மீண்டும் கிளர்ந்தெழுகிறார் ஆங்சான்சூகி

**பிரசன்னா** · **பிரசன்னா** Sun Apr 01, 2012 5:00 pm

யோங்கோங்: 15 ஆண்டு காலம் வீட்டுக்காவலில் வைக்கப்பட்டு அமைதிக்கான நோபல் பரிசு பெற்றவரான ஆங்சான்சூகியின் மியான்மரில் இன்று நடக்கும் தேர்தலில் அவருக்கு பெருவாரியான இடங்கள் கிடைக்கும் என எதிர்பார்க்கப்படுகிறது. கடந்த 1990ல் பெற்ற வெற்றியை ராணுவத்தினர் ரத்து செய்து அவருக்கு இடையூறு கொடுத்தனர். 2010 நவம்பரில் விடுதலை செய்யப்பட்டார். கடந்த தேர்தலை புறக்கணித்த சூகி இன்றைய தேர்தலை சந்த்திக்கிறார்,

மியான்மர் நாட்டில் பல்வேறு அரசியல் சீர்திருத்தங்கள் மேற்கொள்ளப்பட்டு வருகின்றன. இதன் ஒருபகுதியான கடந்த ஆண்டு நடந்த தேர்தலில் அதிபராக தைன்ஷென் தேர்வு செய்யப்பட்டார். அத்தேர்தலை ஆங்சான்சூகி கட்சி புறக்கணித்து.

பின்னர் நடந்த அரசியல் நடவடிக்கைகளால் அந்நாட்டின் முக்கிய எதிர்க்கட்சித்தலைவரான ஆங்சான்சூகி (வயது 66 ) வீட்டுக்காவலில் இருந்துவிடுவிக்கப்பட்டார். அவரது கட்சி தேர்தலில் போட்டியிட அங்கீகரிக்கப்பட்டது. இதைத்தொடர்ந்து அந்நாட்டு பாராளுமன்றத்தின் 45 தொகுதிகளுக்கான இடைத்தேர்தல் இன்று நடக்கிறது.

ஆங்சான்சூகியின், தேசிய ஜனநாயக லீக் (என்.எல்.டி) கட்சி 44 தொகுதிகளில் போட்டியிடுகிறது. ஆங்சான்சூகியும் வேட்பாளராக களத்தில் உள்ளார். கடந்த 22 ஆண்டுகளாக தேர்தலில் போட்டியிடாத இவர் வீட்டு காவலில் இருந்தாலும் அவரது செல்வாக்கு பெரும் அளவில் உயர்ந்துள்ளது.

தினமலர்