: அரசு ஊழியர்களின் சம்பளம் மனைவியரின் வங்கி கணக்கில்!

Re: அரசு ஊழியர்களின் சம்பளம் மனைவியரின் வங்கி கணக்கில்!

Re: அரசு ஊழியர்களின் சம்பளம் மனைவியரின் வங்கி கணக்கில்!

Re: அரசு ஊழியர்களின் சம்பளம் மனைவியரின் வங்கி கணக்கில்!

Re: அரசு ஊழியர்களின் சம்பளம் மனைவியரின் வங்கி கணக்கில்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக